1SAMWELI 15:12 - Bibilia Kui Mdedie fo Kimochi

¹² Samweli kaicho ke Sauli nacheiye awuka Karmeli na nahoṟotsiengo yangumbuo yake; na ke nahendie Gilgali Ko ikyo, ili lya ngama ngamenyi otuko, Samweli nalekure ngamenyi otuko kahenda ikoyana na Sauli.

1SAMWELI 15:12 ပူးပေါင်းရင်းမြစ်များ

MAWOOKIONYI 21:14

Abrahamu kakure ngamenyi otuko kaira mkate na kitumo kya mṟinga, kainengia Hajiri kamdika o makosohu hake; kamnengia na mana; nao kahenda kadekia kulya nuka ya Beer-sheba.

2SAMWELI 18:18

Kiheri kya mo foke, Absalomu nawesungusie mnaṟa fo ngumbuo yake kafuwika kulya msaṟi folaho nyi Msaṟi fo Mangi, kipfa kya ili alawewode mana o kisoṟo momuoṟa rina lyake. Absalomu kadumbuya mnaṟa fulya rina kafulaha, “Mnaṟa fo Absalomu,” na wudo fokelaho mṟasa inu.

2SAMWELI 23:35

Hezrawi awukie Karmeli; Paarai awukie Arba;

1WAMANGI 18:42

Kyasia Ahabu kakure kundu nalye na inyo. Na Elia kado mṟasa alya owerilu lo fumvu lya Karumeli; kahongoma keindia, mṟasa kyaamu kikakoya ndi.

2MBONYI TSA MAHERI 26:10

Nalewesungusia na mnaṟa ingi injitumuhaṟe shihongonyi sha nuka, na isuma maṟungu ha mṟinga hafoi, kipfa nawewode shuma shifoi shihongonyi sha kundu kukuirie na kundu kui rendewele. Kipfa kya ili awekundi mnu maṟunda ha madema, nalewia wandu wechiwemba wakadema msabibu kundu ko oruka sa kukuirie na idema kundu kuwode teri injionyishe nyi mbosha.

YOSHUA 15:55

Wakaweinengose mṟi ya Maoni, Karmeli, Zifu, Yuta,

1SAMWELI 13:12

ngakusaṟa ke Wafilisti wechicha injipufukia ipfo Gilgali. Kingise njiwemeterewe osaṟio ko Mndumii-Ruwapfo. Nlyondi kilenjikoya njiwute kidaso kekoṟa inyi njimonyi.”

1SAMWELI 13:15

Samweli kawuka Gilgali kahenda kulya Gibea orukenyi lo Benyameni. Kiheri Sauli aleitala wandu wawei handu hamu nao, kakoya waiho wandu mahana haṟandaṟu tupu.

1SAMWELI 17:20

Ilyi lya ngama, Dawidi kakure ngamenyi otuko, machondi kahadeya molisa. Kaira kelya kahenda chandu ndeye Yese alemduma. Kiheri aleafukia kulya kiṟaṟonyi kya Waisraeli, nalewakoya wechikuṟeheṟa ihenda otasenyi lowo lo shidenyi wechiwika kitohio kya shida.

1SAMWELI 25:2

Kuweipfo mndu umu mṟinyi fo Maoni awewode mbucha ya machondi mṟinyi fo Karmeli. Nalewikia machondi hake kulya Karmeli, kawamohaoda mberitso. Nawei msuṟi nakamu. Nawewode machondi shiku shiṟaṟu na mburu kiku kimu.

1SAMWELI 7:12

Numa Samweli kaira iho na ilihoṟotsa makidi hawi ha Mispa na Sheni, kadumbuya iholyo rina nyi Ebenezeri, kechihamba, “Mṟasa iya Mndumii-Ruwa amelutarama.”