1PETRO 4:1 - Bibilia Kui Mdedie fo Kimochi

¹ Wulalu ili Kristo amaa iwawyo kimbihu nanyo kimuwaṟi muṟae shisha muhie kimu nao. Kipfa mndu amerohyo nyamenyi awodese kita na wanyamaṟi-pfo.

1PETRO 4:1 ပူးပေါင်းရင်းမြစ်များ

YESAYA 1:16

Kusanjenyi, kuilishenyi; kuatuonyi wuwicho wo mawuto hanu, wukae kuleshe nanyo; lehanenyi na mawicho;

EZEKIELI 16:41

Wandu wo wechihenda ikoṟa mba tsapfo na ikukapa oshangunyi lo waka sa wafoi, na inyi njehenda ikuima piu mkao fopfo fo wuseṟeṟi na mkao foinenga wasoṟo heleri tsewatsutsuma.

MARIKO 3:3

Nao Yesu kawia mndu ulya akachukye owoko, “Kure nokucheie na a makidi hawi.”

WAROMA 6:11

Nanyo na wudo kewekuitalenyi mui wandu wawewiia wunyamaṟi wapfu, na moo muwode nyi mukuwodye nafo Kristo-hu Yesu mochipfuṟukanya nafo Ruwa.

WAROMA 6:2

So lukamaa iwiia wunyamaṟi wapfu, nyi wuda luwuye-se ikaa nawo lingi ngesa?

WAROMA 6:7

Kyamba alyando mndu o wandu amhenda ipfa nyi aimdumbwo mwaanya fonyamaṟa.

WAGALATIA 2:20

Wulalu-le chio inyi njikukerye-se na moopfo, kya indi mokaa na moo kui mbikye foko nyio Kristo. Moo fu fo nyamenyi njikikeri-se nafo njifurie njikuwode na Mana o Ruwa nao nyio anjikundi katana akudambikya opfunyi enkaya-pfo inyi.

WAGALATIA 5:24

Indi iwa wai wa Kristo Yesu wo wekekapya shii nyama shawo msalabeny hamu na wulang'a na wulanga.

WAEFESO 6:13

Nkyo kimaduma muṟae shisha sha Ruwa shose, kundu muidime ikuhoda mkonu fulya fo kiwi, mukamaa iinutsya shose mukie-ho mochihoṟoka.

NGUMBUO YA MAWAWASO 27:10

Ko ikyo mochiindia ṟu lya Mndumii-Ruwa, Ruwa onu, mochiosha mawawaso hake na isho akundi sa njikeri imuwawasa inu.”

WAFILIPI 2:5

Muwe mokumbuo kimu na kilya kiwewode Kristo Yesu.

WAEBRANIA 12:3

Keringenyi-ng'u wo ichu alekukarishia wulemi wulya wo wanyamaṟi walya wolemana nao amonyi, kundu mulahende ilemo, mrima yanu ilalolome.

WAEBRANIA 4:10

Kyamba moangya ipfo kundu kuwode olele loke nyio aonyonya kya mawuto hake chando Ruwa aleonyonya kya halya hai hake.

1PETRO 2:21

Isho nsho muiwalahie; kipfa nao Kristo alewawiṟo kipfa kyanu kamdea mtaato mpfunge kundu muoshe njayo tsake.

1PETRO 3:18

Kipfa nao Kristo alepfa limu kipfa kya manyamaṟo hadu. Ichu asumhanyi alekaya walasumhanyi kundu naluduo ko Ruwa alewoho kui nyama indi kawewanzio moo kui mumuyo.