1PETRO 4:14 - Bibilia Kui Mdedie fo Kimochi

¹⁴ Nanga nyo kokoya moilo kipfa kya rina lya Kristo, kipfa Mumuyo fo wuitoṟi, nyifo fo Ruwa fuimsokya.

1PETRO 4:14 ပူးပေါင်းရင်းမြစ်များ

1WAMANGI 10:8

Ungusu waka wapfo! Ungusu waṟundi wapfo waikuhidia kitsitsi na iadanyia wulaanyi wopfo!”

2WAMANGI 2:15

Na wana walya wa waikimbi wawei Yeriko maambasana, wekimbona walehamba, “Mumuyo fo Elia fui huya Elisha.” Wakacha iwonana nao, wakahongoma mbele yake.

SHIIMBO SHA DAWIDI 146:5

Nanga ulya Ruwa o Yakobo nyi mtarami oke, na kikusirio kyake nyi ko Mndumii, Ruwa oke.

SHIIMBO SHA DAWIDI 49:9

Kundu nakukaye-ho na moo mfiri yose elechiwona ṟungu.

SHIIMBO SHA DAWIDI 89:51

Sa wakituwa wapfo waleisalucha, hoi Mndumii, ee da, waleisalucha njayo tsa mshimbuo opfo.

YESAYA 11:2

Na mumuyo fo Mndumii fochikaa huyake, mumuyo fo wuṟango na imanya, mumuyo fo chile na wuidimi, mumuyo fo wulaanyi na iindia Ruwa;

YESAYA 25:8

Nameṟie opfu mṟasa mlungana; na Mndumii-Ruwa nechiangatsa mchenyeṟe oshangunyi lowo; na sonu ya wandu wake nechiiwuta kiidi kya wuyana wose; kipfa Mndumii adeda isho.

YESAYA 51:7

“Njiadanyienyi nyo wewuta sha wusumhanyi, wandu wawode chila yako mrimenyi yawo, mulaowuo shirumo sha wandu, ma mularihinyike imina lyawo.

MATAYO 5:11

Nanga nyo ili mochiwona wemruma na imwamtsia shiterengio na imdeda-deda orio kindo kiwicho kyose kii kya wongo, indi kikawa kifa kyako inyi.

MATAYO 5:16

Nyi wudo na sa yanu iwewaa oshangunyi lo wandu wose, wawuteho ikulosha mawuto hanu mecha, kundu wang'anyi she naho Nde-anu o ipfo ruwehu.”

LUKA 6:22

“Wungusu nyio ili wandu wechimsuo na imuuma wakawemuuma na imruma-ruma na ikumba rina lyanu kuleshe cha ili liwei liwicho, nasho na kitewe kya Mana o Mndu.”

YOHANE 15:21

Kya indi ishi shose wechimuwutya nyi kipfa kya rina lyako inyi, kipfa walaichi ichu alenjiduma.

YOHANE 8:48

Wayuda walya wakahalwo wakambia, “Chi lohamba kya lohi ke ukeri Msamaria uwodo nyi oṟuṟe?”

YOHANE 9:28

Wakamruma wakahamba, “Mndu o kiloshyonyi kyake na iyo. So lui wa kiloshyonyi kya Mose.

YOHANE 9:34

Nawo wakambia, “A iyo ui mfee kudo ui mnyamaṟi kotana olulosha so?” Nawo wakamtuhuta na nja.

MAWUTO HA WASU 13:45

Kya indi Wayuda wekiwona mamwingi fulya wakaichuo wunyenyi wakarekyana na Paulo kya shilya ahambye wechiruma.

MAWUTO HA WASU 18:6

Wekilehana nao na iruma kakutakuta nguo tsake kawawia “Mondu fo samu yanu ihoye mdo yanu ii menyi. Inyi njii mharami nayo. Wokya wulalu ngaindukya mkambo ya wandu ingi.”

MAWUTO HA WASU 28:22

Kya indi lukundi iicho kopfo iyo chando uwonyi. Kyamba kya siṟi ii ikuwikye idi kyanya nyi luichi ke nyi ikeri ileholeho hando hose.”

MAWUTO HA WASU 5:41

Nawo wakakure ipfo oshangunyi lo chila iya wai waṟamtsu cha kipfa kya isutso kipfa kya rina lya Yesu.

2 WAKORINTO 12:10

Nkyo kimaduma kichihianyi na inyi kikeri kiile, ili njii wufafenyi ang'u shituryonyi ang'u shiwiṟenyi ang'u shiterengyonyi ang'u shipeṟehetsanyonyi shiwe shinjihoya kimaduma kya Kristo. Kyamba mandi njiiwufafenyi lyondo njii na pfinya.

2 WAKORINTO 4:10

Handu hose lurie opfu lo Yesu mbihu-hu fodu kundu moo fo Yesu nafo fuhende iwono mbihu-hu fodu.

2 WAKORINTO 4:16

Nkyo kyaenenga lulahenda ilemo, kya indi kokoya na mbika yadu iwono yahenda inyamaṟika, indi iya ilawono yo yahenda ilawuka mkonu na mkonu.

WAGALATIA 1:24

Wakakuwutya-ho iṟumisha Ruwa kipfa kyako inyi.

WAEBRANIA 11:26

Nyi alehamba isutso kimaduma kya Kristo lyo liende wusuṟi kota shisa sha Wamisiri, kyamba nyi aleringa wuṟundi wulya.

YAKOBO 1:12

Nanga mndu msoṟo aikuhoda kiheshyonyi, kipfa ili ambangohoda echiambya oṟo iya nchope, nyiyo moo fu Ruwa alemteṟya walya wamkundi.

YAKOBO 5:11

Ambuya lokesendya nanga iwa walemkutirisia. Mukameicho ikutirisia lya Yobu na ipfo kundo Mndumii aleliinutysa mukamkuwona. Kipfa Mndumii ekesaṟya wandu saṟi ewaichio wukiwa.

1PETRO 2:12

Mochichumia ipfo kiidi kya wandu walaichi Ruwa ohendo lucha lusumhanyi kundu wo, ipfondo waimsutsa cha ili mui wambafu nyi hondo wakuwutie-ho iṟumisha Ruwa mkonu fo yanduo wechiambuya mawuto halya hanu mecha.

1PETRO 3:14

Kya indi kokoya mohenda iwawiṟo kipfa mowuta kya wusumhanyi, nanga nyo. Ma mulaowuo mndu oose, ma iwuko m madima.

1PETRO 3:16

Indi mumhaluo muwodo nyi wuhoo na wuowu. Ngoo tsa mrima yanu tsii njicha, kundu na ipfo kundo waimsutsa washike ipfia sonu walya waideda owicho kya, ohendo lonu lochia ludi kui Yesu Kristo.

1PETRO 4:16

Indi kokoya ailiso wukiwa kipfa ai mkristo nalaṟeenze indi nawikye Ruwa kiṟumi kui rina lyo.

2PETRO 2:2

Na wandu wafoi wechiwingya njia-tso tsawo njiwicho. Nyiwo wechitewa njia ya kii-lohi ihende irumo.