1PETRO 4:3 - Bibilia Kui Mdedie fo Kimochi

³ Kyamba kiheri kyashika na kamu iki kilemsia mandi muweiwuta shindo shilya wandu walaichi Ruwa wakundi. Muwehendekye kui wulala, na wumeluki, na wunanzi na wukuwu wo mlie na wo mnyoe na wuindi woindya maruwa ha wongo wutahachie wudi.

1PETRO 4:3 ပူးပေါင်းရင်းမြစ်များ

2SAMWELI 13:28

Kyasia, Absalomu kadeda na waṟundi wake kawawia, “Wedenyi mṟasa Amnoni nanyo wari nanango; kiheri njechimuwia mumbahe, wutenyi kudo ma mulaowuo kindo kipfa nyi inyi ngamuwawasa.”

1WAMANGI 21:26

Kawichuṟa mnu, kaindia sanamu kui mbuka tsa Waamori walya Mndumii alewafuna oshangunyi lo wana wa Israeli).

2MBONYI TSA MAHERI 15:8

Kyasia, Asa kaicho madedo ha mwikimbi Azaria, mana o Obedi, kawanzo mrima. Kawuta sanamu tsilya tsesukiṟa tsiwekeri orukenyi lo Yuda na Benyamini, na iwuka mṟinyi yose aleiwada shidenyi kiidi kya mafumvu ha Efraimu. Kawesungusia ko wuhya rasio lya Mndumii-Ruwa, kulya kiṟihenyi kya osehu kya hekalunyi lya Mndumii-Ruwa.

YESAYA 28:7

Ma kudo, iwa nawo wadeko kui mvinyo, wadekie kui kenanza; mkohanyi na mwikimbi wadekie kui wunanzi, wai wameṟe nyi mvinyo, wadekie kui kenanza; wekedeko shiwonesioni, wakakapa mtulia kiidi kya mwanduye.

YESAYA 5:11

Ochia lo walya walawa ikure ngamenyi kilawo, waoshe wunanzi; wakatsinda pfo mfiri puti itane kio makidi hawi, itane wari woaka cha modo kiidi kyawo.

YESAYA 65:4

wekedamia kiidi kya shipfu na ilaa handu ha kisekenyi kio taṟaṟaa; wekelya nyama ya nguwe, na supu ya shindo shinjiwichuṟie ii kiidi kya shihiya shawo;

YEREMIA 16:11

Na iyo nochiwahaluo ke inyi Mndumii-Ruwa ngahamba njidi, wandeanu walenjida wakaosha maruwa hengi, wakahaṟundia na ihaindia. Walenjida na waleindia mawawaso hako pfo.

YEREMIA 16:18

Njechitaa kiṟache ka ikumi, kipfa kya njonyamaṟo tsawo na madeko hawo kipfa wafanyitsa ngafu oruka loko, kui mnying'a ya maruwa hawo hasuiṟie, wakaichuṟa oruka lu loko isuiṟa lyawo.”

EZEKIELI 44:6

Israeli walekanyi na inyi. Mndumii-Ruwa nyi ahamba adi, ‘Njechiidima se ikarishia mawicho hanu hosepfo.

EZEKIELI 45:9

“Mndumii-Ruwa nyi ahamba adi, “Nyo waitoṟi wa Israeli nyi mulewuta wunyamaṟi kishikie, lekanenyi na wulang'a na iwonyia, henda wutenyi wusumuhanyi na wuhoṟotsu - manya mulafune wandu kunu orukenyi, nyi Inyi Mndumii-Ruwa ngahamba.

MARIKO 7:22

Na iṟuhuya na iṟuhuyo; wununyi na wuwicho; ngeṟo na mpuria; riso linenyi na shirumo na ikushela na wutondo.

MAWUTO HA WASU 17:30

Kyasiang'u Ruwa nyi awetsirilye matika halya kuiho wutondotondo. Kya indi komshika iya mandi ha wulalu nao awang'u motutuma wandu kudo kose ke wailachike mrima yawo.

WAROMA 13:13

Luchumie lui na sonu njicha tsisumhanye mfiri, lulawone lokaa na tsilya mbicho tsa ṟinginyi ma tsa wunanzinyi ma tsa wumeluki ma tsa sheeṟe ma tsa isohuo mondu ma tsa idosa nyashi.

1 WAKORINTO 12:2

Muichi lyandi muwekeri wahenu nyi mowekedao ko mfanano ilawode mdedye cha ili mokuruo-pfo.

1 WAKORINTO 6:11

Na wa mbaṟi itsi muwekeri maata wanu. Kya indi momesanjo. Kya indi momeilisho. Kya indi momesumhantso kui rina lya Mndumii Yesu Kristo na kui Mumuyo o Ruwa odu.

2 WAKORINTO 12:21

Kulawone Ruwa oko echinjinyiṟa ipfo konu ili njechicha-se lingi njishike ililia wafoi wanyamaṟie kacha manya walamhenda shika yeweṟo kya mkuteṟefutsye na kya mameluka na kya wulala waweshitanye.

WAGALATIA 5:19

Mawuto ha kii nyama ho hamanyikye na pata chando hakeri. Naho hai cha iha, wuṟuhui, mbutie iterefutsye mrima, wukuwu.

WAGALATIA 5:21

Wunanzi, itandaluo ndeu, na shindo shingi cha ishi, kyasho ngasonguo imbia chando njilewembia, ke wewuta wado wo wechikudaya wumangi wo Ruwa wuwe kyoṟapfo.

WAEFESO 5:18

Ma mulakunanze na mpfinyo fuwode kidetsa okiio, indi muichuṟo nyi Mumuyo Mwele.

1WATESALONYIKYE 4:5

Lilawe lya kya nyashi ya waaka.

TITO 3:3

Kyamba naso ili kacha luwei watahi, wandu wataicho wadetse, luweisingia wulang'a na lango tsa mbaṟi nliwe na nliwe luwehendekie lui na wumbafu na wunyenyi luwesukie lochisuana luwenyi na wenyi.

1PETRO 1:14

Mui wana wa Ruwa wawode wuindi, mlakioshe-se manyale lango njiwicho tsilya muwewode kacha lilya muwei watondo.

YUDA 1:4

Kyamba kuipfo wandu walaichi Ruwa walekuṟoṟokuya kunu siṟinyi, nawo nyiwo ko kiira kya mkao yawo njiwicho walemsonguo iṟehyo mdumbuye yawo kacha nyiyo iile, ke nyi walemeshi wekepfuluo-pfuluo wutonga-wu wo Ruwa odu kui wulala wowo, wakeri ileha ichu ai mnene odu amonyi nyio Mndumii odu Yesu Kristo.