1SAMWELI 1:22 - Bibilia Kui Mdedie fo Kimochi

²² Kyaindi kambali Hana alahende, kipfa nalewia mii oke kye, Oweṟe mana kameda ionga, njechimduo nawiko oshangunyi lo Mndumii-Ruwa, nadeo pfo kiheri kyose.

1SAMWELI 1:22 ပူးပေါင်းရင်းမြစ်များ

SHIIMBO SHA DAWIDI 110:4

Mndumii nalelya nyamu, Mamya echiilachapfo. “Iyo nyi mkohanyi tane mlungana, kui mfanano fo Melikizedeki.”

SHIIMBO SHA DAWIDI 23:6

Nyi lohi wucha wopfo na wuhoo shechinjiituma, Mkonu yose ya moo foko. Na inyi njechikaa mbenyi ko Ruwa oko mlungana.

SHIIMBO SHA DAWIDI 27:4

Idedo limu njiwelikundi ko Mndumii, Nlyo njiliwalya mkonu yose. Njikae ipfo mbenyi ko Mndumii mfiri yose ya moo foko. Njiambuye wucha wo Mndumii, Na ikusaṟa mbonyi tsake ipfo hekalunyi lyake.

IWUKA 21:6

O nlyondi mndumii cho oke echimwende oshangunyi lo Ruwa na imwende na alya mongo, ang'u alya kisingitinyi kya mongo; na mndumii oke nechitocha kudu koke na menya nlyondi echimṟundia mkonu yose.

YESAYA 9:7

Kiheri kya wuitoṟi woke na ofoṟo, shechimanda manya le-pfo. Kiidi kya loṟika lo wuitoṟi wo Dawidi na wumangi woke. Iwuikara na iwuhoṟotsa Kui mwanduye na kui wulohi, Wokia wulalu itane mlungana. Wunyenyi wo Mndumii menyi Matorito wochiwuta wudo.

WALEWI 25:23

“Manta teri ilakumbo manyale kipfa teri nyi masaa hako nanyo nyi wahenu na wakyaṟo wekuidia orukenyi loko.

LUKA 2:22

Kyasia wekimarisa mfiri iya yekuheṟemtsa, iya isumhanyi, chando kiwekiteṟie ipfo wuwawasonyi wo Mose, naalyo wakamduo kulya Yerusalemu wahende imloṟa Mndumii.

NGUMBUO YA MAWAWASO 16:16

“Wasoṟo wose wa mkambo fonu wechicha oshangunyi lo Mndumii-Ruwa, Ruwa onu, makamba haṟaṟu orio maka, handu Mndumii-Ruwa, Ruwa onu echisambuṟa: kiheri kya mkonu mnene fo Pasaka, mkonu mnene fo sambuo na kiheri kya mkonu mnene fo matengo. Walache oshangunyi lo Mndumii-Ruwa na mawoko ha wulya.

YOSHUA 4:7

Nyi lyo mandi mochiwawia, ‘Kiheri isanduku lya mkundana lya Mndumii-Ruwa lileambatso medenyi fo Yordani, mṟinga fo meda fo nyi fuletirima fulakisoke se.’ Koikyo maho ho nyi hechiwa ngumbuo ya Waisraeli mlungana.”

1SAMWELI 1:11

Kalya nyamu kechihamba, “Hoi Mndumii-Ruwa o matorito, ko koya aambuya matuuro hako inyi mṟundi apfo, konjisumba inyi mṟundi opfo, mana o kisoṟo, njechi kuinenga iyo Mndumii-Ruwa manacho nawe opfo kiidi kya moo foke fose; wembe wochioda njui tsa mdonyi foke ma indipfo.”

1SAMWELI 1:28

Kui kipfa kya ikyo, inyi ngainenga Mndumii-Ruwa manachu; kiheri kyose ai na moo ngainenga Mndumii-Ruwa. Nahong'u, wakaindia Mndumii-Ruwa.

1SAMWELI 13:13

Samweli kahaluo Sauli kambia, “Nowuta owicho. Oindia chandu Mndumii-Ruwa opfo alekuwawasapfo. Kokoya kuleindia, Mndumii-Ruwa nawewuiṟicha mlungana wuchili wopfo ko Waisraeli.

1SAMWELI 2:11

Nahong'u Elikana kawuya na kanyi kulya Rama. Kyaindi mana oke Samweli kadeo kulya Shilo kyechiṟundia Mndumii-Ruwa kyechisongoyo nyi mkohanyi Eli.

1SAMWELI 2:18

Kiheri kyo, Samweli kaengeṟa iṟundia Mndumii-Ruwa, kyechiṟaa kizibau kya kitani.

1SAMWELI 28:2

Dawidi kawia Akishi, “Ee da! Nochiwona kindo mṟundi opfo echiidima iwuta.” Aishi kambia, “Na inyi njechikuhaluo nowe mringi oko monjiringa kiheri kyose.”

1SAMWELI 3:1

Kiherikyo, mandi manake ulya Samweli kyechiṟundia Mndumii-Ruwa kechihoṟokio nyi Eli, ndumi ilecha iwuka ko Mndumii-Ruwa iwei ntutu; manya mawonesio hawukie ko Mndumii-Ruwa hawei maangu.