1SAMWELI 16:13 - Bibilia Kui Mdedie fo Kimochi

¹³ Samweli kaira ombe loke luwode mafuda; kaletsia Dawidi mafuda oshangunyi lo wana wa mae. Oweṟe mumuyo fo Mndumii-Ruwa fukasokia Dawidi na pfinya ing'anyi, fukamkaya wokia mkonufo na mkonu ingi. Kiidima Samweli kawuya na mṟinyi fo Rama.

1SAMWELI 16:13 ပူးပေါင်းရင်းမြစ်များ

2SAMWELI 12:7

Kyasia, Nathani kahaluo Dawidi kambia, “Iyo nyio mndu cho,” ulalu icho ikyo Mndumii-Ruwa o Israeli ahamba, “Njilekuwika nowe mangi o Israeli na ikukiṟa mawokonyi ha Sauli.

2SAMWELI 2:4

Kyasia wandu walya wa Yuda wakacha na kulya Hebroni, wakashimbuo Dawidi nawe Mangi o Yuda.

2SAMWELI 23:1

Iha nyi madedo hefurumia ha Dawidi; Nyi ndumi ya Dawidi mana o Yese; nyi ndumi ya mndu awemnenge wunene nyi Ruwa. Ruwa o Yakobo kashimbuo Dawidi nawe Mangi, na wandu wa Israeli wakachihiyo iimba shiimbo shake.

2SAMWELI 5:3

Kyasia, wameku wose wasongoru wa Israeli wakahendia Mangi Dawidi kulya Hebroni. Wakawika kyasa nao kulya Hebroni oshangunyi lo Mndumii-Ruwa, na imshimbuo ko imshia mafuda kawa Mangi ya Israeli.

2WAMANGI 9:6

Kahoṟoka nawo wawawi wakaida na mba, mwikimbi ulya kamletsia mafuda halya mdohu foke, kambia, “Mndumii-Ruwa o Israeli nahamba adi, ‘Ngakuletsia mafuda uwe mangi huya wandu wa Mndumii nawo nyi Israeli.

1MBONYI TSA MAHERI 11:3

Kyasia, wanene wa Israeli wakacha isahia Dawidi kulya Hebroni na Dawidi kawika nawo kyasa kulya Hebroni oshangunyi lo Ruwa, nawo wakamshia mafuda na imshimbuo nawe mangi ya Israeli; nakyo kikawa kido chandu Ruwa alehamba ko dumbu lya Samueli.

SHIIMBO SHA DAWIDI 89:20

Njilewona Dawidi, mṟundi oko, ngamshia mafuda hako maele.

SHIIMBO SHA DAWIDI 89:21

Ichu owoko loko lochiwanga koke, na owoko loko lochimbikia pfinya.

MAITALA 11:17

Njechisoka napfo njidede na iyo; njechiwuta kienga kya mumuyo njilekuinenga, njiwainenge wanduwo. Nawo wechikudika mhanda foringa wanduwo handu hamu na iyo, kulache ikudika mhandafo iyo kumonyi.

MAITALA 27:18

Mndumii-Ruwa kawia Mose, “Ira Yosua mana o Nuni, mndu awode mrima mcha, numa nomhekie mawoko,

YOHANE 3:34

Icho Ruwa alemduma nyi mbia tsa Ruwa aihamba, kyamba Ruwa aimnengya Mumuyo kulaipfo iikenya.

MAWUTO HA WASU 13:22

Kekiidima imbuta-ho icho kawaamtsya Dawidi nawe mangi yawo kamṟingishya kehamba, ‘Ngawona Dawidi ai mana Isai echiwa mowuta shilya inyi njikundi shose.’

WAEBRANIA 1:9

Ulekunda wuhoṟotsu kowesuo wumbafu. Nkyo kimarete Ruwa alekushimbuo, nyio Ruwa opfo kakushimbuo na mafuda hekapyo ngoru tsiidye waodoya wapfo.”

WAEBRANIA 11:32

Na iki njihambe-se kingi ngesa? Kyamba nyi saa tsiwenjiwuṟye tsehamba sha Gedeon na Barakia na Samson na Yefita na Dawidi na Samueli na waikimbi walya.

WACHILI 11:29

Nahong'u mumuyo fo Mndumii-Ruwa fukachea Yeftha, nao kakure kaida Gileadi na Manase, kawuya Mispa kiidi kya oruka lo Gileadi kahenda mṟasa Amoni.

WACHILI 13:25

Mumuyo fo Mndumii-Ruwa fukawoka imkaya kakaa ipfo Mahane-dani, kiidi kya Sora na Eshtaoli.

WACHILI 14:6

Oweṟe mumuyo fo Mndumii-Ruwa fukaanga Samsoni ko pfinya, karanduo mwiso fulya cha mndu airanduo kidahina kya mburu. Samsoni alewia wafee wake ikyo kilewutika pfo.

WACHILI 3:10

Kyasia, mumuyo fo Mndumii-Ruwa fukachea Othinieli, nao kawa mchili o Waisraeli. Othinieli kahenda shidenyi nao Mndumii-Ruwa kadambika Kushan-rishathaimu mangi o Mesopotamia mawokonyi hake.

1SAMWELI 1:19

Ilyi Iya ngama ngamenyi, Elikana na wa mba yake walekure ngamenyi otuko, wamemaa iindia Mndumii-Ruwa, walewuya na kanyi Rama. Elikana kamanya mka oke Hana na Mndumii-Ruwa kamkumbuo.

1SAMWELI 10:1

Naho Samweli kaira chupa sa ntutu ya mafuda kaletsia mdonyi ko Sauli, kamhekia momu kambia “Mndumii-Ruwa amekuletsia mafuda nowe mchili o wandu wake.

1SAMWELI 10:6

Mumuyo fo Mndumii-Ruwa fochikusokia na pfinya, na iyo nochiwooka ihamba shisuku handu hamu nawo nohaluke nowe mndu ungi.

1SAMWELI 11:6

Oweṟe, Sauli kekiicho madedoho, mumuyo fo Mndumii-Ruwa fukamchea na pfinya, nyashi yake ing'anyi ikado.

1SAMWELI 16:18

Manake umu kiidi kya waṟundi kahamba, “Njilewona manake umu o Yese, o mṟinyi fo Bethlehemu. Manakecho nai mwaria moimba na uda. Manakecho namkari na ngohoda o shidenyi, nawode osaaṟe kiidi kya ideda na oloho. Nawode mbihu mcha; Mndumii-Ruwa nakeri nao.”

1SAMWELI 18:12

Sauli naweowoye Dawidi kyamba Mndumii-Ruwa nawei handu hamu nao, kyaindi Mndumii-Ruwa nawelekanyi na Sauli.

1SAMWELI 2:35

Numa njechiamtsa mkohanyi ungi mhendeli sa echiwuta shilya shii mrimenyi na wuṟangonyi woko. Njechimmbiia kishari kitumhari; nao nechiṟunda kiheri kyose oshangunyi lo mangi yako.’