1PETRO 5:9 - Bibilia Kui Mdedie fo Kimochi

⁹ O mumleme mochikuhoda ipfo wuidiki-hu ili muichi necha ke mawawyo iha na iha hakeri iinutsyo ipfo dembonyi lya wanawawama wanu lya iya wuyana.

1PETRO 5:9 ပူးပေါင်းရင်းမြစ်များ

LUKA 22:32

Kyaindi inyi ngamekuterewia, kundu iidikia lyapfo lilamande; na iyo komewanga, wanza wanawamayo.”

YOHANE 16:33

Ngamuwia isho kundu mukae muwode ofoṟo mukulungye na inyi. Ili mukeri kunu wuyana i muwodo nyi waale. Kya indi kukarishyenyi inyi ngambinza wuyana wu.”

MAWUTO HA WASU 14:22

Wechiwanza mrima ya wa kiloshyonyi na iwatutuma ke wakae necha mwidikyenyi na ke nyi kiluwaṟi ikuidya shiwirenyi shiingi mtano na lushike wumanginyi wo Ruwa.

1 WAKORINTO 10:13

Kiweipfo kihesho kilemhoya kilawei kya kiwandupfo. Na Ruwa ai mhendeli alechimda muhesho kidye mng'ang'ana fonu, kya indi handu hamu na kihesho kilya kawika-ho na mongo fowukia, kundu muidime ikutirisia.

WAEFESO 4:27

Mulawone molusana mwaanya.

WAEFESO 6:16

Ngoseṟa ya ishi shose muwade ngao ya wuidiki ii na pfinya yerumisha mfi ya ichu Mbicho yose, iya irie modo fokoṟa mba.

WAKOLOSE 2:5

Kipfa ili njilai konu kui mbihu indi kui mumuyo njii konu njechichihio njewona osenge lonu na owanzo lo ikuihetsa lyanu na Kristo.

1WATESALONYIKYE 3:3

Kulawone kochiwoneka afafaa shiwirenyi ishi. Kipfa nyo muwenyi muichi ke luiwawike kya ikyo.

1TIMOTEO 6:12

Kapana ngapano iya njicha ya wuidiki, ke-wada moo fo mlungana, ifu omelahyo ndaho yafo kowefuṟingisha mṟingishie sa mcha oshangunyi lo wangochi wafoi.

2TIMOTEO 3:12

Na wudo na iwa waitambahanye moo kui wuindi woindia Ruwa wo Kristo-hu Yesu wechiterengyo wose.

2TIMOTEO 4:7

Ngammaa ikapana ngapano iya ncha, ngamaa iinutsya ohendo lulya, ngameringa wuidiki wulya.

WAEBRANIA 11:33

Wonyiwo walelaṟa maumangi kui wuidiki wakaende wusumhanyi, wakashika ikoya shilya shileteṟyo wakapfunga madumbu ha miso.

WAEBRANIA 12:8

Alewo kokoya mulahenda itsano wutsanyi wuwei kita kya wose nyi mukeri wenyi pari mulai wana.

YAKOBO 4:7

Nkyo kimitike muhoye Ruwa. Lemanenyi na Satana nao echimdicha.

1PETRO 1:6

Chihionyi kya ikyo mochikapa ngululu, ma ili muiliso wukiwa kui shiheshyo shiwe na shiwe kipfa kimuwaṟi kiheri ki kyangu.

1PETRO 2:21

Isho nsho muiwalahie; kipfa nao Kristo alewawiṟo kipfa kyanu kamdea mtaato mpfunge kundu muoshe njayo tsake.

1PETRO 3:14

Kya indi kokoya mohenda iwawiṟo kipfa mowuta kya wusumhanyi, nanga nyo. Ma mulaowuo mndu oose, ma iwuko m madima.

1PETRO 4:13

Kya indi ili muisanzyo Kristo mawawio hake ikyo kimwenenge muhende ichihio kya sia yanu ya ipfo mawonesyonyi ha wuitoṟi woke lyondi mochikapa ngululu.

OTAMBAHALUO LO YOHANE 1:9

Inyi Yohane nji manowama onyu na mokyando o wuaalenyi na wumanginyi na wukukarishi-hu wo ko Yesu njiwekeri ipfo kyandenyi kilya rina lyakyo nyi Patimo. Njileendo naho kundu njionguo idedo lya Ruwa na iṟingishya kii lohi kya Yesu.

OTAMBAHALUO LO YOHANE 6:11

Nawo wakaenengo maṟao maleshe maili orio mndu ose mṟae foke wakawio ke wawedie kitutu, itane koengeṟyo-ho na wa-kyando wawo na wanawawama wawo warie ihenda-se iwoho chawo.

OTAMBAHALUO LO YOHANE 7:14

Na inyi ngambia, “Iyo, Mndumii oko, ukiichi.” Nao kanjiwia, “Iwa nyi wachee waalenyi wulya wung'anyi wakawesanja maṟao hawo ipfo samunyi ya kidahina ki wakahailisha-ho hakaila pang'a.