1SAMWELI 10:5 - Bibilia Kui Mdedie fo Kimochi

⁵ Numa, ili ochishika ipfo Gibeath-elohimu (Fumvu lya Ruwa) handu kuiho kiṟaṟo kya waskari wa Wafilisti, o kiheri ochishika kufui na mṟi, nochikoyana na waikimbi wafoi. Waikimbiwo wechiwuka handu ha huye wechikapa shinubi, mataṟi, mtoṟiṟo na zeze, wechihamba shisuku.

1SAMWELI 10:5 ပူးပေါင်းရင်းမြစ်များ

1WAMANGI 18:29

Kiheri kya mfiri fo saa nyanya wakaterewa kyaindi ote lohi kilafume kindo, kuwewode ṟu, ma mohaluo ma moambuya-pfo.

2WAMANGI 2:15

Na wana walya wa waikimbi wawei Yeriko maambasana, wekimbona walehamba, “Mumuyo fo Elia fui huya Elisha.” Wakacha iwonana nao, wakahongoma mbele yake.

2WAMANGI 2:3

Kyasia, wana wa waikimbi wawei Betheli, wakahenda iwonana na Elisha, wakambia, “Ngesa na uichi, ke Mndumii naduo msoṟo opfo inu, nalawe ang'anyi kopfo?” Kahamba “Ee, njiichi, tsienyi sau.”

2WAMANGI 2:5

Kyasia wana wa waikimbi, wawei Yeriko, wakatikiria afui na Elisha wakambia, “Ngesa na uichi ke Mndumii naduo msoṟo opfo inu, nalawe ang'anyi kopfo?” Kyaindi Elisha kahamba, “Ee njiichi, tsienyi sau.”

2WAMANGI 2:7

Kyasia wandu makumi hatanu na wana walya wa waikimbi wakahenda ihoṟoka, maambatsana ko kuleshe, na iwo wawi wakahoṟoka kufui na Yordani.

2WAMANGI 3:15

Kyaindi henda njiendie mokapa kinanda.” Kyasia wakamendie mokapa kinanda kiheri alekikapa, owoko lo Mndumii lukacha huye ya Elisha.

2WAMANGI 4:38

Elisha kashikase Gilgali, kuwewode njaa orukenyi, na wanawo wa waikimbi wawekekaa mbele yake. Kawia mṟundi oke, “Demekia safuria ing'anyi ukoṟie wana wa Waikimbi kelya.”

2WAMANGI 6:1

Kyasia wana wa Waikimbi wakawia Elisha, “Ambuya wulalu handu ha lokekaa halushikiepfo, hahatutu mnu kodu.

1MBONYI TSA MAHERI 11:16

Kiheri kyo Dawidi nawekeri ifumvunyi liliṟingichie nyi ichekeṟo lya wafilisti liwedaye Bethlehemu mdeho.

1MBONYI TSA MAHERI 13:8

Dawidi na Waisraeli wose wakadicha wakachihio wakashina ko pfinya tsawo tsing'anyi oshangunyi lo Ruwa. Wakaimba na ikapa shombo shishisungusie nyi mvinje: Shinubi, shinanda, matari, matoazi na mataṟumbeta.

1MBONYI TSA MAHERI 16:42

Hemani na Yeduthuni wawekeri ikapa membe na matoasi ko ṟu ling'anyi warianyi na waimbi, wechiṟumisha Ruwa. Wana wa Yeduthuni walesambuṟo wakainengo iṟunda lyeringa kichumi.

1MBONYI TSA MAHERI 16:5

Kawika Asafu nawe msongoru owo, kechitaramo nyi Zekaria. Kainenga Yeieli, Shemiramothi, Yehieli, Matithia, Eliabu, Benaya, Obed-edomu na Yehieli, iṟunda lyekapa uda na shinubi. Asafu kakapa matoasi,

SHIIMBO SHA DAWIDI 49:4

Njechideha kudu koko njiadanyie oṟaayo, Na itambahaluo oṟaayo loko na kinanda kya ndusu.

SHIIMBO SHA DAWIDI 92:3

Kui kihia kiwode ndusu ikumi, na kui ṟu lya kinanda, na kui mdihino fo kinubi.

1 WAKORINTO 14:1

Lalakyenyi mkundie fu muwe mochilanga shisumbo sha Mumuyo, indi kilya kii kinene nyi kundu muhendetambahaluya.

1SAMWELI 10:10

Sauli na mṟundi oke wekishika Gibea (Fumvuhu) kaambio nyi mamiingi fo waikimbi. Mumuyo fo Ruwa fukamchea kui pfinya, Sauli kawooka ihamba kisuku handu hamu nawo.

1SAMWELI 10:4

Wechikuiṟikiṟa wakuinenge mkate iwi, na iyo nochiiambia mawokonyi hawo.

1SAMWELI 13:2

Sauli nalesambuṟa Waisraeli shiku shiṟaṟu, kiidi kyawo shiku shiwi kahenda nawo ipfo Mikmash na orukenyi lo mafumvu ha Betheli wengi kiku kimu nalewawika kulya Gibea ora lo ko Benyameni. Iwo nalewawika wasongoyo nyimana oke Yonathani. Wandu wengi wose nalewawihiṟa, orio umu nahende kanyi koke.

1SAMWELI 13:3

Yonathani kawingakiṟaṟo kya shida msongoru o shidenyi o Wafilisti ipfo Geba, na Wafilisti wose waleicho mbonyitso. Ko ikyo Sauli nalekapa iranda kulya orukenyi kose kechihamba, “Waebri waadanye.”

1SAMWELI 19:20

Nlyondi Sauli aleduma wandu wakembada. Kyaindi wekikoya mamwingi fo waikimbi wechihamba shisuku na Samweli kechilisongoya, mumuyo fo Ruwa fukasokia waṟundi walya wa Sauli, nawo wakawooka ihamba shisuku.

1SAMWELI 9:12

Wanawo wa kika wakawawia, “Ee mpfo kundu ai, namusongoye; mukachumia owinyi mochimkoya. Nyi inu acha na kunu mṟinyi, cha kipfa inu wandu waihenda iwika kidaso kulya fumvuhu.