1PETRO 4:11 - Bibilia Kui Mdedie fo Kimochi

¹¹ Kuwode modeda lyo liwe lya mbiia tsa Ruwa, kuwode mopfuṟukanya lyo liwe lyechiwutika kui pfinya ii injiende nyi Ruwa, kundu Ruwa nakuwutie-ho iṟumisho na ishi shose kui Yesu Kristo. O ai menyi wuitoṟi na wukolonyi wochikaa mlungana! Amenyi.

1PETRO 4:11 ပူးပေါင်းရင်းမြစ်များ

SHIIMBO SHA DAWIDI 145:13

Wumangi wopfo nyi wumangi wo kacha mṟamna, Mndumii-Ruwa nai mhendeli kiidi kya shasa shake shose, na mcha kiidi kya mawuto hake hose. Na wuikolonyi wopfo nyi wo marika hose.

YESAYA 8:20

Wahende kui wuwawaso na wuṟingishi, kokoya waladeda kirianyi na idedo li, kulawode kingi kowo kuwode ngamenyi pfo.

YEREMIA 23:22

Indi kokoya walehoṟoka mengenyi yako le, wawechimanyishia wandu madedo hako, na iwahalutsa wade mawuto hawo mawicho, na njia tsawo njiwicho.

DANIELI 4:3

Shichano shake nyi shing'anyi na maṟiho hake nyi ha kilula, wumangi woke nyi wo mlungana; na wuitoṟi woke nyi wo marika hose.

DANIELI 4:34

“Lyefurumia maheriho, inyi Nebukadneza, ngairia meso hako ngaambuya ruwehu, mahio hako hakawa kufui na inyi; ngaidapfuma Ruwa chu ai Huye. Ngamwaana ngamṟumisha Ichu ai na moo mlungana: ‘Kipfa wuitoṟi woke nyi wuitoṟi wo mlungana, na wumangi woke nyi wuitoṟi wo mlungana, na wumangi woke wulamanda kishari na kishari;

DANIELI 7:14

Nao kainengo wuitoṟi na kiṟumi na wumangi, kundu wandu wa mbaṟi tsose, na mkambo yose, na shishomo shose wamṟundie, wuitoṟi woke nyi wuitoṟi wo mlungana; wulechikaa wuide, na wumangi woke nyi wumangi wulechiwa irumatso.”

MATAYO 6:13

Ma ulaluduo kitewionyi indi ulukiṟe shindo shiwicho!

YOHANE 13:31

Nahong'u Yuda ekihenda nja Yesu kahamba, “Mana chu o mndu nyi wulalu ameng'anyisho na Ruwa kaweng'anyisho ipfo kundo ai.

MAWUTO HA WASU 7:38

O nyio awerianyi na malaika ulya ipfo siṟinyi ya kulya nuka ulya ededa nao kulya fumvu-hu lya Sinai na waku walya wadu. Nyio aleambya madedo hawode moo naluinenge so.”

WAROMA 11:36

Kipfa nyio ai kimaenyi kya shindo shose, nao ai moshiwanzya mkaenyi, na koke shechikaa shiinukie shose. Wuitoṟi nyi woke wokaa mlungana. Amenyi.

WAROMA 12:3

Kisumbo njii-msumbe nakyo kyanjienenga njiwie orio mndu ose akeri ipfo konu, ke nalahie kyake kyekung'anyisha kyeng'anya kilya kimsuhananye, kya indi nahie-ho kyeidikya kidembo kyake chando Ruwa ahawye orio mndu kiheo kya mwidikye.

WAROMA 16:27

Nyio Ruwa ai mṟango o amonyi nakae echiwikyo mng'ano kui Yesu Kristo maheri hose halunganyi. Amenyi.

WAROMA 3:2

Mwidye fu a fui-pfo foringa njora tsose. Kya kuwoka Wayuda nyi waiwadambikye mbia tsa Ruwa.

1 WAKORINTO 10:31

Kyasia-ng'u ili muilya ang'u muinyo ang'u muiwuta kindo ma kida ma kida shiwutenyi shose shewikya Ruwa kiṟumi.

1 WAKORINTO 12:4

Nyi kuwode makamba ha shisumbo sha Mumuyo, indi Mumuyo nyio menyi.

1 WAKORINTO 3:10

Kui kiheo kya wutonga wo Ruwa njii-msumbe nyi ngamewika kiwanja cha mpfuru mṟango na ungi kawika-ho mba. Kya indi orio ose moiwika-ho naṟunde na osaṟe.

1 WAKORINTO 6:20

Cha kipfa muiwahuṟe na mtalo fo kisale. Kyo kimwitike muhende iṟumisha Ruwa chu kui mbihu fonu.

2 WAKORINTO 2:17

Kyamba so lulai cha wengi wafoi wekehaluo dedo lya Ruwa kindo kyekapa mbucha, kya indi luideda kui wulalutsu shiwukye ko Ruwa lukeri Kristo hu odatsinyi lo Ruwa.

2 WAKORINTO 9:13

ipfo kundo wupfuṟukanyi wukeri wudi womshika imanyika wawuta-ho iṟumisha Ruwa kya wuhendeli wonu wohamba ndumi ya sia ya Kristo na kya mlungano fu mukuwodye nawo na wandu wose fuhoṟoki fudo.

WAEFESO 1:19

Mumanye na wuidimi woke chando wuikolonye shose ailukaya nawo so luidikye na ikuwada nao, nawo nyi wuwonekye ipfo kundu alekupaya na wuitiki wo pfinya yake chando wui.

WAEFESO 4:29

Dumbunyi lyanu kulawuke-pfo idedo lyiwicho; indi orio idedo lii licha lyetarama wengi, lilele na walya kowuṟyo, kundu waimwadanya.

WAEFESO 5:20

Anenyi Ruwa Wande maheri hose kui rina lya Mndumii odu Yesu Kristo kya shindo shose.

WAEFESO 6:10

Kya shingi shose mukuwanzye Mndumii-hu na wunene-hu wo pfinya tsake.

WAFILIPI 1:11

Muwe mui-wasuṟie owiko lo msumhanzie fuu-mbike nyi. Yesu Kristo fowikya Ruwa wuitoṟi na kiṟumi.

WAFILIPI 2:11

Na orio olimi luonguo ke Yesu Kristo nyio ai Mndumii kyewikya Ruwa Wande kiṟumi.

WAKOLOSE 4:6

Dedo lyanu liwe lyenongowya mdonyi kiheri kyose likae lyelodaloda mbala, mumanye chando kimuwari ihaluo orio mndu kiheri kyose.

1WATESALONYIKYE 2:4

Kya indi chando lulekundo nyi Ruwa naludambikye ndumi ya sia ya okiio nyi wudo luideda, chi kundu luwe lochichiana na wandu indi na Ruwa ichu ametunga ngoo tsadu.

1TIMOTEO 1:17

Indi mangi ii ya maheri halunganyi ichu alasia alawono, o Ruwa amonyi nakae echiindyo na iichiko maheri hose na hose halunganyi. Amenyi.

1TIMOTEO 6:16

Nao amonyi akaa elechipfa aitsinda ipfo senyi ilechiwa ida. Kwipfo mndu o wandu alembonapfo ma kwipfo echiidima imbonapfo. Kiṟumi kicha na wuitoṟi wo mlungana shii shake. Amenyi.

TITO 2:1

Kake iyo udede kiidikyanyi na wupfundi wulya wochiṟa mrima.

TITO 2:15

Kya ishi udede, uikimbe, ututume na wuitiki wose. Kulakae-pfo ekumina.

WAEBRANIA 13:7

Kaenyi mochikumbuo wasongoru wanu iwo walembia idedo lya Ruwa. Muwe mochikapya mainukyo ha ohendo lowo meso mukuwaakishye wuidiki iwu.

WAEBRANIA 5:12

Kyamba na kiheri kilemkuidya kiwemtana walosha, na muwuṟie-se lingi muhende losho shichano sha mbonyi tsa Ruwa sha kuwoka, mukawemba wandu wawuṟie oseṟi chi shelya shumu.

YAKOBO 1:19

Iki mukiichi, wanawawama wako wakunde. Indi orio mndu nawe mwangu kui yadanya na mlemeri kui ideda na mlemeri kui idosa nyashi.

YAKOBO 1:26

Kokoya mndu ahamba ke ai menyi-wuindi nao alaapfinya olimi loke indi alemba ngoo yake, wuindi wu woke wukeri wo wulya.

1PETRO 2:12

Mochichumia ipfo kiidi kya wandu walaichi Ruwa ohendo lucha lusumhanyi kundu wo, ipfondo waimsutsa cha ili mui wambafu nyi hondo wakuwutie-ho iṟumisha Ruwa mkonu fo yanduo wechiambuya mawuto halya hanu mecha.

1PETRO 2:5

Na wudo nanyo mui maho hai na moo muhende iwiko mba ikeri Mumuyo ya wukohanyi wuele wodambikya-ho shidaso sha kimumuyo shichihiṟie Ruwa kui Yesu Kristo.

1PETRO 4:10

Muwe mochipfuṟukanyana muwenyi na wenyi orio mndu ose kui kisumbo kya wutonga ameinengo nyi Ruwa, mui waiṟichi wecha weiṟichya-ho wutonga wo Ruwa wui-wuhawie-ho wo mbaṟi ii na ii.

1PETRO 4:16

Indi kokoya ailiso wukiwa kipfa ai mkristo nalaṟeenze indi nawikye Ruwa kiṟumi kui rina lyo.

1PETRO 5:11

Woke nyi wukolonyi wu wokaa mlungana. Amenyi.

YUDA 1:25

Nyio Ruwa amonyi molukiṟa so kui Yesu Kristo. Mndumii odu. Wuitoṟi nyi woke na wunene na pfinya na wukolonyi na wudedi wuweipfo maheri halawendewiko wuipfo, na ha wulalu wochikaa wudo maheri hose halunganyi. Amenyi.