1SAMWELI 10:22 - Bibilia Kui Mdedie fo Kimochi

²² Wakawesase Ruwa, “Ngesa, kuwode mndu ungi ngoseṟa aicha Ruwa kawawia, ‘Naowie amonyi kiidi kya nzohoṟa.’”

1SAMWELI 10:22 ပူးပေါင်းရင်းမြစ်များ

MAWOOKIONYI 25:22

Wana wakatangiṟana wusunyi woke. Nao Rebeka kahamba, Kokoya nyi wudi, kiira kiki ikaa na moo? Kahenda iwesa Mndumii.

2SAMWELI 2:1

Kyasia, Dawidi kawesa Ruwa namnenge momu fo henda ikapa na iwada mṟi fumu fo Yuda. Na Ruwa kamnenga momu kambia, “Kuhendie, ‘Dawidi kawesa Ruwa, Njiwade mṟi fuhya?’ Ruwa kambia, ‘Hebroni.’”

2SAMWELI 21:1

Kyasia kiheri kya wumangi wo Dawidi kulechapfo njaa ya maka iṟaṟu na kyenga. Kyasia Dawidi katerewa Ruwa mnu kundu nammbie nkiki kyatewa njaa iya. Kyasia, Ruwa kambia, “Ngapo ii yamuchea kipfa ili Sauli na oshari loke walewaha Wagibeoni.”

MAITALA 27:21

O necheadanyia mkohanyi Elieseri msa njechimmanyisha shindo shako njikundi kui iho lya oloho. Iho lya oloho: ‘Urimu, iho lyemanyisha mkohanyi kindo Ruwa akundi?’ Nyi wudo Elieseri echiloṟa Yosua na mamiingi fo Waisraeli fose handu wawuka na handu waihenda.”

LUKA 14:11

Chakipfa orio mokudosa amonyi nyi echisotso, na mokusotsa nyi echidoso.”

WACHILI 1:1

Yoshua amepfa, Waisraeli wakawesa Mndumii-Ruwa, “Mndumii-Ruwa nyi kishari kiha kyechiwoka ihenda ikapana na Wakanaani?”

WACHILI 20:18

Waisraeli wakahenda Betheli iwesa ko Ruwa, kundu wamanye kishari kechisonguo ihenda ikapana na wandu wa Benyamini. Mndumii-Ruwa kahamba kishari kya Yuda kiwoke.

WACHILI 20:23

Kyasia Waisraeli wakado huye, wakafihiṟia Mndumii-Ruwa mṟasa kyukanyi. Kiidima wakaterewa mbonyi ko Mndumii-Ruwa. “Ngesa luhendese ikapana na wodoyadu wa kishari kya Benyamini?” Mndumii-Ruwa kawahaluo, “Hendenyi ikapana nawo.”

WACHILI 20:28

Finehasi mana o Eliezeri, mana o Aroni nawewode iṟunda lyeṟundia oshangunyi lo Mndumi Ruwa. Waisraeli wakawesa Mndumii-Ruwa, “Ngesa luhende-se ngapanonyi lukapane na wana wa mayadu, wandu wa oshari lo Benyameni?” Mndumii-Ruwa kawawia, “Hendenyi, ngama njechiwawika mawokonyi hanu.”

1SAMWELI 10:21

Kaende kishari kya Benyameni na kusonguo chandu mba tsawo tsikeri, na mba ya Matri ikaduo kuṟukuhya. Lyefurumia kaende wa mba ya Matri na kusonguo, na Sauli mana o Kishi kasambuṟo kui kuṟukuhya. Kyaindi kiheri walemshiha nalawono.

1SAMWELI 14:37

Nahong'u Sauli kawesa Ruwa, “Ngesa, njihende ikapa Wafilisti Ngesa, nochiwawika mawokonyi ha Waisraeli Ngesa? Nochiwawika mawokonyi ha Waisraeliṟ.” Kyaindi Mndumii-Ruwa alehaluo kindo mkonufopfo.

1SAMWELI 15:17

Samweli kambia, “Manya chandu ukuwonyi ke iyo chi mndu uwode kiṟumipfo, ngesa iyo ui msongoru o shishari sha Waisraeli Mndumii-Ruwa nalekushimbuo na mafuda nowe mangi ya Waisraeli.

1SAMWELI 22:10

Ahimeleki naleterewia Dawidi ko Mndumii-Ruwa, kamnenga kelya na oshu lo Mfilisti ulya Goliati.”

1SAMWELI 23:9

Kiheri Dawidi aleicho ke Sauli nakuṟeheṟie iki kiwicho wicho icha ikapana nao, kawia mkohanyi Abiathari, “Ende na iya kisibaukyo kya ukohanyi.”

1SAMWELI 30:7

Dawidi kawia mkohanyi Abiathari mana o Ahimeleki, “Njiendie kisibau kya mkohanyi.” Abiathari kamwendie.

1SAMWELI 30:8

Dawidi katerewa Mndumii-Ruwa kyechimmbesa, “Ngesa, ngawingia ichekerolyi Na ngesa njechilikooya.” Mndumii-Ruwa kambia, “Liwingie kipfa nochilikooya nokiṟe na wanduwo walewado wai wapfo wa shida.”

1SAMWELI 9:21

Sauli kamhaluo: “Inyi nyi o kisharinyi kya Benyamenyi, kishari kitutu kota shishari shose sha Waisraeli. Na kiidi kya kishari kya Benyameni luwa lyako nyi litutu mnu. Kya indi, nki kitewe odeda na inyi kudo.”