1SAMWELI 22:7 - Bibilia Kui Mdedie fo Kimochi

⁷ Nao Sauli kawia waṟundi wake, “Wulalu nyo wandu wa kishari kya Benyamenyi njiadanyienyi, ngesa, mukusaṟie ke Dawidichu mana o Yese nechiinenga orio umu onu madema na madema ha mizabibu? Ang'u, mukusaṟie ke nechiwika orio umu onu nawe msongoru o shiku shamachekeṟo ha shidenyi ang'u msongoru o mahana hamachekeṟo ha wandu?

1SAMWELI 22:7 ပူးပေါင်းရင်းမြစ်များ

2SAMWELI 18:1

Kyasia, Dawidi kaitala wandu walya wawei nao, kawahawa kui shiumbu sha mahana, na mashiku; kawawika wanda ya wasongoru.

2SAMWELI 20:1

Kyasia, kukawa pfo mndu umu o mtoolo elaho Sheba mana o Bikri, Mbenyamini, Sheba kakapa ombe na iwia wandu, “Luwode kyoṟa kyose ko Dawidi pfo. Wandu wa Israeli njonyi lukure iya orio mndu nahende kanyi koke. Dawidi mana o Yese chi mangi yadupfo!”

1WAMANGI 12:16

Kyasia Wasraeli wekiwona ke Mangi awaadanyia pfo, wandu wo wakahaluo Mangi wechihamba, “Luwode ohawi lui kiidi kya Dawidi! Ma luwode kyoṟa kiidi kya mana o Yese-pfo. Kyasia hendenyi mahemenyi hanu, lanye Israeli, wulalu ringa mba yapfo kumonyi iyo Dawidi.” Nalyo Israeli wakahenda mahemenyi hawo.

1MBONYI TSA MAHERI 12:16

Wandu maata wa oshari lo Benyaminyi na Yuda, walehenda iosha Dawidi kulya mṟinyi foke fu mniṟihiye.

YESAYA 11:1

Nahong'u kochikapa njana kiidi kya itsinde lya Yese, na iṟamba lyechiwuka kiidi kya mri yake lyechiṟaa ndunda.

YESAYA 11:10

Na kechiwa mkonufo, itsinde lya Yese lyehoṟoka iwa kichano kui shishari sha wandu, nyio mbaṟi tsa wandu wakeri imshiha; na handu hake hesia moo kochiwada kiṟumi.

1SAMWELI 18:14

Dawidi kahuyo ko orio kindo alekiwuta, kyamba Mndumii-Ruwa nawei kimu nao.

1SAMWELI 20:27

Ilyi lyingi, numa ya mfuho fo ido ya meri, kitima kilya kya Dawidi kikawekooyo kulawode mndu. Sauli kawesa mana oke Yonathani, “Nki ili Dawidi mana o Yese, alacha kiliiyonyi kya shelya wukou na inu.”

1SAMWELI 20:30

Naho Sauli kawado nyi nyashi kipfa kya Yonathani, kambia, “Iyo mana o mndumka mmbicho, na mlembi! Njiichi ke nulekusambuṟia mana o Yese kokusutsa iyo kumonyi, na isutsa mayo!

1SAMWELI 22:13

Sauli kambia, “Nki ili iyo na Dawidi mana o Yese, muleruwa kyama kyako inyi? Nki ili kulemnenga mkate na oshu, numa komterewia ko Ruwa? Kipfa kya ikyo nalelekana na inyi nao nainjiṟinjawia.”

1SAMWELI 22:9

Nlyondi, Doegi, Mwedomu, msa awehoṟoki kufui na mṟundi o Sauli kahamba, “Njilewona mana o Yese kechicha Nobu ko mkohanyi Ahimeleki mana o Ahitubu.

1SAMWELI 25:10

Nabali kawesa wasoṟowo wa Dawidi, (Dawidi nyiu? Mana o Yese nyiu? Mkonu ii kuwode waṟundi wafoi wekedicha wawuka ko wandumii wawo.