1SAMWELI 17:24 - Bibilia Kui Mdedie fo Kimochi

²⁴ Waisraeli wekiwona Goliathi, wakamdicha wawode nyi wuowu mnu.

1SAMWELI 17:24 ပူးပေါင်းရင်းမြစ်များ

YESAYA 30:17

Kiku kimu (1,000) wechidicha wadedio nyi mndu umu; kui idedio nyi watanu mochidicha; mṟasa mochideo cha ndichi ihoṟotsu huya kitoṟomoso, na bendeṟa huya kifumvu.”

YESAYA 7:2

Nduma wandu wa mba ya Dawidi wakawio ke Shamu waidikiana na Efraimu. Naho wakawuko madima kiidi kyawo, wakawado nyi kitaku cha otanu losingitsa mashidi ha ngeṟenyi.

WALEWI 26:36

Na iwo maata wanu wechikiapfo njechiwaenenga wuowu mrimenyi yawo; kulya orukenyi lo wakituwa wawo; manya iṟa likawiwito nyi otanu wechilidicha. Wechidicha cha ili mndu aidicha shida. Wechidicha na ioloka ma kokoya kulawode mndu aiwawingia.

MAITALA 13:33

Lulewonapfo mawandu, washari wa Anaki. So lukakuwona lui cha ndatari oshangunyi lowo, na wudo waleweluwona so.

NGUMBUO YA MAWAWASO 32:30

Mndu umu nechiidima ada iwinga wandu kiku angu wandu wawi wechiidima wada iwinga wandu shiku ikumi, shile na kokoya Mndumii-Ruwa owo awakumba. Mndumii-Ruwa owo alekana nawo?

1SAMWELI 17:11

Sauli handu hamu na machekeṟo hose ha Waisraeli wekiicho madedoho ha Mfilisticho, walekangaṟika wakaowuo mnu nakamu.

1SAMWELI 17:23

Kiheri aweideda nawo, Goliathi ngohoda iya ya Wafilisti o kulya Gathi kakuloṟa oshangunyi loolemali lo Waisraeli chandu aweichiwie. Nao Dawidi kamwadanyia necha mnu.

1SAMWELI 17:25

Walewiana mndu na odoe, “Ngesa, muwonyi mndu ulya acha ikuloṟa? Ee! Na lohi, nacha ikuloṟa na itengelukia Waisraeli.” Mangi Sauli nawewikie kyasa ke nechiinenga mnducho oose echiwaha Mfilisticho wusuṟi wufoi. Na ngoseṟa nechimwalikia mana oke o waka. Kingise luwa lya ndeye wechihooṟio walatae okamba lo mangi.