1SAMWELI 22:23 - Bibilia Kui Mdedie fo Kimochi

²³ Iyo kaa handu hamu na inyi, manya kulaowuo. Cha kipfa Sauli nakundi injiwaaha inyi na iyo; kyaindi kui na inyi nochikaa kipuo.”

1SAMWELI 22:23 ပူးပေါင်းရင်းမြစ်များ

2SAMWELI 9:7

Dawidi kambia, “Ma kulaowuo; njikundi ikuwutia mecha kipfa kya ndeo o Yonathani. Njikudambikia oruka lulya lose luwei lo sahuyo Sauli, na iyo wokia inu na maheri hose nochiwa molya mesenyi na inyi.”

1WAMANGI 1:7

Adoniya kahaluyana na Yoabu mana o Seruya, na Abiathari mkohanyi, nawo wakatarama Adoniya, wakamwosha.

1WAMANGI 2:26

Kyasia, Mangi kawia Abiathari mkohanyi, “Henda Anathothi mdemenyi kopfo, kipfa kikuwaṟi ipfa; indi chi inupfo, kipfa iyo noleduo isanduku lilya lya Mndumii kusonguo ko Dawidi ndeako, na kipfa iyo nyi uleliso wukiwa wulya wulya wo wande oko.”

MATAYO 24:9

Nalyo wahende imdambika wamiitse shiwirenyi na imbaha wawembaha. Nanyo mukoe musuikyo ko wandu wa masanga hose kipfa kya rina lyako.

YOHANE 15:20

Kumbuonyi shilya njilemuwia: Kuipfo mndu isinga ang'anye menyi olyopfo. Komkoya nyi walenjiterengya inyi, nanyo na wudo wechimuterengya. Kukoye waweringa madedo hako na iho hanu nyi wechiharinga-da.

YOHANE 17:12

Mandi njiwei nawo njilewa mowaringa wawe weindya rina lyo lyapfo ulenjienenga. Nyi njiwepfo njewalaya choowe, ma kwipfo umu owo aledekapfo shile nyi mana chu o odetso kundu kidedo kilya Kiele kiinukie.

YOHANE 18:9

(Kikahenda kido kundu kilya alededa kihende iinukya kilya kehamba, “Walya ulenjienenga wawe wako nyiledetsa-ho ma umupfo.”)

1SAMWELI 23:17

Yonathani nalemmbia, “Kulaowuo, wande oko o Sauli echiidima ikuwadapfo. Iyo nochiwa mangi ya Waisraeli, na inyi njechiwa o kawi oo numa yapfo. Manya wande oko o Sauli naichi mbonyitso.”