1PETRO 5:6 - Bibilia Kui Mdedie fo Kimochi

⁶ Ikyo kimwenenge mukae shi ya owoko lo Ruwa lui na pfinya kundu namwire heri lilya.

1PETRO 5:6 ပူးပေါင်းရင်းမြစ်များ

1WAMANGI 21:29

“Uwonyi chandu Ahabu akunyiiṟa oshangunyi loko? Kipfa akunyiiṟa adi, njechiende mawicho halya mbeteseheṟie kiheri kyake pfo, indi nyi kiidi kya mana oke njechiende mawicho halya hose kiidi kya mba yake.”

2WAMANGI 22:19

Kyamba kuletocha wunyamaṟi kowekunyiiṟa oshangunyi loko, mṟasa koranduo maṟao hapfo na ifihiṟa oshangunyi loko, ilyi kuleicho kilya njilehamba kya handu ha na wandu wa iya ke, kochiwa msefu na oseso, na inyi ngawekuicho da.

2MBONYI TSA MAHERI 12:12

Kiheri Rehoboamu alekunyiṟa, nyashi ya Mndumii-Ruwa ilehaluka, nalakirumatse Yuda, na oruka lo Yuda lukaoṟa necha.

2MBONYI TSA MAHERI 30:11

Kyaindi makudo, wandu waangu kiidi kya shishari sha Asheri, Manase, na Zebuluni, walekunyiṟa, wakacha Yerusalemu.

2MBONYI TSA MAHERI 32:26

Lyefurumia, Hezekia na wandu wa Yerusalemu wakakunyiṟa, walawadese mrima mlemeri fuichuo wulemeshi, na tuke ya Mndumii-Ruwa ikasoka, nalawakape kiheri kyose sa Hezekia awei na moo.

2MBONYI TSA MAHERI 33:12

Kiheri awekeri kiidi kya mawina, naleterewa Mndumii-Ruwa, Ruwa oke, kakunyiṟa mnu oshangunyi lo Ruwa o wasahuye wake.

2MBONYI TSA MAHERI 33:19

Na kiterewo kyake, na chandu Ruwa alemuambilia, wunyamaṟi woke wose na ituṟo lyake lya wuhendeli, handu alesungusia heindia, na chandu alesungusia sanamu tsa Ashera kiheri alawemetoche wunyamaṟi, isho shishiṟehie kiidi kya Ngumbuo tsa Walodi.

2MBONYI TSA MAHERI 33:23

Nao naledumbuya oshangunyi lo Mndumii-Ruwa, chandu ndeye o Manase alewuta-pfo, kyaindi o naleongeṟa iwuta wunyamaṟi mnu.

2MBONYI TSA MAHERI 36:12

Nalewuta wunyamaṟi oshangunyi lo Mndumii-Ruwa, Ruwa oke, ma alekunda ikunyiṟa oshangunyi lo mwikimbi Yeremia, na iadanyia madedo awededa kuwuka ko Mndumii-Ruwa-pfo.

YOBU 36:22

Kumbuo wunene wo pfinya ya Ruwa; nyiu echiidima imlosha kindo?

SHIIMBO SHA DAWIDI 75:10

Membe tsa walai wasumhanyi njetsidumbuo; membe tsa wasumhanyi tsechikure.

SHIIMBO SHA DAWIDI 89:13

Owoko lopfo nyi owoko luwode wuidimi; owoko lopfo luwode pfinya; owoko lopfo lo kulyo luwode kiṟumi!

IWUKA 10:3

Kyasia, Mose na Aroni wakaida na ko Farao, na immbia, “Mndumii-Ruwa o Waebri, nahamba adi, Ngesa! Nochileha mṟasa indi ihendelia oshangunyi loko? Inenga wandu wako momu wakuhendie, kundu wanjiṟundie.

IWUKA 3:19

Na inyi njiichi ke Mangiyo ya Misri echimwinenga momu muhende manyale-pfo, mṟasa kui owoko loko lo pfinya.

IWUKA 32:11

Mose katerewa mnu Mndumii-Ruwa, Ruwa oke kechihamba Mndumii-Ruwa, nki ili nyashi yapfo yaakya wanduwa wapfo ulewawuta kulya Misri, kui wuidimi wung'anmyi na kui owoko luwode pfinya?

MFANANO 29:23

Orikiki lo mndu lochimsotsa Indi ulya awode mrima fokunyiiṟa nechiindyo.

YESAYA 2:11

Meso ha mndu hakuirie hechisotsio wanda, na orikiki lo mndu lochilemetso, na Mndumii o amonyi neching'anyisho mkonu fo.

YESAYA 40:4

Orio pichi lyechiichuṟo, Na orio fumvu na kitoṟomoso kechisotso; Handu ha mlemeko kochihoṟotso, Na handu hairaharaha ikochisungusio kulechiraha.

YESAYA 57:15

Kipfa ichu ai huye amng'anyishe, mokaa mlungana; ichu amlahe Mwele nahamba adi, “Njekekaa handu hakuirie, haele, hamu na ichu akunyiiṟie mrima na idumbuya, kundu njiṟutse ngoo tsa walya wakunyiiṟie na mrima ya walya waledumbuya.”

YEREMIA 13:18

Wienyi mangi na mae o mangi, “Kunyiṟenyi na idamia wanda; Kipfa oṟo tsanu njicha tsammbuka mdonyi yanu.

YEREMIA 44:10

Mṟasa inu ma mulemekunyiiṟe ma iowuo ma iosha mawawaso hako na mbiia tsako njilemudea nyo na waku wanu pfo.

EZEKIELI 17:21

Kyamba waskari wake wose wecha wechihenda iwoho, na walya wetsuhaaho wahende irahanyikia masangenyi kose, nanyo mochihenda imanya ke nyi wudi Mndumii ahambie.”

EZEKIELI 21:6

“Kipfa kya ikyo, Iyo mndu, nochihenda isokio nyi fowa ing'anyi iwukie mrimenyi oshangunyi lowo,

DANIELI 5:22

Na iyo manoke iyo Belshaza ulakunde ikunyiiṟa mrimenyi manya chando uweichi mbonyitso.

WALEWI 26:41

wakakumbuo kitewe njilewingana nawo na iwaduo orukenyi lo wakituwa wawo; kokoya nyi kya lohi mrima yawo ikakunyiṟa na idumbuya wuwicho wowo,

MIKA 6:8

Iyo mndu, Ruwa amekuloṟa kilya kii kicha, kindo Mndumii-Ruwa akundi kikeri kiile; iwuta mbonyi tsa wulohi, ukunde isaṟia na ikunyiiṟa oshangunyi lo Ruwa opfo kiidi kya mchumie mcha.

MATAYO 23:12

Na mokudosa amonyi nyi echikaa nanyiiro. Na mokunyiiṟa amonyi nyi echikaa nadoso.”

LUKA 1:52

Nyi akumbalye waapfinya ipfo maloṟike-hu hawo; kadosya-ho wafafa.

LUKA 14:11

Chakipfa orio mokudosa amonyi nyi echisotso, na mokusotsa nyi echidoso.”

LUKA 18:14

Kyasia nyi ngamuwia, ‘Ichu nyi alesoka na kanyi koke amsumuhantse kota ulya.’ Chakipfa orio mokung'anyisha amonyi, nyi echinyiiṟo, na mokunyiiṟa amonyi, nyi eching'anyisho.”

WAROMA 5:6

Kyamba Kristo amelupfia so kiheri luwefafae kawepfia walemeshi walemanyi na Ruwa matika na halya.

1 WAKORINTO 10:22

Ang'u nokunda ipfulutsa Mndumii nyashi? Nyi loidima imwota o ko?

NGUMBUO YA MAWAWASO 32:35

Kiṟaache nyi kyako, inyi njechitaa, ili madende hawo hechirendia; kyamba mfiri fowo fo ndenga fomeshika. Mtsitsionyi fowo fui hafui mnu.

1TIMOTEO 2:6

Nyio ichu alekudambika-ho amonyi ndalai ya italaa wandu wose ihendeṟingishyo ili indi maheri hayo halemshika ikoyo.

TITO 1:3

Kya indi matika halya haweshikie nyi alemanyisha idedo lyake kui mwongoye njiimdambikye inyi na wuitiki wo iwawasa lya mletsi odu Ruwa.

YAKOBO 4:10

Kunyiṟyenyi Mndumii nao echimwira.

YAKOBO 4:7

Nkyo kimitike muhoye Ruwa. Lemanenyi na Satana nao echimdicha.

YAKOBO 5:10

Wanawawama, mukuwade na waikimbi walya walededa kui rina lya Mndumii, wawe mtaato fonu mpfunge, fo ihenda iwawiṟo owicho na fo ikukarishya-ho.