1SAMWELI 10:7 - Bibilia Kui Mdedie fo Kimochi

⁷ Ili mandi isho shechikuchea, orio kindo ochiidima ikiwuta kiwute, kyamba Ruwa nakeri na iyo.

1SAMWELI 10:7 ပူးပေါင်းရင်းမြစ်များ

MAWOOKIONYI 21:20

Ruwa kakaa na mleu ulya, nao kang'ana kakaa kulya nuka, kawa mlasi o wuda.

2SAMWELI 7:3

Nathani kamhaluo kambia, “Kuwutie ikyo uwode ipfo mrimenyi kopfo kipfa Ruwa nyi akeri na iyo.”

YOBU 31:25

Kokoya njilechihiyo kipfa-kya masaa hako hawefoi, na kipfa owoko loko lulewona shindo shifoi.

IWUKA 4:8

Kyasiang'u kechiwa walamekuidikie, manya iadanyia ṟu lya kichano kya kuwoka, wechiadanyia ṟu lya kichano kya kawi.

KOHELETI 9:10

Kyose owoko lopfo lochiidima iṟunda, ṟunda na pfinya tsapfo tsose, kipfa kuwode iṟunda, ma chila, ma wuṟango, ma wulaanyi ipfo waṟumu kundu ukeri ihenda iyopfo.

YESAYA 7:14

Ko ikyo Mndumii amonyi nyi echimuinenga kichano. Ambuya mana mkeha nechikapika, nechifee mana o womi, nao nechimlaha Imanueli.

MATAYO 1:23

“A mbuya, kukae mana aikoso nakapike, nafee mana o womi, na rina lyake wamlahe nyi Imanueli.” Imanueli nyi cha ili ohamba: Ruwa ai naso.

MATAYO 28:20

Mbewalosha wakae na mbonyi tsilya njimbawasye tsose. Nahong'u ambuyenyi njii nanyo mafiri hose na kuwede kushike ili masiyonyi ha wuyana.”

LUKA 2:12

Na kitaanyio kyanu kyemumanyisha nyi iki, nyi mochiwona mkoku-cho amwoṟowie shidami amlaṟe mponyi.”

YOHANE 6:14

Kyasia wandu wekiwona ṟiho lilya Yesu awuta wakahamba, “Nyi kya lohi ichu nyi akeri mwikimbi ulya aimteṟye nache kunu wuyana.”

NGUMBUO YA MAWAWASO 20:1

“Mukahenda shidenyi ikapana na wakituwa wanu mkawona frasi, makari ha shida na matorito hang'anyi kota hanu mulawaowuo. Kyamba Mndumii-Ruwa, Ruwa onu, alemuwuta Misri nechikaa nanyo.

WAEBRANIA 13:5

Mbuka yanu ilafane wueehi, kilya kyanu kii-ho kyo kimshikye. Kyamba o amonyi awehambie, “Njechikuda manya-lepfo, njechiwuta macha ipfo kofo ma indipfo.”

YOSHUA 1:5

Ambuya Yoshua, kuwode mndu ose echiidima iwinzana na iyo kiheri kyose ui na moopfo nyi njechikaa na iyo chando njiwei na mṟundi oko Mose, nyi njechikaa handu hamu na iyo manya njechikulekiapfo.

YOSHUA 1:9

Ambuya, nyi inyi Mndumii-Ruwa opfo njikeri ikuwawasa uwade ngoo njikari uwewa ngohoda, manya ulaowuo ma ipfiiyo nyi mdo kyamba njikeri handu hamu na iyo handu hose ochiida.”

WACHILI 6:12

Malaika o Mndumii-Ruwa kambonekia, kambia, “Mndumii-Ruwa nai na iyo, iyo mbahanyi.”

WACHILI 9:33

Ilyi mandi mnengeṟi fochiwoka ido ngamenyi, usokie mṟi ko ngapano Gaali na wandu wake wakacha ikumbuhana na iyo uwawutie chandu kiwaṟi.”

1SAMWELI 2:34

Kindo kyechihoya wana wapfo wawi wa kisoṟo Hofni na Finehasi nyi iki: Woose wawawi wechipfa mkonu fumu. Iki kyechiwa kichano kopfo.

1SAMWELI 20:13

Kyaindi kokoya nakundi ikuwutia mawicho, njechikutarama noashuke. Njechiterewa Mndumii nanjikape owicho kokoya njilawuta iki ngakuteṟia. Njiterewa Mndumii nakuinenge mboṟa chandu awekeinenga wande oko mboṟa.

1SAMWELI 3:19

Samweli kaengeṟeka ing'ana nao Mndumii-Ruwa kamkaya, na shilya shose alehamba kuwode manya kimu kilaleawukiapfo.