1PETRO 3:4 - Bibilia Kui Mdedie fo Kimochi

⁴ Kya indi wuwe wo mndu o mrima achia ora lo kya mba aṟee wuchopi wu wulechisia wo mumuyo mhoo fupfudie, nyifo fui na kiweṟe oshangunyi lo Ruwa.

1PETRO 3:4 ပူးပေါင်းရင်းမြစ်များ

SHIIMBO SHA DAWIDI 131:2

Kya lohi njileonyonyisha mrima foko, na ifuwia futsie ndiṟi. Cha mana aledumbutsio kipetehu kya mae, cha mana aledumbutsio; nyi wudo mrima foko fui kiidi kyako.

SHIIMBO SHA DAWIDI 147:6

Mndumii nekeṟihika wai wahoo, nekeolotsa wanda wawode wutimbiri.

SHIIMBO SHA DAWIDI 149:4

Cha kipfa Mndumii naidikianyi na wandu wake, Nekechopa wahoo ko wuwinzi.

SHIIMBO SHA DAWIDI 25:9

Wenyi wuhoo nechiwaashuo mondunyi, Wahoo nawaloshe njia tsake.

SHIIMBO SHA DAWIDI 45:13

Mana o waka o mangi nyi mba ai nyiaichuo wusuṟi pacha! Maṟao hake nyi ha ndusu tsa sahabu.

SHIIMBO SHA DAWIDI 51:6

Ambuya nyokechihiṟo nyi wukiilohi wo mrimenyi. Iyo nyochinjikumbuṟa wuṟango kui kiṟika,

YESAYA 11:4

indi kui wukiilohi nechianduya wakiwa, nechiwawasa wekunyiiṟa wa wuyana kui wuele; nechikapa wuyana kui ndichi ya dumbu lyake, na kui mṟufu fo dumbu lyake nechiwaha wawicho.

YESAYA 29:19

Walya wakunyiiṟie wo wechiengeṟa sia yawo kiidi kya Mndumii, na wakiwa kiidi kya wandu wechichihiyo kiidi kya Mwele o Israeli.

YESAYA 57:15

Kipfa ichu ai huye amng'anyishe, mokaa mlungana; ichu amlahe Mwele nahamba adi, “Njekekaa handu hakuirie, haele, hamu na ichu akunyiiṟie mrima na idumbuya, kundu njiṟutse ngoo tsa walya wakunyiiṟie na mrima ya walya waledumbuya.”

YESAYA 61:1

Mumuyo fo Mndumii-Ruwa fui huye yako; kipfa Mndumii amenjishimbuo, njiongoye wakunyiiṟie mbonyi njicha; nanjidumie kundu njichiṟe walya waluo wose na walya wahutsie macha ha ikiṟo, iongoya wapfunge kya ilekio na walya walewado shidenyi kya iwihiṟo kowo.

YEREMIA 51:59

Maka fo kana fo wuitoṟi wo mangi Sedekia nalehenda Babeli kimu na mnene o oshari loke elaho nyi Seraya mana o Neria na mchuku o Maseya. Kipfa kya mwanya fo, inyi Yeremia njileinengia Seraya ndumi.

MATAYO 11:29

Kekudikenyi ngada njioke nyi inyi muche kuloshyo nyi inyi! Kyamba inyi nyi mhoo njikeri na mokunyinyiṟa kui mrima. Naho mochiwona koonyonya ko mrima yanu.

MATAYO 21:5

Ambuya, mangi yapfo nyi ikuchea na kopfo ai, amoloru ambawe nyi nzoi na ihache lii imana lya indo lyekudika.”

MATAYO 23:26

Iyo Mfarisayo kui mndu a mpfu meso! Kesonguo isanja sha ipfo kiidi kya kirahu na kitela na ora lo patehu kundu luwewa nyi luusanje.

MATAYO 5:5

Nanga iwo wai wahoo, cha kifa nyiwo wechikaa wakudaae oruka luwawiie kyoṟa kyawo.

LUKA 11:40

Mui matondo, alae chi ichu mowuta sha kya-nja ekewuta na sha kya-mba?

LUKA 16:15

Kyasia Wafarisayo walya waicho wado nawo nyiwe-wandu wawelangie mnu mapesa, wakakutsinyia kyake. Nao kawawia, ‘Nyo nyi mokekuhaluo wecha wasumhanyi oshangunyi lo wandu muwenyi, kyaindi Ruwa nyio aichi ngoo tsanu; cha-kipfa wutumbe wo ki-wandu nyi kindo kisuikie ko Ruwa.’

WAROMA 1:23

Wusuṟi wu wo Ruwa alechisia wo wakawuilacha na mfano fofanana na mndu o wandu ekesia na fo malehe na fo mando na fo shindo shekekupupurwo.

WAROMA 2:29

Kya indi sa ai Myuda o lohi nyi ichu akukerye adi Myuda kya mba na odino nyi lukukerye ipfo kundo ngoo iinjitsane. Likawa kui Mumuyo likawewa kui mweke fo iwawaso. Na mndu ai adi kiichiko kyake ewikyo kiwukye ko wandupfo shila nyi ko Ruwa amonyi.

WAROMA 6:6

Kilya lukiichi kikeri kiile; ke wumndu wodu lui-wawike nawo, wo womaa ihenda ikapyo msalabe-hu kimu nao kundu mbihu-fu fuichiwie inyamaṟa fudi fuhende irumara so lulakisingye-se wunyamaṟi.

WAROMA 7:22

Kyamba njichihianyi na wuwawaso wo Ruwa kui wumndu woko wo kyamba.

2 WAKORINTO 10:1

Nao inyi Paulo ili njiimhambe wai ke ipfo oshangunyi njimkerye mmamiri indi ngamuwia ngolohoda ngamshika aleshe, nyi njikuwode na wuhoo na wuwongoya wo Kristo njemtutuma.

2 WAKORINTO 4:16

Nkyo kyaenenga lulahenda ilemo, kya indi kokoya na mbika yadu iwono yahenda inyamaṟika, indi iya ilawono yo yahenda ilawuka mkonu na mkonu.

WAGALATIA 5:23

Kwipfo mawiko hechidekya ishi shikeri shidipfo.

WAEFESO 4:2

Mchumie fu fuwade ikunyiṟa lyose na woloṟu wose na mununyie fose mochidaṟana muwenyi na wenyi kui kikunda.

WAKOLOSE 3:12

Nanyo ili mui wasambuṟe wa Ruwa waele na wakunde wake Ruwikyenyi wucha woichio mndu wukiwa kui ngoo na wukesi, wo oshangu na ikunyiṟa na wuhoo na woloṟu.

WAKOLOSE 3:3

Cha kipfa nyo mompfa na moo fonu fui mṟike kimu na Kristo ipfo ko Ruwa.

1WATESALONYIKYE 4:11

Muwe mowinya-ho kiṟumi kyanu mochipfirilia na ipfuṟukanya shilya shanu na iṟunda na mawoko hanu hamenyi, chando lulembawasya.

2WATESALONYIKYE 3:12

Iwo wai wado nyi lowawawasa na iwatutuma kui Mndumii Yesu Kristo ke waṟunde ṟunda wechikutsia walye kelya kyawo wa wenyi.

1TIMOTEO 2:2

Muweterewia wamangi na wanene wose kundu moo fodu fudamie necha fui na olele wyoo fo wutechi na wusalari.

2TIMOTEO 2:25

Echidedya kiomboho walya walehanyi nao kulako Ruwa echiwailachia mhie nawaenenge idumbuya na imanya kii-wulohi wawuye isanjika mdo.

TITO 3:2

Walarumane na mndu, wakae walawode mondu, wawiṟie mndu owinyi, wawonesye wandu wose wuhoo wuwenyi.

YAKOBO 1:21

Nkyo kimwenenge muhende kuatuo orio ngafu yose na wumbafu wufo wudo.

1PETRO 1:23

Kyamba mui-wafee lya kawi feo lilawukie ndeo echikaa napfe kya indi ipfo ko ndeo elechipfa, nyi kui dedo lya Ruwa lii na moo lyechikaa mlungana.

1PETRO 3:15

Indi Mndumii Kristo nyio mumtane mwele ipfo ngonyi tsanu. Mukae mochikuṟeheṟya itambahaluya orio mndu mowesana nanyo kya owedi ilu lumbode.

1SAMWELI 16:7

Kyaindi Mndumii-Ruwa nalemmbia, “Manya kulaambuye fana yake na wuleshe woke. Inyi ngamleha cha kipfa njekeambuya shindo cha isho wandu wekeambuyapfo. Wandu wekeambuya wucha wo kya nja, kyaindi inyi njekeambuya mrima.”