1PETRO 5:8 - Bibilia Kui Mdedie fo Kimochi

⁸ Kuotoyenyi, mulae chowe. Mkituwa onu Satana aitengetatengeta cha miiso yerunduma ai mopfula mndu aidima immeṟa.

1PETRO 5:8 ပူးပေါင်းရင်းမြစ်များ

ESTA 7:6

Esta kahamba, “Nyi mnesi, na mkituwa, nyi Hamani mndu mbicho nakamu.” Nalyo lyiyenyi Hamani kawodo nyi wuowu wung'anyi mnu oshangunyi lo mangi na Mkamangi.

YOBU 2:2

Mndumii-Ruwa kawesa Satana, “Iyo nyi ku owuka?” Satana kahaluo Mndumii-Ruwa, “Ngawuka ichumia chumia na itengeta ipfo na ipfo wuyanenyi.”

SHIIMBO SHA DAWIDI 104:21

Malea ha miiso hakaṟohoṟa kiheri hakundi; kundu hashihe kelya kyaho ko Ruwa.

SHIIMBO SHA DAWIDI 109:6

Wika mndu moanduo mondu mbicho huye ya mtuuri oko; na ulya omkumba namduo mengenyi.

MFANANO 19:12

Nyashi ya mangi nyi cha miso fuipoṟohoṟa; Indi ndarama yake cha mlewi fui huya maṟa.

MFANANO 20:2

Iowesha lya mangi nyi cha ipoṟohoṟa lya mwiso; momsuiṟa nawutia mrima foke wunyamaṟi.

MFANANO 28:15

Cha miso fuipoṟohoṟa na ngaṟe iwodo nyi njaa; Nyi wudo mndu mbicho ai ilyi aiitoṟya mkiwa.

YESAYA 50:8

Ichu monjiinenga kilya kinjisumhanyi nyi ai hafui; nyiu ichu echirekiana na inyi? Luhoṟotsane; nyiu echiidima injiwinza? Nanjisembelie.

YEREMIA 2:15

Miiso njikoho tsiṟuṟuma kipfa kyake, tsapoṟohoṟa mnu na ṟu ling'anyi; tsikatewa oruka lukadeo mrapu, Mṟi ikasaramaya ilawode wandu.

YEREMIA 51:38

Wababeli wechiringona cha mwiso; waringone cha maalea ha mwiso.

EZEKIELI 19:7

Ichu kanyamaṟa njomombo tsilya tsawo, kaolotsa mṟi iya yawo. Oruka lulya lukaomboka hamu na shose shiweipfo, kipfa kya iringona lyayo.

EZEKIELI 22:25

Wanene wanu wafananyi na miiso tsirongona ili tsiwode kindo madumbunyi hatso. Kyamba wekewaha wandu, wakawesoka wandu masaa hawo, wakaengeṟa waka wakusu orukenyi.

DANIELI 6:24

Mangi kawawasa walya wose welekumba Danieli koke wakumbo kulya mrumenyi fo miiso, wo na wana wawo, na waka wawo; miiso iya ikawailama ikapopoṟa mafuo hawo walameshika wanda.

HOSEA 11:10

Ambuya wechicha injiosha inyi Mndumii-Ruwa, ili njechiringona cha miiso, kiheri kyo chechiringona nyi wechinjicheya wechichumia wawuka ora lo kyukanyi wechidedema.

HOSEA 13:8

Njechiwarundukia cha ngaṟe yasoko maaleo hayo. Njechimuranduo shipeta sho shanu, njechimuliia oo oo cha miiso, njimuranduo na imudumbuo shiteng'eta cha indo lya ngeṟenyi.

YOELI 3:16

Mndumii-Ruwa naiṟuṟuma ipfo Sioni; iṟu lyake liṟuṟuma liwuka kulya Yerusalemu; ruwehu na wuyana shidedema. Kyaindi Mndumii-Ruwa nyi kidichio kya wandu wake, na nyi mṟi mwiṟihiye na omombo lo ofoṟo ko Waisraeli.

AMOSI 1:2

Nao nalehamba “Mndumii nechikoṟoṟoma awuka Sioni, Ru lyake lyechiichio wokia Yerusalemu; Shilya shiiliso nyi walisi shechifuha, Na alya owerihu ko Karmeli kochinaa.”

AMOSI 3:4

Ngesa miiso fochipoṟohoṟa ngaṟenyi fulawode kindo kelya? Mana o miiso nyechiringona opangenyi loke alawode kindo awona?

AMOSI 3:8

Miiso fompoṟohoṟa, nyiu alechiowuo? Mndumii-Ruwa amededa nyiu aidima ideda shile nyi ihamba kisuku?

ZEKARIA 11:3

Walisi waichuo wukiwa na isumukia ling'anyi! Kipfa kiṟumi kyawo kyadeka; Ṟu lya malea ha miiso! Kipfa orikiki lo Yordani lomefurunjika.

ZEKARIA 3:1

Nahong'u Mndumii-Ruwa kanjiloṟa Yoshua, Mkohanyi ang'anyi, ahoṟoki oshangunyi lo malaika o Mndumii, na Satana Kahoṟoka kuwoko ko kulyo koke kundu nalimbane nao.

MATAYO 13:39

Na mkituwa aletsiwaya nyi Satana. Na ili masanyonyi nyi iya masiyonyi ha wuyana. Na iwo wesana nyi wasu wa Ruwa.

MATAYO 24:42

Kelaenyi-ng'u dembo, kipfa mulaichi mkonu fulya Mndumii echicha.

MATAYO 25:41

“Nalyo mangi echiwia na walya wa ora lo kumoso nahambe, ‘Njiwukenyi nyo mui wasese, muhende ipfo modonyi foekaa mulangana ifo fui fusungusye fo Satan na wasu walya wake.

MATAYO 4:1

Nalyo Yesu kadao kundu ko nuka nyi Mumuyo, kundu nahende heshio-fo nyi Satana.

MATAYO 4:11

Naalyo mheshi kamda-ho, kudi wasu wa Ruwa wakacha ipfuṟukanya Yesu.

MARIKO 4:15

Walya wa mbai ya njia hando idedo lyawayo nyi walya wamicho, satana kacha owinyi kawuta idedo lyo li liwaye kiidi kyawo.

LUKA 21:34

“Kyasia, kuṟisenyi, mulawone ngoo tsanu tsechilemeṟo nyi itandaluo ndeu na wunanzi na mawinyisha ha wanda-i, mfiri fulya fuwone fochimutowokia mulakusirie.

LUKA 21:36

Nanyo, laenyi dembo mfiri yose mochiterewa, kundu muidime ikuashuo isho shose shikundi iwa, na ihoṟoka alya sumuhana na Mana o mndu.”

LUKA 22:31

Kyasia kahamba, “Simon, oo Simon, keambuya, Satan nyi amkundi nyo namuwiwite chando mokeela ngano.

YOHANE 8:44

Nyo mui wana wa Mkumbi ulya onu, na mukundi iwuta lango tsa ndeanu. Na ishi shilango nyi Nde chu onyu nyisho mukundi ishiwuta. O awekeri mbahi, mowaha wandu wokia mawokyonyi; alakuwode wukilohi-hu ma hanga, kipfa wukilohi wulai nao. Ilindi adeda kii wongo kyo kii kyake akiende kii kya chure yake amonyi kipfa akeri mowongo kawa nyio mku mopaṟa shi wongo shose.

2 WAKORINTO 2:11

Kundu lulashike itambyo nyi Satana; kyamba luichi necha mahio hake.

WAEFESO 4:27

Mulawone molusana mwaanya.

WAEFESO 6:11

Raenyi shisha sha Ruwa, kundu muidime ilema mtambo njiwicho yetengeta ya mkumbi ulya.

1TIMOTEO 2:15

Indi nyi echiletso kui ifee lyefee wana ili ekaa wuidikinyi na makundanonyi na wuilishonyi awode osaṟe.

1TIMOTEO 2:9

Na wudo na waka wakusungusie wawenyi kui mṟaye iwamae necha isumhanye sonu na chile, walakuchope na njui njiioke ang'u sahabu ang'u shilukuta ang'u nguo tsekushela.

1TIMOTEO 3:11

Waka na wudo wakae weindya, walahende iduo wandu sumu, wawe wasanjikie mdo, wawe wahendeli kya shindo shose.

1TIMOTEO 3:2

Na wulalu mndu moambuya kimbaṟi nawe mndu alawode owingo, ai mii o mka umu asanjikie mdo, menyi osaṟe, mndu msanze, mokunda wahenu, menyi njopfundo.

2TIMOTEO 4:17

Indi Mndumii alenjikaya-ho kanjikapya owanzo. Iki kileenenga ngaidima ionguo mwongoye fuhende imariso necha wamkambo wakafuicho wose, na inyi ngaashuka ianduyo lya opfu.

TITO 1:8

Kya indi nawe mokunda wahenu, achihianyi na hai mecha, mndu o osaaṟe mhoṟotsu, menyi wuindi, mndu msanze.

TITO 2:12

Wolutoṟisha so, kundu lulehane na mbaṟi ii ya imina Ruwa na lango tsilya tsa ki-wuyana, lupfudie lui na moo fo chile na wuhoṟotsu na wuindi mandi ha kiwulalu.

TITO 2:2

Ke wameku wakuachie, wawe wasanze wenyi osaṟe wachia kui wuidiki na kui mkundanyie na kui mkutirisie.

TITO 2:4

Kundu wapfudishe waka walya wakoho wakunde wamii wawo wawekunda wana.

TITO 2:6

Na wudo ututumye womi walya wakoho wakae na chile tsa shindo shose.

YAKOBO 4:7

Nkyo kimitike muhoye Ruwa. Lemanenyi na Satana nao echimdicha.

1PETRO 1:13

Nkyo kitewe mukae na mhie yanu msanze cha wandu wakufungye kitsinyi na ilaa dembo. Mukuotoye mochikuwedya na macha wutonga wu mochiendyo ilindi Yesu Kristo echowenekya.

1PETRO 4:7

Mainutsyo ha shindo shose hamcha afui. Ko ikyo kaenyi na osaaṟe mochikuotoya kundu muidime iterewa.

OTAMBAHALUO LO YOHANE 12:10

Ngaweicho ṟu ling'anyi lyededa ipfo ruwehu likahamba, Wulalu okiṟo lo Ruwa womcha; na wuikolonyi na wumangi womba wo Ruwa odu na wuidimi wose wui wo Kristo oke. Kipfa mkumbi mokumba wanawawama wadu amemayo wanda, ichu awekewakumba oshangunyi lo Ruwa odu mfiri na kio.

OTAMBAHALUO LO YOHANE 12:12

Nkyo kimaduma ke-chihionyi nyo maruwehu hamenyi, sanzenyi-ho na walya waiho. Ochia nyi lo wanda ii na ipalyipalyi yayo, kipfa mbicho amwolokya konu awode nyashi ing'anyi. Nao aichi ke mwaanya awode nyi sa mwangu.

OTAMBAHALUO LO YOHANE 12:9

Na molyimo fu fung'anyi fukakumbo wanda, nyiyo njoka iya njiku ekelaho nyi Mkumbi na Satana. Nyio mtandawushi motandawusha wuyana wu wose. Kashika ikumbo wuyana. Na wasu wake wakawekumbyo-ho handu hamu nao.

OTAMBAHALUO LO YOHANE 20:10

Na mtengeti ulya awewatandawusha kaombotso ipfo nduwenyi ya modo. Hondo na indo lilya likeri handu hamu na mwikimbi mowongo. Wechituro mfiri na kio maheri hose halunganyi.

OTAMBAHALUO LO YOHANE 20:2

Kawada molimo fulya, nyiyo njoka iya njiku, nao nyio mtengeti ulya Satana, kampfunga maka kiku kimu.

WACHILI 14:5

Samsoni na wafee wake wakakure wahende Timna, wekishika mademenyi ha msabibu, kukacha mwiso fukapoṟohoṟia Samsoni.