1PETRO 5:5 - Bibilia Kui Mdedie fo Kimochi

⁵ Na wudo nyo mui wakoho kyekuhooyenyi wameku. Indi nyo mose mupfungane nguwo muwenyi na wenyi nyi yo mkunyiiṟye yanu. Kipfa Ruwa awikye walya wekyekung'nyisha tunja indi walya wekyekunyiiṟa wo nyi awawonye wutonga.

1PETRO 5:5 ပူးပေါင်းရင်းမြစ်များ

2MBONYI TSA MAHERI 6:41

“Wulalu kure ee Mndumii-Ruwa oko. Noche noide na handu hapfo heonyonyia, iyo na isanduku lyapfo liele lya mkundana, likeri ofano lopfinya tsapfo. Wakohanyi wapfo ee Mndumii-Ruwa, wawone okiṟo, na waele wapfo wachiṟo nyi wucha wo mrima fopfo.

YOBU 22:29

Ruwa nekeombotsa wekudosa, kyaindi kakiṟa wekunyiiṟa.

YOBU 29:14

Njilekuṟika wusumhanyi wukanjishikia, na wuhendelyi woko cha ikonya na kitambaa kya mdonyi.

SHIIMBO SHA DAWIDI 132:16

Na wakohanyi wake njechiwaṟika okiṟo, na wahoṟotsu wa mrimenyi wake wechikapa ngululu.

SHIIMBO SHA DAWIDI 132:9

Wakohanyi wapfo waṟiko wusumhanyi, wahoṟotsu wapfo wakape ngululu.

SHIIMBO SHA DAWIDI 138:6

Manya chando Mndumii ai huye, nekewona mokunyiiṟa, nao naichi sa awode wutimbiri awokia kuleshe.

MFANANO 25:7

Kipfa nyi kicha iwio, njo kunu kusonguo Kota iwiko nduma oshangunyi lo mnene. Halya kulehawona na meso,

MFANANO 3:34

Mndumii nekemina walya wemina, Nekeinenga wakunyiṟiye osaṟio.

YESAYA 57:15

Kipfa ichu ai huye amng'anyishe, mokaa mlungana; ichu amlahe Mwele nahamba adi, “Njekekaa handu hakuirie, haele, hamu na ichu akunyiiṟie mrima na idumbuya, kundu njiṟutse ngoo tsa walya wakunyiiṟie na mrima ya walya waledumbuya.”

YESAYA 61:10

Njechichihiyo mnu kiidi kya Mndumii, mrima foko fochikesa kiidi kya Ruwa oko; kipfa nanjiṟikie maṟao ha okiṟo, kanjishikia na nguwo ya wusumhanyi, chandu menyi walyi ekekusungusia kui kofia ya shiwaṟo, na mpora chando ekekusungusia na shindo sha sahabu.

YESAYA 66:2

Owoko loko nyilo lulewika ishi shose, shindo shi shikawutika Mndumii ahamba; kyaindi mnduchu nyio njechimwambuya, mndu ai mfafa, awode ngoo ikunyiiṟie, ichu ekeicho idedo lyako kaliowuo.

EZEKIELI 26:16

Kii kidi wanene wose wa njoruka tsii wambaṟa ya ipalyipalyi wechisoka wanda wawuka shidihu shawo sha wunene, wawekuatuo maṟao hawo ha wuitoṟi na kanzu tsawo njichope; nawo nyi wechisokio nyi wuowu wung'anyi, wawekudamia wanda wechidedema, na iṟihiyo mnu kya ishi shose shilekuhoya.

DANIELI 11:12

Kameduo wandu walya, mrima foke fochikurinyisha mnu; naweidima iombotsa wandu shiku ikumi (10,000) kyaindi echiengeṟio pfinya pfo.

WALEWI 19:32

Kiheri ui oshangunyi lo mndu mku nkikuwari uhoroke.

LUKA 22:26

Nyo, ma mlawone mochiwa mudo. Indi ichu ang'anyi ipfo kambenyi lyanu nakutane cha mtutu, na ichu ai msongoru, nawecha mopfuṟukanyia.

WAROMA 12:10

Mkundana fonu fokundana fuwe fo wakanyi kamu, ngapano moira iwe yewikyana wuindi.

WAROMA 13:14

Kya indi kuṟaaenyi Mndumii Yesu Kristo, mfo mṟaae fonu, mukuṟise kundu iwetesya moo lilawone lyechiamtsa lango mbicho.

WAEFESO 5:21

Muwe mochikunyiṟyana ipfo makambenyi hanu muwodo nyi wuowu woowuo Kristo.

WAFILIPI 2:3

Ma mulawone moamtsa shida ya nda mulakunyashe nekushela, kya indi orio onu natane odoe msongoru muwe mokunyiiṟa mudi mose.

WAKOLOSE 3:12

Nanyo ili mui wasambuṟe wa Ruwa waele na wakunde wake Ruwikyenyi wucha woichio mndu wukiwa kui ngoo na wukesi, wo oshangu na ikunyiṟa na wuhoo na woloṟu.

1TIMOTEO 5:1

Mndu meku ma ulampomye, kya indi umwikimbe cha ili ai wande, iwa wakoho uwadedie cha wanawawama.

WAEBRANIA 13:17

Muhendelye wasongoru wanu na iwahoya, kyamba wo walaa chowe wechiwinya mrima yanu wai wandu warie ihenda weso kyayo, kundu wahendehaluo-ho wawodo n sia walawone wechisumukya. Kikamba kido kiwemfurunjikia.

YAKOBO 4:6

Indi aenenga wutonga wo mwengeṟia.” Nkyo kimaduma ihambie, “Ruwa alemana na walya wekutimbisha wawenyi, indi walya wakusotsa, awawonya wutonga.”

1PETRO 3:8

Lya inutsya ngahamba, mukae mochihia kimu mose, muwe mochiichio wengi wukiwa mukundane, muwe mosaṟya, mukunyiṟe muwenyi.

1PETRO 4:1

Wulalu ili Kristo amaa iwawyo kimbihu nanyo kimuwaṟi muṟae shisha muhie kimu nao. Kipfa mndu amerohyo nyamenyi awodese kita na wanyamaṟi-pfo.

1PETRO 4:5

Wo wechianduyo nyi Ruwa-chu akuṟeheṟye idumbuo kya walya wai na moo na walya wapfie.