1SAMWELI 18:1 - Bibilia Kui Mdedie fo Kimochi

¹ Kiheri Sauli alemarisa ikapa sumu na Dawidi Yonathani mana o Sauli, kachihiṟo mnu na kamu nyi Dawidi, kamkunda na mrima foke fose chandu awekukundi o amonyi.

1SAMWELI 18:1 ပူးပေါင်းရင်းမြစ်များ

MAWOOKIONYI 44:30

“Kyasia, ngahenda ko isinga lyapfo wande oko, na manakechu alarianyi hamu naso, na chandu mrima foke fuwadanyi na mrima fo manakechu

2SAMWELI 1:26

“Njikufihiṟia monowama Yonathani; kipfa njiwekukundi mnu, kipfa ikunda lyapfo koko liweng'anyi lyikaeṟa , ikunda lya mndu mka.

1MBONYI TSA MAHERI 12:17

Kyasia, Dawidi kahenda iwaambilia kawawia, “Kokoya mocha na koko cha mbuya tsa injitarama, kekucheyenyi. Kulungenyi na so. Kyaindi kokoya mocha kundu muwe waṟingi ko watwari wako, ma chandu njilamemuwutie kindo kiwicho kyose, Ruwa chu o wandeye wanu namuambuye, na imutoloma.”

SHIIMBO SHA DAWIDI 86:11

Hoi Mndumii, njilosha njia yapfo; njechichumia kiidi kya kiilohi kyapfo; mrima foko fuchihiyo iindia rina lyapfo.

MFANANO 18:24

Mosanya wambuya wafoi nyi odetso loke amonyi; Indi kuwode mbuya ekeoshana na mndu kota manomae.

NGUMBUO YA MAWAWASO 13:6

Kokoya manomayo moonga wee limu, ang'u mana opfo, ang'u mana opfo o kika, ang'u mkaopfo umkundi mnu nakamu, ang'u mbuya yapfo ya mrima, kakutuusa ko kiṟika kechikuwia, “Nnde luindie maruwa hengi, sa iyo kumonyi manya waku wanu mulawaichi;

WAKOLOSE 2:2

Njiiṟunda njidi kundu ngoo tsawo tsihendekarisho tsilungana kikundenyi tsiwefeṟyo mfeeṟa fo welu ya wutiichi wose wo imanya kyama kikoome kya Ruwa nkyo Kristo amonyi.

WACHILI 20:11

Ko ikyo wasoṟo wose wa Israeli wakasanza na mrima fumu ikapana na mṟi fo Gibea.

1SAMWELI 14:45

Kyaindi wandu wakawia Sauli, “Nki ili Yonathani echiwooho mndu aleendie Waisraeli wuwinziwu wung'anyi wudi Kindoki kiide kuleshe. So Mndumii-Ruwachu menyi moo, manya ochui lumu lo mdonyi foke lochiho wandapfo. Iki awuta inu, nawuta kechitaramo nyi Mndumii-Ruwa.” Koikyo wandu wakaashuo Yonathani nao nalawooho.

1SAMWELI 18:3

Cha kipfa Yonathani nalekunda Dawidi cha mrima foke kawika na mkundana.

1SAMWELI 19:1

Sauli kaongoya mana oke Yonatanyi na wachili wake chandu echiwaaha Dawidi. Kyaindi Yonathani mana o Sauli nawekundi Dawidi mnu nakamu.

1SAMWELI 19:2

Ko ikyo, kambia, “Wande oko naikuṟinjawia nakuwaahe. Ko ikyo nokuṟise. Ngama ngamenyi, noowe handu ha mwowionyi, nokaeho.

1SAMWELI 20:17

Kamba lyingise, Yonathani kawia Dawidi nalye nyamu yemkunda; kipfa Yonathani nawekundi Dawidi chandu awekukundi o amonyi.

1SAMWELI 20:8

Koikyo nonjiwutie kya woloru wopfo, kipfa nolewika mkundana mwele fo Mndumii-Ruwa na inyi, inyi mṟundi opfo oshangunyi lo Mndumii-Ruwa. Kyaindi, kokoya inyi njilemenyamaṟa, njiwaha iyo kumonyi; nkyakise nonjiduo ko ndeyo kundu nanjiwahe?”

1SAMWELI 22:8

Nki ili nyo moose muleruwa kyama kyako nyi kuwode manya umu onu ekenjiwia mbonyitsi pfo mandi mana oko aleruwa kyama na mana o Yese. Kingise, nki ili kulawode manya kiidi kyanu ekeṟihio ang'u nanjiongoye ke mana opfo kumonyi nakeri ikuṟiingia ko mṟundi cho opfo na injiṟinjawia chandu kii inu?”

1SAMWELI 23:18

Wanduwo wawawi wakawika mkundana oshangunyi lo Mndumii-Ruwa. Dawidi kadeo kulya mṟinyi fo Horeshi na Yonathani kawuya na kanyi koke.