1SAMWELI 16:12 - Bibilia Kui Mdedie fo Kimochi

¹² Nahong'u, Yese kaduma mndu nao kaendo. Manakecho nawewode oru, awode meso maharami, mecha heambuya. Mndumii-Ruwa kawia Samweli, “Wulalu, ichu nyio; hoṟoka nomshie mafuda.”

1SAMWELI 16:12 ပူးပေါင်းရင်းမြစ်များ

MAWOOKIONYI 39:6

Kadea shose awei nasho owokonyi lo Yosefu; manya alamanye mbonyi tsa ikyo kyose kyake, shile na kelyakyo elya tupu. Na Yosefu nawei mndu mcha, na awode kyamu kicha.

2SAMWELI 23:1

Iha nyi madedo hefurumia ha Dawidi; Nyi ndumi ya Dawidi mana o Yese; nyi ndumi ya mndu awemnenge wunene nyi Ruwa. Ruwa o Yakobo kashimbuo Dawidi nawe Mangi, na wandu wa Israeli wakachihiyo iimba shiimbo shake.

2SAMWELI 7:8

Wia Dawidi mṟundi oko ke inyi Ruwa o Ruwehu njilemuuta wulisinyi wo machondi kulya patenyi kundu nawe msongoru o wandu wako wa Israeli.

1WAMANGI 1:34

Kiidima Sadoki mkohanyi na Nathani mwikimbi wamshimbuo kui mafuda, nawe Mangi ya Israeli; kapenyi, iranda muhammbe, ‘Mangi Solomoni nakae na moo.’

SHIIMBO SHA DAWIDI 2:2

Wamangi wa wuyana waikuteseheṟa, Na wanene wawada chila handu hamu, kipfa kya Mndumii, na Mesia oke

SHIIMBO SHA DAWIDI 2:6

Inyi nyi njilemtana mangi yako Ipfo Sioni fumvunyi lyako yele.

SHIIMBO SHA DAWIDI 78:70

Kasambuṟa Dawidi, mṟundi oke; kamuwuta kiidi kya mfiṟiha ya machondi.

IWUKA 2:2

Mka ulya kakapika kafee mana, nao kekiwona nyi kimana kicha kakiṟika ko meri iṟaṟu.

SHIIMBO SHA SOLOMONI 5:10

Mkunde oko nai aka aka, na nawode pfinya, nang'anyi kiidi kya shiku ikumi (10,000)

SHILIO 4:7

Wana wa Sioni wawewaheṟemtsu, wakaila kota manzaho. Mbihu yawo nyi iwenjiwanzi ikawada pfinya na poru.

ZEKARIA 4:14

Kahamba iwa wawi nyiwo Mndumii awasambuṟie wamṟundie maheri hose wai kunu orukenyi - nyiwo wawashimbuo na mafuda.

MAWUTO HA WASU 4:27

Cha kipṟfa nyi lohi kunu mṟinyi fu Herode na Pontio Pilato handu hamu na wandu wa mbaṟi njihenu na wandu wa Israeli walesanza kya isinga lyapfo yele o Yesu ichu ulemshimbwo na mafuda.

MAWUTO HA WASU 7:20

Kiheri kyo Mose kafeo nao nyi awekundo nyi Ruwa kalelo na iringo hando ha meri iṟaṟu kanyi ko ndee.

WAEBRANIA 11:23

Nyi wuidiki wukaenenga Mose kafeo kaṟiko nyi wafee wake meri iṟaṟu kipfa nyi walewona kimana kiwewode lole, nkyo kiletewa walaweowuo iwawaso lilya lya mangi.

1SAMWELI 16:18

Manake umu kiidi kya waṟundi kahamba, “Njilewona manake umu o Yese, o mṟinyi fo Bethlehemu. Manakecho nai mwaria moimba na uda. Manakecho namkari na ngohoda o shidenyi, nawode osaaṟe kiidi kya ideda na oloho. Nawode mbihu mcha; Mndumii-Ruwa nakeri nao.”

1SAMWELI 17:42

Mfilisti ulya kaambuo kawona necha Dawidi, kampiṟa, kipfa Dawidi nawei manake tupu, awode oru na achihiṟie.

1SAMWELI 17:55

Kiheri Sauli alewona Dawidi kechihenda ikoyana na Mfilisti ulya Goliathi, nalewesa Abneri, msongoru o shida, “Abneri, manakechu nyi ou?” Abneri kamhaluo, “So mangi ui na moo, inyi njiichipfo.”

1SAMWELI 9:17

Kiheri Samweli alewona Sauli, Mndumii-Ruwa kambia, “Ichu nyio mndu ulya njilekuwia. Nyio echichilia wandu wako.”