1SAMWELI 15:8 - Bibilia Kui Mdedie fo Kimochi

⁸ Nalewada mangi Agagi o Waamaleki ai na moo. Kawaha wandu kui oshu.

1SAMWELI 15:8 ပူးပေါင်းရင်းမြစ်များ

2SAMWELI 8:12

Kuwoka njoruka tsa Edomu, Moabu, Amoni, Filisti, na Amaleki na shingi alesoka Hadadezeri mana o Rehobu kashidambikia mbenyi ya Ruwa.

1WAMANGI 20:30

Walya waletsuhaa wakadicha mṟasa mṟinyi; na omombo lukaolokia wandu weletsuhaa shiku makumi hawi na mfungade (27,000). Ben-Hadadi kadichia mṟinyi, kiṟihenyi kya mba.

1MBONYI TSA MAHERI 4:43

Wakakapa na irumatsa Waamaleki wawetsuhee-pfo, nawo wakakaapfo mṟasa inu.

ESTA 3:1

Kyasia numa ya mbonyi tso mangi Ahasuero kadosa Hamani mana o Hamedata, Mwagagi kambika huye ya wachili wose wawei nao.

WALEWI 27:29

Mndu oose aimshimbuo ko Mndumii-Ruwa kundu narumatso, nalatalao; kiwaṟi nawoho.

MAITALA 24:7

Wechiwada kisa kishikie kya mṟinga, mbeu tsawo tsechiwona mṟinga fufoi, mangi yawo nechiwa mnene kota Agagi, na wumangi woke wochiichiko mnu.

YOSHUA 10:39

Wakawada mṟi fo handu hamu na mangi yawo na mṟi se ingi iweṟingichie mṟi fo wakawaha wandu wose wawekeripfo manya walade manya mndu umu. Nyi wudo walewutia mṟi fo chandu walewutia mṟi fo Hebroni na mṟi fo Libna na wamangi wawo.

YOSHUA 11:12

Nyi wudo alerumatsa mṟi iya ingi yose ko modo, kawewaha mangi tsilya tsawo tsose chandu Mose mṟundi o Mndumii-Ruwa alembawawasa.

YOSHUA 8:23

Kyaindi Mangi ulya o mṟi fulya wakambada ai na moo, wakamduo ko Yoshua.

1SAMWELI 15:20

Sauli kahaluo kahamba, “Njileindia ṟu lya Mndumii-Ruwa. Njilehenda kulya kundu Mndumii-Ruwa alenjiduma; njileda Agagi mangi ya Waamaleki, ngawerumatsa nakamu Waamaleki.

1SAMWELI 15:3

Wulalu, henda wasaṟikie na ikombetsa shindo shawo shose. Kulawade wakae na moo, wawaahe wose: womi na waka, wana watutu na waionga; mmbe, machondi, ngamia na nzoi.’”

1SAMWELI 22:19

Numa kawaaha kui oshu wandu wose wa Nobu, mṟi fo wakohanyi, womi na waka, wana watutu na shikoku shionga, mmbe, nzoi na machondi.

1SAMWELI 30:1

Komeidaho mkonu iwi, Dawidi na wandu wake wakawuya na Siklagi. Waamaleki wawemewada Negebu handu hamu na mri fo Siklagi wakafurumatsa na modo.