1SAMWELI 22:12 - Bibilia Kui Mdedie fo Kimochi

¹² Sauli kahamba, “Adanyia wulalu iyo mana o Ahitubu.” Ahimeleki kambia, “Ahai Mndumii.”

1SAMWELI 22:12 ပူးပေါင်းရင်းမြစ်များ

2SAMWELI 1:7

Sauli kahaluka kanjiwona kanjilaha. Na inyi ngamuidikia “Embe!”

2SAMWELI 9:6

Mefiboshethi mana o Yonathani na mchuku o Sauli ahende ishika oshangunyi lo Dawidi, kaoloka madendenyi ha Dawidi na impfiria ndi kechimuadapfuma. Dawidi kamlaha, “Mefiboshethi.” Nao kamiidikia kahamba, “Ee Mndumii nyi inyi mbee (mṟundi opfo.)”

YESAYA 65:1

Mndumii-Ruwa nahamba adi, “Njiwekuṟeheṟie ikuloṟa ko walya walawekeri iwesa mbonyi tsako. Njiwekuṟeheṟie iambilia walya walawenjishiha. Njilewia mkambo fulya fulawenjiterewa ko rina lyako: “Nyi iya njikeri! Nyi iya njikeri!”

1SAMWELI 22:11

Mangi Sauli kawawasa mkohanyi Ahimeleki mana o Ahitubu, handu hamu na wandu wose, wa mba ya ndeye sa wawei wakohanyi kulya Nobu walaho. Woose wakahendia mangi Sauli.

1SAMWELI 22:13

Sauli kambia, “Nki ili iyo na Dawidi mana o Yese, muleruwa kyama kyako inyi? Nki ili kulemnenga mkate na oshu, numa komterewia ko Ruwa? Kipfa kya ikyo nalelekana na inyi nao nainjiṟinjawia.”

1SAMWELI 22:7

Nao Sauli kawia waṟundi wake, “Wulalu nyo wandu wa kishari kya Benyamenyi njiadanyienyi, ngesa, mukusaṟie ke Dawidichu mana o Yese nechiinenga orio umu onu madema na madema ha mizabibu? Ang'u, mukusaṟie ke nechiwika orio umu onu nawe msongoru o shiku shamachekeṟo ha shidenyi ang'u msongoru o mahana hamachekeṟo ha wandu?