1SAMWELI 17:36 - Bibilia Kui Mdedie fo Kimochi

³⁶ Inyi mṟundi opfo njilemewaaha mwiso ifoi na ngaṟe tsifoi. Wulalu ma Mfilisticho alamdine msa alemeruma machekeṟo ha Ruwa menyi moo, nechiwa chaho.

1SAMWELI 17:36 ပူးပေါင်းရင်းမြစ်များ

2MBONYI TSA MAHERI 32:17

Mangi o amonyi naleṟehia paruo, karuma na isalucha Mndumii-Ruwa, Ruwa o Waisraeli kahamba, “Chandu maruwa ha mkambo walaleidima iashuo wandu wawo kuwuka mawokonyi hako, nawudo Ruwa o Hezekia elechiidima iashuo wandu wake kuwuka mawokonyi hako.”

YESAYA 10:15

Ngesa, soka likuṟumishe ko ichu aliwode? Ale, msemeno nafo fukuichike ko ichu mofukuruo? Kiwechiwa ke ndichi yechumia iwededemisha weiira, ang'u ndichi iwechiira ichu alai ikidi.

YESAYA 36:15

Manya mulalekie Hezekia namuwike msiha fokusiria Mndumii; kechihamba, Mndumii nyi lohi echilukiṟa, mṟi fo fochiidimika idambikio mawokonyi ha mangi ya Ashurupfo.

YESAYA 36:18

Kuṟisenyi mulawone mochilembo nyi Hezekia kechihamba, Mndumii nechiluringa. Ngesa kuwode ruwa umu o masanga alemekiṟa wandu wake na owoko lo mangi ya Ashuru?

EZEKIELI 28:10

Ambuya nochipfa opfu luendie wusutsu wung'anyi mawokonyi ha mkambo fo wandu. Nyi inyi Mndumii, Ruwa menyi matorito ngahamba.”

EZEKIELI 32:19

Kewawienyi, ngesa nyo mui wecha kota u? Hendenyi ipfo ko wapfu muhende ikaapfo hamu na wandu walya walaichi Ruwa!

DANIELI 5:23

Kokuirinyisha oshangunyi lo Mndumii-Ruwa o ruwehu; mkaende shombo shilya shele shikaendo na mmbenyi yapfo mukanyo nasho iyo na wanene wa mkambo, na waka wapfo na shitonga shapfo, mokiidima mukaṟumisha maruwa hanu ha wongo ha sahabu na fesa na aṟeṟa, na ha mashidi na ha maho; halekewona manya iicho, na halaichi idedo lyose na Ruwa ulya mṟufu fopfo fui kuwokohu koke na njia tsapfo nyi tsake ulakunde imṟumisha.

ZEKARIA 12:3

Mkonu fo njechihaluo Yerusalemu mṟi mnene fuwe iho lilemeri na orio mndu mokudika limtane shifaṟe, wandu wa mbaṟi tsose wechikuumbia handu hamu.

ZEKARIA 2:8

Kipfa Mndumii menyi matorito nahamba adi, Kundu njishihe kiṟumi, nanjiduma ko wandu wa mkambo walya walemuduo wapfungo, kipfa ulya momupaaya nyo, napaaya njeche ya riso lyake.

1SAMWELI 14:6

Yonathani kawia manake ulya alemdaṟa shisha, “Kenjo, luhende ora lo kawi kulya mfiṟihenyi fo wanduwa walawadine. Kofia Mndumii-Ruwa nelutarama, cha kipfa Mndumii-Ruwa ekekiṟa wandu kipfa kya mfoeṟa ang'u wuangu wo wandupfo.”

1SAMWELI 17:10

Mfilisticho kaengeṟa ideda kyechikuichika, “Njikundiolemali lo Waisraeli wasambuṟe mndu umu inu nache ikapana na inyi.”

1SAMWELI 17:26

Dawidi kawesa walya wawei kufui nao, “Ngesa, mndu echiwaha Mfilistichu na iwuta Waisraeli wusutsu wo mbaṟi ii nechiinengo kiki? Nyiu Mfilistichu mndu alamdine, akaria iruma machekeṟo ha Ruwachu menyi moo?”

1SAMWELI 17:35

inyi njekyeituma numa ngakapana nafo, ngaashuo ichoondilyo dumbunyi lya mwiso. Kokoya mwiso ang'u ngaṟe yanjipufukia, njekewada ngerero tsafo, ngafukumba wanda ngafuwaha.

1SAMWELI 17:37

Mndumii-Ruwachu alemenjiashuo kiidi kya manjaa ha miiso na shisii, nechinjiashuo kuwuka mawokonyi ha Mfilistichu.” Sauli kambia, “Kuhendie; nao Mndumii-Ruwa nakae na iyo.”

1SAMWELI 18:17

Sauli kawia Dawidi, “Ichu nyi Merabu mana oko mmbee o kika, njechikualikia nawe mka opfo ko koya oidikiana na shindo-shi: Nowe olimali oko mkari na mhendeli, nokapane shida na Mndumii-Ruwa.” [Sauli nalekusaṟa ke Wafilisti wechiwaaha Dawidi kindo Sauli alawekundi ikiwuta o amonyi.]

1SAMWELI 31:4

Nlyondi Sauli alewia mndu ulya ekemlaṟa shisha shake, “Somuo oshu lopfo nonjisekeche njipfe, kundu wanduwa walawode Ruwa walache injiwaaha na oshu.” Kyaindi mndu ulya ekyemdaṟa shisha nalakarie kipfa naleowuo mnu nakamu. Ko ikyo Sauli naleira oshu loke o amonyi, kaluolokia.