1PETRO 4:13 - Bibilia Kui Mdedie fo Kimochi

¹³ Kya indi ili muisanzyo Kristo mawawio hake ikyo kimwenenge muhende ichihio kya sia yanu ya ipfo mawonesyonyi ha wuitoṟi woke lyondi mochikapa ngululu.

1PETRO 4:13 ပူးပေါင်းရင်းမြစ်များ

YESAYA 25:9

Kiidi kya mkonu fo wechihamba, “Ambuya ichu nyio Ruwa odu, nyio luwei imbedia nalutarame; Ichu nyio Mndumii luwei imbedia, Lukaese na ichihiyo kya okiṟo loke.”

YESAYA 35:10

Na iwo wakiṟe nyi Mndumii wechiwuya, wechishika Sioni wechiimba, na sia ya mlungana yechiwa huye ya mdo yawo; nawo wechiwona iseka na sia, iwawio na ikuinadia shechidicha.

YESAYA 51:11

Iwo wai wakiṟe nyi Mndumii wechiwuya, wechishika Sioni, wechiimba; sia ya mlungana yechiwa huya mdo yawo; Fowa na iluo shechidicha.

MATAYO 16:27

Kipfa nyi kochikaa Manomndu nache ai wusuṟinyi wo Nde arianyi na wasu wake wa ruwehu. Nalyo nainengye orio mndu ose kyake kimsumhanye ipfo mawutyenyi hake.

MATAYO 25:21

Mndumii oke kambia, “Nyi kulewuta necha kui isinga sa licha lihendeli. Nyi uwekeri mnene o shindo shitutu koweshihendelya. Njekuwika mnene o shindo shifoi. Henda kuidye na sienyi ya Mndumii opfo.”

MATAYO 25:23

Mndumii ulya oke kambia, “Nyi ulewuta mecha kui isinga icha sa lihendeli. Nyi uwekeri mnene o shindo sa shitutu koweshihe-ndelia. Njekuwika mnene o shindo shifoi. Henda kuidye na sienyi ya Mndumii opfo.”

MATAYO 25:31

“Kyaindi ilindi Manomndu echicha ai na wusumuhanyi woke arianyi na wasu wake wa kulya ruwehu wo wose, nalyo echidamya ipfo loṟike-hu lo wusuṟi woke.

MATAYO 25:34

Nalyo mangi echiwia walya wakeri ora loke lo kulyo, ‘Kenjonyi mui wawikei ona nyi Wande oko. Kehenda kaenyi kyoṟenyi kya wumangi kyanu muwasuṟumiye kuwokia masanga hambiko.

MATAYO 5:12

Kechihiyonyi mbekeseka, kipfa woṟunda wonu nyi wufoi kulya ruwehu, kifa na wudo waleweterengia waikimbi walya wa-wemsongoye.”

MARIKO 8:38

Mndu oose monjiwadia sonu inyi na madedo ha hako kunu kiidi kya mbaṟi ya wanyamaṟi na walasaṟie Ruwa, na Manomndu nyi echimbadia sonu ili echikaa nache na wusuṟi wo Nde handu hamu na wamalaika waele.”

LUKA 17:30

Na wudo-ng' tichi kochikaa kuwe mkonu fulya Mana o mndu echitarambuyo.

MAWUTO HA WASU 16:25

Kya indi kio aa madumbwo hawi Paulo na Sila waweiterewa Ruwa na imwimbya shiimbo shemṟumisha na wapfungo walya wengi waiho wechiadanya.

MAWUTO HA WASU 5:41

Nawo wakakure ipfo oshangunyi lo chila iya wai waṟamtsu cha kipfa kya isutso kipfa kya rina lya Yesu.

WAROMA 5:3

Ma chi kya ikyo tupupfo, kya indi lui wakesi ipfo shiwirenyi kipfa nyi luichi shiwira shekeende ikuhoda.

WAROMA 8:17

Indi kyamba so lukeri wana wa Ruwa nyi lui na waoṟi luchiambia mboṟa tsa Ruwa; lukamba waoṟi nyi lui na waoṟi weoṟa hamu na Kristo kiwe lohenda ikisokiso nao kundu lushike iwiko na wuitoṟinyi wumu nao.

WAROMA 8:18

Kyamba ngahamba mawawiyo ha ki-wulalu halaṟingananyi na wuitoṟi wulya lochikaa luwutambaṟuyo.

2 WAKORINTO 1:5

Kipfa chando so luifeṟyo mawawio kya Kristo na wudo kiwihiṟa moo kiilufoya kui Kristo.

2 WAKORINTO 1:7

Na ili lukusihye kyanu ludi nyi lui-wawanze ipfo kundo luichi ke chando mui wakyando wa marohyo halya na wudo mui wakyando wa kiwihiṟa moo kilya.

2 WAKORINTO 4:10

Handu hose lurie opfu lo Yesu mbihu-hu fodu kundu moo fo Yesu nafo fuhende iwono mbihu-hu fodu.

2 WAKORINTO 4:17

Kyamba iṟiyo lyo lyangu lya wukiwa wodu lyekaa oweṟe lo kidempfu, lyo lyalutanya wuitoṟi wo mlungana wuwode onu luiwonyo mwengeṟia na mwengeṟia.

WAFILIPI 3:10

Wo immanya o na pfinya ya maṟukyenyi hake na kyando kya mawawyo hake njihende fananyisho nao ma ipfo kipfionyi.

WAKOLOSE 1:24

Wulalu ngachihio ipfo mawawiṟonyi halya njiiwawyo kipfa kyanu ngawemarisa shiwira sha Kristo ipfo mbihuhu foko ishi shiwekundi yengeṟyo-ho sha mbihu fu foke, mfo siṟi.

2TIMOTEO 2:12

“Kokoya lokutirisia hamu nao, na itoṟya lochiitoṟia da kimu nao. Kokoya so lomkana nao echilukana so da.”

1PETRO 1:13

Nkyo kitewe mukae na mhie yanu msanze cha wandu wakufungye kitsinyi na ilaa dembo. Mukuotoye mochikuwedya na macha wutonga wu mochiendyo ilindi Yesu Kristo echowenekya.

1PETRO 2:21

Isho nsho muiwalahie; kipfa nao Kristo alewawiṟo kipfa kyanu kamdea mtaato mpfunge kundu muoshe njayo tsake.

1PETRO 5:1

Wulalu wameku walya wakeri ipfo konu wo ngawatutuma njii meku chawo na moriso o mawawyo ha Kristo na mokita o wuitoṟi wulya wurie ihenda itambaṟukyo.

1PETRO 5:10

Indi o Ruwa menyi wutonga wose ichu alemlahya wuitoṟi woke wulunganyi kui Kristo nyio echimlumbisha nyo muiwawyo kiheri kyangu echiwa moṟihika na ikahaṟa.

YUDA 1:24

Indi ichu aidima mringa mulakape mtulia, mulaoloke kaweidima imohoṟotsa ipfo kundo kuwode wuitoṟi woke mukae-pfo mulai na paṟi kochikapyo-ho ngululu.

OTAMBAHALUO LO YOHANE 1:7

Ambuya, nyi icha akeri ipfo mapuchi-hu na orio riso lyechimbona, na iwona wechimbona walya walemtocha. Na mbaṟi tsa wandu tsose tsechimlilia. Ee da, nakyo. Amenyi.

OTAMBAHALUO LO YOHANE 1:9

Inyi Yohane nji manowama onyu na mokyando o wuaalenyi na wumanginyi na wukukarishi-hu wo ko Yesu njiwekeri ipfo kyandenyi kilya rina lyakyo nyi Patimo. Njileendo naho kundu njionguo idedo lya Ruwa na iṟingishya kii lohi kya Yesu.