1PETRO 4:7 - Bibilia Kui Mdedie fo Kimochi

⁷ Mainutsyo ha shindo shose hamcha afui. Ko ikyo kaenyi na osaaṟe mochikuotoya kundu muidime iterewa.

1PETRO 4:7 ပူးပေါင်းရင်းမြစ်များ

MAWOOKIONYI 19:35

Wakarutsase ndeawo mpfinyo, kio kilya ulya mtutu kakure kalaa nao, manya o nalamanye kiheri alelaa ang'u kiheri alekure.

MAWOOKIONYI 6:13

Mndumii kawia Noe, “Mtsitsionyi fo orio msa awode mbihu fui oshangunyi loko, kipfa waichuṟa wunesi kunu wuyana; njechiwarumatsa handu hamu na wuyanawu.

KOHELETI 7:2

Kota mba ya kando kipfa ifo nyifo mtsitsionyi fo wandu wose, na icho ai na moo nechiwada mbonyi tso na mrima foke.

YEREMIA 5:31

Waikimbi wahamba wongo, wakuhanyi waitoṟia kui ngaya yawo, na wandu wako wakundi shindo shiwe shido. Nanyo mochiwuta muda iya masiiyonyi ngesa?

EZEKIELI 7:6

Mtsitsionyi nyi focha, mtsitsionyi nyi foshika. Ambuya nyi huye yapfo nyi focha.

MATAYO 24:42

Kelaenyi-ng'u dembo, kipfa mulaichi mkonu fulya Mndumii echicha.

MATAYO 25:13

Kyasia-ng'u kelaenyi-ng'u dembo kipfa ili mulaichi mfiri fo ma saayo.”

LUKA 21:34

“Kyasia, kuṟisenyi, mulawone ngoo tsanu tsechilemeṟo nyi itandaluo ndeu na wunanzi na mawinyisha ha wanda-i, mfiri fulya fuwone fochimutowokia mulakusirie.

LUKA 21:36

Nanyo, laenyi dembo mfiri yose mochiterewa, kundu muidime ikuashuo isho shose shikundi iwa, na ihoṟoka alya sumuhana na Mana o mndu.”

LUKA 22:46

Kawawia, “Kimaduma nyiki mukalaa? Kurenyi muterewe, mulawone mochida kiheshionyi.”

WAROMA 12:12

Ipfo kikusihyonyi kyanu mbechihio, ipfo shiwirenyi mukuhode, ipfo wuindinyi woiterewa mukae-pfo kiheri kyose.

1 WAKORINTO 15:24

Numa nyi imarisyonyi lya shose ili indi adambikya Ruwa Wande wumangi kammaa irumatsa wuitoṟi wose na wunene na wuapfinya.

1 WAKORINTO 7:29

Kya indi ngahamba-le, wanawawama, mwaanya fo iheri li nyi itika inyia fukeri. Mandi hatsuhae walya wawode waka wawe cha ili nyi walawode.

WAEFESO 6:18

Terewenyi orio kiheri mutaramo nyi Ruwa na shifuhyo sha orio mbaṟi yose, mochiterewa kiheri kyose muwodo nyi Mumuyo, Laenyi chowe mochiterewya wandu wa Ruwa wose kui matumatu na yomba.

WAFILIPI 4:5

Wuho wonu wumanyike ko wandu wose Mndumii nyi afui nache.

WAKOLOSE 4:2

Mutsinde kiterewyonyi; mulae nakyo chowe mochiaana Ruwa.

2TIMOTEO 4:5

Kakye iyo ukae na osaaṟe kya orio kindo, kukarishie mawinenyi, ṟunda iṟunda icha lya mwongoyi o Ndumi ya Sia ya okiio, ochiawutsia necha wupfuṟukanyi wopfo.

TITO 2:12

Wolutoṟisha so, kundu lulehane na mbaṟi ii ya imina Ruwa na lango tsilya tsa ki-wuyana, lupfudie lui na moo fo chile na wuhoṟotsu na wuindi mandi ha kiwulalu.

WAEBRANIA 10:25

Lulalembeṟye shisanzyo shadu chando waliwe waichiwie, kya indi lulahane naho. Luitike iwuta ludi ili luwonyi ke mkonu fulya fulya fuitikiria icha.

WAEBRANIA 9:26

Kima nao na wudo nyi aweitika iwawyo kafoi wokia mandi wuyana wulembiko. Indi wulalu alewoneka-ho limu mainutsyonyi ha maheri nawute-ho wunyamaṟi kui ikudasa amonyi.

1PETRO 1:13

Nkyo kitewe mukae na mhie yanu msanze cha wandu wakufungye kitsinyi na ilaa dembo. Mukuotoye mochikuwedya na macha wutonga wu mochiendyo ilindi Yesu Kristo echowenekya.

1PETRO 3:7

Na wudo, nyo womi mukae na waka wanu kui imanya ke mka ai msangi mfafa kota mii mochiwawikya wuindi kyamba nawo wechiduo kyoṟa kya moo fuu-mbike-ho nyi Ruwa kui wutonga. Kundu shiterewo shanu shilakoye-pfo tunja.

1PETRO 5:8

Kuotoyenyi, mulae chowe. Mkituwa onu Satana aitengetatengeta cha miiso yerunduma ai mopfula mndu aidima immeṟa.

OTAMBAHALUO LO YOHANE 16:15

“Ambuya-ng'u njechicha cha mwiiwi! Nanga mndu awa molaa chowe echikuṟeheṟya maṟao hake, kundu nalachumie ai kiṟanguo ipfo na ipfo oshangunyi lo wandu nawone kimwendie ṟenze.”