1SAMWELI 1:26 - Bibilia Kui Mdedie fo Kimochi

²⁶ Hana kambia, hoi mndumii oko, chandu moo fopfo fuiho, mndumii oko, inyi nyi mndu mka ulya awehoṟoki oshangunyi lopfo kyechiterewa Mndumii-Ruwa.

1SAMWELI 1:26 ပူးပေါင်းရင်းမြစ်များ

MAWOOKIONYI 42:15

Mochimanyika mudi; So Farao, mochikure iyapfo, shile mananucho mtutu acha na iya.

2SAMWELI 11:11

Uria kahaluo Dawidi kambia, “Isanduku lya Mndumii na maskari wose wa Israeli na Yuda na msongoru owo Yoabu na wasongoru wengi wanda yake wakeri mahemenyi kulya patenyi, shidenyi. Inyi njeidima njida ihenda kanyi na ilya na inyo na ilaa na mka oko? Ngakulia nyamu, njechiidima iwuta kindo cha ikyo pfo.”

2SAMWELI 14:19

Kyasia, Mangi Dawidi, kammbesa, “Nyi Yoabu akuduma iyo?” Na mka ulya kamhaluo kambia, “Nyi wudo, njechiidima ikuṟika kindo kyose pfo!” Nyi lohi, Yoabu anjiduma kopfo na injiwia njiwute ki na njidede ki.

2WAMANGI 2:2

Elia kawia Elisha, “Hoi kekaa iya kipfa Mndumii nanjiduma njihende Betheli.” Elisha kahamba, “Chandu Mndumii ai na moo na ngoo yapfo naawo, njekulekapfo.” Kyasia, wakasoka wose mṟasa Betheli.

2WAMANGI 2:4

Elia kawia Elisha, “Hoi kaa iya Elisha, kipfa Mndumii nanjiduma njihende mṟasa Yeriko.” Kyaindi Elisha Kahamba, “Chandu Mndumii ai na moo, na ngoo yapfo naawo, njekulekiapfo.” Nawo wakashika Yeriko.

2WAMANGI 2:6

Elia kambia, “Hoi kaa iya, kipfa Mndumii nanjiduma njihende Yordani.” Kahamba, “Chandu Mndumii ai na moo na ngoo yapfo njechikulekiapfo.” Wakahendesana wose wawawi.

2WAMANGI 4:30

Mae o mana ulya kahamba, “So Ruwa ai na moo, na moo fopfo da, njechikulekia pfo.” Kyasia kakure kamwosha.

1MBONYI TSA MAHERI 4:10

Kyaindi katerewa Ruwa o Israeli, kambia, “Njinenga mboṟa Mndumi, na injinenga oruka lung'anyi. Kaa na inyi Mndumii, nonjiringe na orio kindo kiwicho kyose kilya kechiidima injiendiye mawawio, ‘Na Ruwa kamnenga shilya shose aleterewa.’”

1SAMWELI 17:55

Kiheri Sauli alewona Dawidi kechihenda ikoyana na Mfilisti ulya Goliathi, nalewesa Abneri, msongoru o shida, “Abneri, manakechu nyi ou?” Abneri kamhaluo, “So mangi ui na moo, inyi njiichipfo.”

1SAMWELI 20:3

Dawidi kalya nyamu-daa, “Nkya lohi ndeo naichi necha chandu iyo onjikundi; na nakusaṟie ikuṟika mbonyitsi kundu kulawado nyi fowa ili echitsiwuta. Kyaindi kya isho shose, so Mndumii-Ruwa menyi moo kiidi kyako inyi na opfu ni otifo lumu tupu luiho!”

1SAMWELI 25:26

Wulalung'ule mndumii oko, so Mndumii-Ruwachu menyi moo, na iyo ui na moo, nowonyi ke Mndumii-Ruwa nakuimie kulatae kiṟaache kui ipusuo samu na ikuwonyia mti; leka wakituwawo wapfo na iwo wose waikukundia mawicho wawe matondo cha Nabali.