1PETRO 5:10 - Bibilia Kui Mdedie fo Kimochi

¹⁰ Indi o Ruwa menyi wutonga wose ichu alemlahya wuitoṟi woke wulunganyi kui Kristo nyio echimlumbisha nyo muiwawyo kiheri kyangu echiwa moṟihika na ikahaṟa.

1PETRO 5:10 ပူးပေါင်းရင်းမြစ်များ

SHIIMBO SHA DAWIDI 119:28

Mrima foko fulesalaa kipfa kya wulemeri, kennenga pfinya chandu kisumhanyi na idedo lyapfo.

SHIIMBO SHA DAWIDI 138:7

Ma ngawechumia kiidi kya wukiwa nochinjiamtsa, nochihoṟuo owoko huye ya nyashi ya wakituwa wako, na owoko lopfo lo kulyo lochinjikiṟa.

SHIIMBO SHA DAWIDI 86:15

Kyaindi Iyo, Mndumii, ui Ruwa o Osaṟio na wutonga, mtirisi, uichuo wuoloru na wukiilohi.

SHIIMBO SHA DAWIDI 86:5

Kyamba Iyo, Mndumii Ui mcha, nokuṟeheṟie ihooṟia, noichuo osaṟio. Ko wandu wose wekyekulaha.

ZEKARIA 10:12

Njechiwainenga pfinya kiidi kya Mndumii, wechichumia ipfo na ipfo kiidi kya rina lyake, Mndumii ahamba.

ZEKARIA 10:6

Inyi njechikarisha mba ya Yuda, njechikiṟa mba ya Yosefu, inyi njechiwawihiṟa kipfa ngawaichio makulili; wechiwa ke njiwakumbie pfo kipfa inyi nyi Mndumii-Ruwa owo njechiwaicho.

LUKA 22:32

Kyaindi inyi ngamekuterewia, kundu iidikia lyapfo lilamande; na iyo komewanga, wanza wanawamayo.”

WAROMA 15:13

Nao Ruwa-chu mokusihyo adi nawe mombonya nyo mfeṟa fo orio msiha fose na ofoṟo shirianyi na mwidikye fomwidikya kundu mukusuṟye necha mui na mkusihye kui pfinya ya Mumuyo Mwele.

WAROMA 15:5

Nao Ruwa chu ai mokarisha na iwihiṟya moo namuenenge muwe mochikusaṟa kimu nyo muwenyi na wenyi, kiwe kyechihiana na Yesu Kristo.

WAROMA 16:25

Ruwa nyio aidima imukapya owanzo kechimteteṟa na Ndumi ya Sia ya Okiio yehamba Yesu Kristo nyiyo ii njikeri iiongoya na otambahaluo lo kyaama kilya kiwekaa kiweikikoome maheri halya halunganyi.

WAROMA 9:11

Kyamba kyawo ma indi wana walawendefeo ma walawendewuta kiwe kii kicha kiwe kii kiporu kashika iwio kyewadumbuya, kundu kyama kya Ruwa kyesambuṟa kikae-ho kechitoṟya.

WAROMA 9:24

Nawo nyiso so alelulaha lupaṟikye chi ko Wayuda tupupfo kya indi na ipfo mkambonyi ya wahenu.

1 WAKORINTO 1:10

Indi ngamututuma lanye wanawawama kui rina lya Mndumii odu Yesu Kristo ke muwe mochideda kimu mose, ipfo konu kulakae-pfo ndutsano kya indi mukae-ho mui-waṟeheṟye mhie fumu na mdumbuye fumu.

1 WAKORINTO 1:9

Ruwa ai mhendeli, nao nyio amemlahya kilunganyonyi kyelungana na Manoke Yesu Kristo Mndumii odu.

2 WAKORINTO 13:11

Kyefurumya, wanawawama, kaenyi-pfo na sia, mukunde iikimbo, muwe mochikumbuo kilya kimu, mukae na ofoṟo, nao Ruwa menyi ikunda na ofoṟo echikaa hamu nanyo.

2 WAKORINTO 4:17

Kyamba iṟiyo lyo lyangu lya wukiwa wodu lyekaa oweṟe lo kidempfu, lyo lyalutanya wuitoṟi wo mlungana wuwode onu luiwonyo mwengeṟia na mwengeṟia.

WAFILIPI 4:13

Ngakuidimya njido shose njii na ichu monjikapya owanzo.

WAKOLOSE 2:7

Mukapie-ho mri kiidi kyake mui wailikie-ho na iwanzio wuidikinyi chando mulemlosho mochikusuṟa kiidi kyawo kui mwaano.

1WATESALONYIKYE 2:12

Na imkarisha nyo na imtutuma cha mndu wande ekewutya mana, kundu muchumie mchumie isumhanye Ruwa ichu alemulahya nyo wumangi wulya woke na wuitoṟi.

2WATESALONYIKYE 2:14

Nakyo nyi kyo Ruwa lemulahya kui Ndumi yadu ya Sia ya okiio, kundu muhendeduo wuitoṟi wo Mndumii odu yesu Kristo.

2WATESALONYIKYE 2:17

Nyio nakarishe ngoo tsanu nawembanza orio kiṟundionyi na idedonyi lyicha lyose.

2WATESALONYIKYE 3:3

Mmhendeli nyio Mndumii. Nao echimbanza na imringa kipuo na mbicho ulya.

1TIMOTEO 6:12

Kapana ngapano iya njicha ya wuidiki, ke-wada moo fo mlungana, ifu omelahyo ndaho yafo kowefuṟingisha mṟingishie sa mcha oshangunyi lo wangochi wafoi.

2TIMOTEO 1:9

O nyi alelukiṟa, kalulaha luwe wandu wake; ndaho njele. Kimtewye chi mawuto hadupfo; kyaindi nyi kyama kiwei kyake amoonyi na wutonga wulya alelusumba kiidi kya Kristo Yesu mandi halya ha maheri halawendewiko.

2TIMOTEO 2:10

Nkyo kitewe ngakutirisia njekaa shi ya shose kimaduma kya wasambuṟe walya wa Ruwa, kundu nawo wakuwonye okiio lo Kristo-hu Yesu hamu na wuitoṟi wo mlungana.

WAEBRANIA 9:15

Ikyo kyanenga ai moitsa-ho owiko luhya kundu walya wai walahe wahendeambya kyoṟa kilya kiweikiteṟye kii kya mlungana, ipfa lilya likamewa lyechiwuta-ho matahachyo haweitano ipfo kiwanjehu kya owiko lo kuwoka.

1PETRO 1:15

Kya indi chando ichu alemlaha ai mwele na wudo nanyo muwe waele kui mhendekie fonu fose.

1PETRO 4:10

Muwe mochipfuṟukanyana muwenyi na wenyi orio mndu ose kui kisumbo kya wutonga ameinengo nyi Ruwa, mui waiṟichi wecha weiṟichya-ho wutonga wo Ruwa wui-wuhawie-ho wo mbaṟi ii na ii.

1PETRO 4:11

Kuwode modeda lyo liwe lya mbiia tsa Ruwa, kuwode mopfuṟukanya lyo liwe lyechiwutika kui pfinya ii injiende nyi Ruwa, kundu Ruwa nakuwutie-ho iṟumisho na ishi shose kui Yesu Kristo. O ai menyi wuitoṟi na wukolonyi wochikaa mlungana! Amenyi.

2PETRO 1:3

Chando pfinya yake ya ki-Ruwa, Ruwa ammaa iluwonya shiende moo na wupfudi shose kui imanya ichu alelulaha na mweke fo wuitoṟi na wucha woke o amonyi.

1YOHANE 2:25

Na kiteṟyo kilya ameluteṟya o, kyo kiiteṟyo-ho moo fo mlungana.

YUDA 1:24

Indi ichu aidima mringa mulakape mtulia, mulaoloke kaweidima imohoṟotsa ipfo kundo kuwode wuitoṟi woke mukae-pfo mulai na paṟi kochikapyo-ho ngululu.