1SAMWELI 22:20 - Bibilia Kui Mdedie fo Kimochi

²⁰ Kyaindi Abiathari, umu o wana wa kisoṟo wa Ahimeleki, mana o Ahitubu, kasheṟukaho kadichia ko Dawidi.

1SAMWELI 22:20 ပူးပေါင်းရင်းမြစ်များ

2SAMWELI 15:24

Mṟundi o Ruwa Abiathani na Zadoki wakacha handu hamu na Walewi wose wakacha wakudikie isanduku lilya lya mkundano fo kacha fo Ruwa, wakalileṟia wanda, wakatirima mṟasa wandu wose wakamarisa iwuka nja ya mṟi fulya.

2SAMWELI 20:25

Shausha nawei mṟehi, Sadoki na Abiathari wawekeri wakohanyi.

1WAMANGI 1:7

Adoniya kahaluyana na Yoabu mana o Seruya, na Abiathari mkohanyi, nawo wakatarama Adoniya, wakamwosha.

1MBONYI TSA MAHERI 15:11

Kyasia Dawidi kalaha wakohanyi wanene wawi welaho nyi Sadoki na Abiathari, na Walawi waṟandaṟu; Urieli, Asaya, Yoeli, Shemaya, Elieli na Aminadabu;

1MBONYI TSA MAHERI 18:16

Na Sadoki mana o Ahitubu, na Ahimeleki mana o Abiathari, wakawa makohani; na Shausha kawa mṟehi;

YOBU 1:19

Kudi kiwiriwiri kikacha kiwuka nuka ya msanga, kikakapa mba yo wawei njora tsose ikawawundukia, na wanake wose wapfa. Inyi njimonyi mfi ngakia ngakuendie mbonyi.”

1SAMWELI 14:3

Ahiya, mana o Ahitubu manomayo Ikabodi mana o Finehasi, mana o Eli mkohanyi o Mndumii-Ruwa mṟinyi fo Shilo, nyio aweṟee kisibau kya mkohanyi wandu walemanya ke Yonathani amekurehopfo.

1SAMWELI 2:33

Njechitsuhaṟapfo mndu umu o luwa lyapfo, nao nechinjiṟundia cha mkohanyi. Kyaindi nechiwa kipfupfuṟe, na echiwa na kindo kyekusiriapfo; na wa mba yapfo wengi wose wechiwooho iki kiwicho wicho.

1SAMWELI 22:21

Abiathari kaongoya Dawidi ke Sauli nalewaha wakohanyi wa Mndumii-Ruwa.

1SAMWELI 23:6

Kiheri Abiathari, mana o Ahimeleki aledichia ko Dawidi kulya Keila naleduo na kisibau kya ukohanyi.

1SAMWELI 23:9

Kiheri Dawidi aleicho ke Sauli nakuṟeheṟie iki kiwicho wicho icha ikapana nao, kawia mkohanyi Abiathari, “Ende na iya kisibaukyo kya ukohanyi.”

1SAMWELI 30:7

Dawidi kawia mkohanyi Abiathari mana o Ahimeleki, “Njiendie kisibau kya mkohanyi.” Abiathari kamwendie.

1SAMWELI 4:12

Mkonu nafo, mndu umu o kisharinyi kya Benyamenyi kadicha awuka kiidi kya otasa lo kusonguo lo shidenyi mṟasa Shilo nguo tsake tsirandukie randukie, na kilulyi mdonyi koke.