1PETRO 5:14 - Bibilia Kui Mdedie fo Kimochi

¹⁴ Keiṟikiṟanenyi muwenyi na wenyi kui omimindo lo makunda. Ofoṟo lukae nanyo mui Kristo-hu mose.

1PETRO 5:14 ပူးပေါင်းရင်းမြစ်များ

MATAYO 5:47

Na wandu mochiiṟikiṟana nawo, kokooya nyi wanawamaanu tupu, kindo mowuta kya ngoseṟa nyi kiki? Ma wandu wa mbaṟi njihenu na wudo wekewuta!

YOHANE 14:27

“Nyi ofoṟo ngamudeya, nyi ofoṟo lu loko ngamusumba. Na msumbye foko chi fukeri cha fo wuyana wupfo. Mamlanenewuke, ngoo yanu ilatautau.

YOHANE 16:33

Ngamuwia isho kundu mukae muwode ofoṟo mukulungye na inyi. Ili mukeri kunu wuyana i muwodo nyi waale. Kya indi kukarishyenyi inyi ngambinza wuyana wu.”

YOHANE 20:19

Nahong'u mfiri fo Ruwa kyukanyi na mongo ili impfunge ya mba iya ipfo kundo wa kiloshyonyi wakuwumbye nyi kipfa waowoye Wayuda. Kudi Yesu a ichu amcha kahoṟo kidi kyawo kawawia, “Kaenyi na ofoṟo.”

YOHANE 20:26

Kyasia ili numa komeida-ho mfiri nyanya walya wa kiloshyonyi kyake wawekeri-se ipfo mba na Toma ai ipfo kiidi kyawo. Kudi aichu Yesu acha-ho mongo ii-mfunge kahoroka ipfo kiidi kyawo, kahamba, “Kaenyi na ofoṟo.”

WAROMA 1:7

Ngamwiṟikiṟa nyo mukeri ipfo Roma mose mui wakunde wa Ruwa, wasambuṟe waele. Wutonga wukae nanyo na ofoṟo luwukie ipfo ko Ruwa Nde yadu na ko Mndumii Yesu Kristo.

WAROMA 16:16

Muiṟikiṟane nyo muwenyi na wenyi mochihekyana momu kui mhekye mwele. Siṟi tsa Kristo tsose tsamwiṟikiṟa.

WAROMA 8:1

Kyasia ili kii kido wulalu kwiho oseso lohoya walya wai Kristo-hu Yesu-pfo.

1 WAKORINTO 1:30

Na ipfo koke kwenyi kimaenyi kyanu kikeri ili mui Kristo-hu Yesu, nyio amelutaanyo nyi Ruwa wuṟango na wuhoṟotsu na wuiilisho na oletso.

1 WAKORINTO 16:20

Wanawawama wose wamwiṟikiṟa. Iṟikiṟanenyi kui ihekyana momu yele.

2 WAKORINTO 13:12

Muiṟikiṟane ipfo ngombanonyi njele.

2 WAKORINTO 5:17

Nkyo kyaenenga kokoya mndu ai Kristo-hu nyi amba mbika njihya; sha kacha shamesia, ate shose shamhenda ilawuka.

WAEFESO 6:23

Ofoṟo lukae na wana wa wama na ikunda na wuidiki shiwukye ko Ruwa Wande na ko Mndumii Yesu Kristo.

1WATESALONYIKYE 5:26

Muiṟikiṟie wanawawama wose kui ihekyana momu lilya yele.

1PETRO 1:2

Kui kyama kya Ruwa Wande kiwesongoe kilemnenga kamusambuṟa moilisho nyi Mumuyo Mwele kyemwidikishya Yesu Kristo na imwolya samu yake. Wutonga na ofoṟo shimuwelukie welu.

3YOHANE 1:14

Indi njikusirie iwonana na iyo mkonu fo afui ludede dumbu kui dumbu.