1SAMWELI 15:11 - Bibilia Kui Mdedie fo Kimochi

¹¹ Ngawado nyi fowa ili njilewika Sauli nawe mangi o naleda injiosha inyi na ameawutsia mawawaso hakopfo. Samweli kawado nyi nyashi, kaeṟeṟia Mndumii-Ruwa kio taṟaṟaa.

1SAMWELI 15:11 ပူးပေါင်းရင်းမြစ်များ

MAWOOKIONYI 6:6

Mndumii kailacha mahiyo, kawado nyi fowa mrimenyi kipfa kya mndu o wandu alemwuumba iya wuyana.

MAWOOKIONYI 6:7

Mndumii kahamba, “Wandu-wa ndewumba njechiwarumatsa iya orukenyi, mndu o wandu na mando ha nja na hekekukuruo wanda na malehe ha ruwehu; kipfa ngailacha mahiyo kya ili njilehawumba.”

2SAMWELI 24:16

Kiheri msu ulya o Ruwa awekuṟeheṟa irumatsa mṟi fo Yerusalemu, Ruwa kahoṟia Waisraeli walya kawia msu ulya awekeri iwaha wandu, “Tirima; Leka ulawawahese.” Msu ulya o Ruwa nawekeri kufui na handu wawekehuya Ngano ko Arauna, Myebusi.

1WAMANGI 11:9

Kyasia, Mndumii-Ruwa, Ruwa o Israeli kasukio kya Solomoni kipfa naleda Mndumii-Ruwa o Israeli, ma chandu alembonekia kawi,

1MBONYI TSA MAHERI 10:13

Sauli nalepfa kipfa kya ili alawei mhendeli ko Mndumii-Ruwa. Naleda iindia idedo lya Mndumii-Ruwa kahenda iwalia kitarama ko msawi,

1MBONYI TSA MAHERI 21:15

Numa Ruwa kadika Malaika oke narumatse mṟi fo Yerusalemu. Kyasia, Ruwa kawonyia Waisraeli walya osaṟio, kawia malaika ulya o urumatso, “Horoka! Makulawakape se. Wamewawio kishikie!” Malaika ulya nawehoṟoki kufui na handu hekapia Ngano ko Arauna, Myebusi.

YOBU 34:27

Kipfa wadeye imwosha wakamina njia tsa Ruwa tsose.

SHIIMBO SHA DAWIDI 109:4

Handu ha ikunda lyako wo nyi wanjianduya, manya chandu njilewaterewia.

SHIIMBO SHA DAWIDI 110:4

Mndumii nalelya nyamu, Mamya echiilachapfo. “Iyo nyi mkohanyi tane mlungana, kui mfanano fo Melikizedeki.”

SHIIMBO SHA DAWIDI 119:136

Meso hako haitonyitsa meda ya mṟinga, kipfa welekeindia mawawaso hapfo.

SHIIMBO SHA DAWIDI 125:5

Indi walya wahalukie njienyi tsawo tsidekie, Mndumii nechiwawutaho handu hamu na wewuta mawicho. Ofoṟo lukae na Israeli.

SHIIMBO SHA DAWIDI 36:3

Madedo ha dumbu lyake ni wuwicho na mtambo, Nyi adeye iwuta mecha na wuṟango.

SHIIMBO SHA DAWIDI 78:41

Wakawuya na numa wakaheshase Ruwa; wakasuiṟa mnene mwele o Israeli.

SHIIMBO SHA DAWIDI 78:57

Indi walewuya na numa, wakatehia cha wandeawo; wakakudoweka cha uda wunyamaṟikie.

IWUKA 32:11

Mose katerewa mnu Mndumii-Ruwa, Ruwa oke kechihamba Mndumii-Ruwa, nki ili nyashi yapfo yaakya wanduwa wapfo ulewawuta kulya Misri, kui wuidimi wung'anmyi na kui owoko luwode pfinya?

IWUKA 32:14

Na Mndumii-Ruwa kailacha wuwicho wulya alehamba ke nechiwutia wandu wake.

YEREMIA 11:10

Wawuya mawicho ha wandeawo walya waleleha iadanyia madedo hako. Waleosha maruwa hengi na ihandia; mba ya Israeli na mba na Yuda, waletehia mawawaso hako njilewikia waku wawo.”

YEREMIA 13:17

Indi kakoya mulakundi iicho, mumuyo foko fochifihiṟa ko kiṟika, kipfa kya orikiki lonu, riso lyako, lyechifihiṟa na itonyitsa mchenyeṟe ifoi, kipfa mamiingi fo Mndumii fodao fui mpfunge.”

YEREMIA 34:16

Kyaindi oweṟe mukahaluka, mukafanyitsa rina lyako ngafu, kiheri muleduo walya walya mulewalekia wa kisoṟo na wa kika wakakuachia chando wawekundi, mukawatukia iwa se masinga.’

YEREMIA 9:1

Kima mdo foko fuwechiwa ṟungu lya mṟinga, na meso hako hakawa soka ya mchenyeṟe, kundu njiidime ifihiṟa mfiri na kio, kipfa kya walya walewoho, wai wandu wako.

YEREMIA 9:18

Wakambiṟe owinyi wechifuha, kundu mchenyeṟe yadu ifo, na mbawa tsa meso hadu tsishingo nyi mchenyeṟe.

EZEKIELI 18:24

“Kyaindi ili mandi mndu o wusumuhanyi echihenda ida iwuta sha wusumuhanyi, kahenda iwuta mawuto mawicho hafananyi na walya wawuta mawicho, ngesa nechihenda ikaa na moo?” Ote! Kyamba mecha halya hose awewutie hechihenda ihadimo. Kyaindi kipfa kya mawuto ho mawicho halai ha wusumuhanyi ahenda iwuta nechihenda ipfa.

AMOSI 7:3

Mndumii kailacha mahiyo ha kindo kilya awerie iwuta kahamba njechiwutasepfo nyi Mndumii ahamba.

YONA 3:10

Ruwa kawona mawuto hawo, ke wandu wadumbuya lohi wakada mkao yawo njiwicho. Nahong'u Ruwa kada kilya kiwicho alehamba awekundi ikiwuta, kailacha mahiyo hake.

YONA 4:2

Katerewa Mndumii kahamba ngakuterewa, “Hoi Mndumii; chi wudo njilehamba lilya mbekukerie orukenyi loko? Nkyo kitewe ndedichia Tarshishi, kipfa njiichi ke iyo nyi Ruwa menyi osaṟio, nyi ui mhoo, uwode nyashi ya kitusu pfo, nokeilacha mahiyo na ihooṟia wandu.

SEFANIA 1:6

na iwo wawewuuye numa walakioshe Mndumii, na iwo walakeshiha Mndumii, manya iwesa kyake.

MATAYO 24:13

Kyaindi ichu mokarishya-ho kaweda nashike ili masiyonyi nyio echikiṟo.

MATAYO 5:44

Indi inyi nyi ngambia, Kekundenyi wakituwa wanu, na iwo wemterengia, kewaterewienyi!

LUKA 6:12

Mandi halya kawuka-pfo kakuhendia kundu ko mafumvunyi naterewe Ruwa. Kalaa dembo tambaṟu kechiterewa Ruwa.

WAEBRANIA 10:38

“Na mosumhana oko echiwada moo fuṟukye wuidikinyi. Indi kokoya awuya numa mrima foko fochihio kyakepfo.”

YOSHUA 22:16

Siṟi yose ya Mndumii-Ruwa ikeri iwesa idi, “Nyi kiki kya wulembi wu wung'anyi wudi mowutia Mndumii-Ruwa o Israeli mukawika rasio li mukalekana na Mndumii?

1SAMWELI 12:23

Kya ora loko inyi njechikaa njide njilamuterewia ko Mndumii-Ruwapfo; iwuta kudo nyi idekio Mndumii-Ruwa. Njechiengeṟa imulosha ohendo lucha na lo kiilohi.

1SAMWELI 13:13

Samweli kahaluo Sauli kambia, “Nowuta owicho. Oindia chandu Mndumii-Ruwa opfo alekuwawasapfo. Kokoya kuleindia, Mndumii-Ruwa nawewuiṟicha mlungana wuchili wopfo ko Waisraeli.

1SAMWELI 15:10

Mndumii-Ruwa kawia Samweli;

1SAMWELI 15:3

Wulalu, henda wasaṟikie na ikombetsa shindo shawo shose. Kulawade wakae na moo, wawaahe wose: womi na waka, wana watutu na waionga; mmbe, machondi, ngamia na nzoi.’”

1SAMWELI 15:35

Wokia mkonufo tane ipfa lyake Samweli alewonanase na mangi Saulipfo. Handu hamu na isho Samweli nalelilia Sauli makulili. Nao Mndumii-Ruwa nalewado nyi fowa kipfa kya ili awemeshimbuo Sauli kawa mangi ya Waisraeli.

1SAMWELI 15:9

Kyaindi Sauli na wandu wake walawaahe Agagi, manya machondi hake mecha mnu, manya mmbe njicha, mahache, mahuṟuwi na isho shose shii shicha shilerumatsopfo. Kyaindi shindo shose shiwicho na shilawode wulole na wuhuru, shilerumatso.

1SAMWELI 16:1

Mndumii-Ruwa kawia Samweli, “Nochiichio Sauli makulili mṟasa indi. Iyo kumonyi noichi ke inyi njilemleha nalawe mangi ya Waisraeli. Wulalung'u, ichuṟa ombe lopfo mafuda, nokure. Njechikuduma ko mndu elaho nyi Yese o mṟinyi fo Bethlehemu. Cha kipfa ngamekuwonyiapfo mangi kiidi kya wanake wake.”

1SAMWELI 8:6

Kyaindi mbonyi ya Waisraeli ikunda wainengo mangi mowachilia kilechihia Samwelipfo. Nao katerewa Mndumii-Ruwa.