1PETRO 4:18 - Bibilia Kui Mdedie fo Kimochi

¹⁸ Na kokoya ichu asumhanyi aumiṟyo ikiṟo, ichu mlemeshi ai mnyamaṟi nyi hanga echikuloṟa ngesa?

1PETRO 4:18 ပူးပေါင်းရင်းမြစ်များ

MAWOOKIONYI 13:13

Kyaindi wandu wa Sodoma wawei wawicho, wenyamaṟia mnu Mndumii.

MFANANO 11:31

Kuambuye, mndu o wusumhanyi nechitao aa wuyanenyi, Ngesa mbicho na mdeko chi sa kafoi mnu?

YEREMIA 25:29

Kipfa ambuyenyi ngawoka iwuta mawicho kiidi kya mṟi fumlahe kui rina lyako. Ngesa mochideo mulechihoṟuyo? Mochideo mulechihoṟuyopfo, kipfa njechiende oshu lulya lukape wose wa wuyana. Mndumii menyi Matorito ahamba.’

EZEKIELI 18:24

“Kyaindi ili mandi mndu o wusumuhanyi echihenda ida iwuta sha wusumuhanyi, kahenda iwuta mawuto mawicho hafananyi na walya wawuta mawicho, ngesa nechihenda ikaa na moo?” Ote! Kyamba mecha halya hose awewutie hechihenda ihadimo. Kyaindi kipfa kya mawuto ho mawicho halai ha wusumuhanyi ahenda iwuta nechihenda ipfa.

ZEKARIA 13:9

Ikyo kimu kechideo njechikihesha na ikitana kyele cha mndu mosanja fesa; cha mohesha sahapu. Kyasia, wo wechinjiterewa na inyi njiwahaluo, njechihamba iwa nyi wandu wako, nawo wechihamba Mndumii-Ruwa nyio Ruwa odu.”

LUKA 15:1

Wesana okamba na wanyamaṟi, iwa wose nyi wawekemchea, kundu wamwadanyie.

LUKA 23:31

Kipfa kokooya wawutia wadi ikidi iwishi, aka ili yumu nyi lyekaa liwiko lida?”

MAWUTO HA WASU 14:22

Wechiwanza mrima ya wa kiloshyonyi na iwatutuma ke wakae necha mwidikyenyi na ke nyi kiluwaṟi ikuidya shiwirenyi shiingi mtano na lushike wumanginyi wo Ruwa.

MAWUTO HA WASU 27:24

Nao kanjiwia, ‘Ma kulaowuo Paulo! Nyi kikuwaṟi ihenda hoṟoka oshangunyi lo Kaisari. Kingi-se ambuya Ruwa amemaa ikuenenga wandu wa wai kyaṟonyi kimu na iyo wose.’

MAWUTO HA WASU 27:31

Paulo kawia mchili na wasikari, “Iwa walamekaa kunu ngalawenyi mochiidima ikiapfo.”

WAROMA 1:18

Kyamba tuuke ya Ruwa yahenda imanyisho ichee ruwehu yechiolokya orio wukika wo wandu na wutahachi wowo iwo wekeshingya wukilohi wulya njia kui tewe lya wutahachi.

WAROMA 5:6

Kyamba Kristo amelupfia so kiheri luwefafae kawepfia walemeshi walemanyi na Ruwa matika na halya.

WAROMA 5:8

Indi Ruwa nyi amanyishye ikunda lyake alukundi nalyo so ipfo kundo Kristo alelupfia kiheri luwei-se wanyamaṟi.

1 WAKORINTO 10:12

Nkyo kimaduma msa mohamba ke nyi ahoṟoki nakuṟise nalawone echiho.

1TIMOTEO 1:9

Echikusaṟa ke wuwawaso wui wuwike kipfa kya mndu asumhanyipfo, indi nyi kipfa kya walya wawuṟie wuchili walai kambenyi; walehanyi na Ruwa, wai wanyamaṟi, wai wambafu wenyi ngafu, iwo wekewuta wande na wama moo, wewaha wandu.

WAEBRANIA 4:1

Iki kiluhoye fowa tseowuo kundu kulawone ipfo konu kuwoneke-pfo echiasha yanga lilya, ili indi kiteṟyo kilya kyekuangya ipfo kundo kuwode olele loke kii-kideye-se.

YAKOBO 5:6

Nyi momewonya mti ichu asumhanyi mukawehenda imbaha alawehodana nanyo.

1PETRO 5:8

Kuotoyenyi, mulae chowe. Mkituwa onu Satana aitengetatengeta cha miiso yerunduma ai mopfula mndu aidima immeṟa.

2PETRO 3:7

Indi ngina ya ki-wulalu na wanda ii shishiṟihikye nyi idedo lya Ruwa, tso tsikeri nteṟye modo kui idedo li lya Ruwa tsiinkoomye mkonu fo maanduo halya hang'anyi forumatsa wandu walya wenyi-wulemeshi.

YUDA 1:15

Nahende yanduya wandu wose, mwanduye fulya na ihoṟuo walemeshi wose kya mawuto hawo mawicho hose walemlemya naho na kya mawicho halya hose walemdeda naho wai wanyamaṟi walemeshi wado.”

1SAMWELI 15:18

Lyilya mandi Mndumii-Ruwa alekuduma kechikuwia, ‘Henda kombetsa kombi Waamalekiwo wai wanyamaṟi, kapana nawo tane owawaaha wose!’