1SAMWELI 20:13 - Bibilia Kui Mdedie fo Kimochi

¹³ Kyaindi kokoya nakundi ikuwutia mawicho, njechikutarama noashuke. Njechiterewa Mndumii nanjikape owicho kokoya njilawuta iki ngakuteṟia. Njiterewa Mndumii nakuinenge mboṟa chandu awekeinenga wande oko mboṟa.

1SAMWELI 20:13 ပူးပေါင်းရင်းမြစ်များ

2SAMWELI 19:13

Dawidi kawawia, “Wesenyi Amasa koka o alakeri samu yako. Na kya ngoseṟa Ruwa nakunjiwahie kokoya njilammbika nawe mnene o Maaskari wose wa shida wa Israeli handu ha Yoabu.”

2SAMWELI 3:35

Nahong'u Dawidi kaleha ilya kindo kyose mkonu fulya foṟika Abneri. Wandu wafoi wakaterewa Dawidi nalye kindo kitutu; kyaindi Dawidi kaleha kechilya nyamu ke echilya kindo kyose pfo, mṟasa kiukanyi.

2SAMWELI 7:15

Kyaindi njechiwuta ikunda lyako na owoko loko kokepfo, chandu njilewuta ko Sauli, ngamsoka wumangi.

1WAMANGI 1:37

Chandu Mndumii-Ruwa awei hamu na Mndumii oko Mangi, nawekuwia kudo ko Solomoni, nawewanza na iikara loṟika lo wuitoṟi woke luwembe kota lo Mndumii oko Mangi Dawidi.”

1WAMANGI 19:2

Yezebeli kaduma ndumi ko Elia kambia, “Maruwa hanjiwahie kuleshe, ngakulia nyamu, kukashika ngama kiheri cha iki nochifanana na waikimbi wa Baali chandu ulewawutia.”

1WAMANGI 20:10

Ben-Hadadi kadikia Ahabu ndumi ii, “Maruwa hako hanjiwaahie kuleshe, ngakulia nyamu, kokoya ipfo Samaria kochitsuhaa pfo kiluli nnde imu, ko orio owayo lo wandu wako chando wafoi.”

1MBONYI TSA MAHERI 22:11

Ulalu, Solomoni mana oko, njiterewa Mndumii-Ruwa oko nakae hamu na iyo, nakutarame noidime imsungusia hekalu lyo.

1MBONYI TSA MAHERI 22:16

na sahabu, fesa, menya njiiwu na menya njiumu. Wulalu nowode waṟundi na shindo shishikie, koikyo woka iṟunda, na Mndumii-Ruwa nawe na iyo nakutarame.”

MATAYO 28:20

Mbewalosha wakae na mbonyi tsilya njimbawasye tsose. Nahong'u ambuyenyi njii nanyo mafiri hose na kuwede kushike ili masiyonyi ha wuyana.”

WAFILIPI 4:9

Ishi mulekupfunda nasho koko mukashiwada kui iicho na iwona sho muwe mochishiwuta, na ofoṟo lo Ruwa lochikaa nanyo.

YOSHUA 1:5

Ambuya Yoshua, kuwode mndu ose echiidima iwinzana na iyo kiheri kyose ui na moopfo nyi njechikaa na iyo chando njiwei na mṟundi oko Mose, nyi njechikaa handu hamu na iyo manya njechikulekiapfo.

RUTI 1:17

Handu opfiia na inyi njechipfiia-ho, nahondo njechiṟiko; Mndumii nanjiwutye ado na iengeṟa. Nyi opfu tupu lochiluletsana.

1SAMWELI 10:7

Ili mandi isho shechikuchea, orio kindo ochiidima ikiwuta kiwute, kyamba Ruwa nakeri na iyo.

1SAMWELI 14:47

Sauli amewa mangi ya Waisraeli, nalekapana na wakituwa wake njora tsose: Wamoabu, Waamoni, Waedomu, Wamangi wa Soba na Wafilisti. Orio mandi alekapana shida, nalewinga.

1SAMWELI 17:37

Mndumii-Ruwachu alemenjiashuo kiidi kya manjaa ha miiso na shisii, nechinjiashuo kuwuka mawokonyi ha Mfilistichu.” Sauli kambia, “Kuhendie; nao Mndumii-Ruwa nakae na iyo.”

1SAMWELI 18:12

Sauli naweowoye Dawidi kyamba Mndumii-Ruwa nawei handu hamu nao, kyaindi Mndumii-Ruwa nawelekanyi na Sauli.

1SAMWELI 19:3

Inyi njechicha njihoṟoke kufui na wande ipfo demenyi kundu ochiowa. Njechideda nao kyapfo iyo, na ikyo kyose njechimanya kiwuka koke, njechikuwia.”

1SAMWELI 20:12

Yonathani kawia Dawidi, “Mndumii-Ruwa, Ruwa o Waisraeli nawe mṟingishi odu. Ngama ang'u kilalau, kiheri cha iki njechiwesa wande oko nkiki aihia iwuta. Nyi kyalohi, njechikuwia kokoya nawode mahio mecha kyapfo iyo.

1SAMWELI 20:14

Kokoya ngadeyoho na moo, kenjiloṟang'u ikunda lilya lya Mndumii-Ruwa kundu njilapfe,

1SAMWELI 25:22

Ruwa nakenjiwaaha inyi ko koya ngama ngamenyi njilamewaha wandu wake wose.”

1SAMWELI 3:17

Eli kammbesa, “Ngesa, Nki ki Mndumii-Ruwa alekuwia kulanjiṟikye kindo alekuwia. Kokoya nochinjiṟika ikyo alekuwia, Ruwa nechikutuura iki kiwichowicho.”