1PETRO 3:20 - Bibilia Kui Mdedie fo Kimochi

²⁰ Nawo nyiwo wawelemye iidikya mandi halya wuleeli wo Ruwa wuweilelya mfiri iya ya Noe matika isanduku ilya liwekeri itano. Na ipfo kiidi kyalyo nyi wandu sa waangu, wandu nyanya walekiṟo kulya mṟingenyi.

1PETRO 3:20 ပူးပေါင်းရင်းမြစ်များ

MAWOOKIONYI 6:13

Mndumii kawia Noe, “Mtsitsionyi fo orio msa awode mbihu fui oshangunyi loko, kipfa waichuṟa wunesi kunu wuyana; njechiwarumatsa handu hamu na wuyanawu.

MAWOOKIONYI 6:3

Mndumii kahamba; Mumuyo foko fochiwinganase na mndu o wandu manta-pfo; cha kipfa nyi ai nyama; ko ikyo maaka yake yechiwa nyi maaka ihana na makumi hawi (120).

MAWOOKIONYI 6:5

Mndumii kawona wunyamaṟi wo wandu nyi wung'anyi mnu wuyanenyi na orio kindo mndu aikusaṟa mrimenyi foke nyi kiwicho mkonu yose.

MAWOOKIONYI 6:8

Kyaindi Noe kawona osaṟio ko Mndumii-Ruwa.

MAWOOKIONYI 7:13

Mkonu fulya Noe kaida na kulya safinenyi, o na wana wake Shemu, Hamu na Yafeti na mka o Noe, na walyi wa wana waṟaṟu handu hamu nao;

MAWOOKIONYI 8:1

Na Ruwa kakumbuo Noe, na orio kii na moo, na shuma shose shilya shiwei nao kulya safinenyi, Ruwa kawiwita otanu orukenyi mṟinga fukanyia

MAWOOKIONYI 8:18

Nahong'u Noe kawukapfo o na wana wake na mka oke na walyi wa wana handu hamu nao;

YESAYA 30:18

Kui kipfa kya isho Mndumii nechiweda, kundu namusaṟie, na kui kipfa kya isho nechiṟumisho kundu namsaṟie, kipfa Mndumii nyi Ruwa o mwanduye; nanga wose wekemmbeda.

MATAYO 7:14

Na wudo kuipfo kichumi kya kiṟoṟowo na njia nyi njisise, nayo nyi yekooya moonyi na wandu wechiiwona nyi-sa waangu.”

LUKA 12:32

“Ma mlawone mochiowuo nyo poo itutu; kipfa nyi kilechihia Ndeyanu imuinengia-nyio wumangi-wu.

MAWUTO HA WASU 2:41

Na walya waleambya idedo lyake na sia wakapatiso. Mfiri fulya kukaengeṟyo-ho wandu washika shiku shiṟaṟu.

WAROMA 9:22

Indi Ruwa narie imanyishya shihia shilya shimpfulutsya nyashi tuuke yake, na iloṟa-ho kilya akuidimye nyi ashilelye na wuleeli wung'anyi ma shishitsye ihenda rumatso.

WAEFESO 5:26

Kundu naitane njele echiihaṟamisha kisambyonyi kilya kya mṟinga furianyi na idedo.

WAEBRANIA 11:7

Nyi wuidiki wuleenenga Noe amepeesuyo shindo shilawendewoneka kawa mwikimbe esungusia sanduku lilya ling'anyi liwe kyekiṟa wa mba yake kawewonya na mweke fowo wuyana wu owingo kaweioṟa wusumhanyi wuoshanyi na wuidiki.

1PETRO 1:22

Mukamaa isanjika mrimenyi yanu kui wuhoyi wo ihoya kilya kii lohi kyemwinenga ikundana na wanawawama lilakulembetseṟye muwe mochikundana mnu necha nyo muwenyi na wenyi kui mrima fose.

1PETRO 1:9

Kipfa mochikudaya kilya wuidiki wonu wuṟungye na ipfo nyilo okiio lo mrima yo yanu.

1PETRO 2:25

Kyamba muwei waṟahi-ṟahi indi wulalu momekuhalukya Mlisi chu ai moambuya mrima yanu.

1PETRO 3:19

Ili awei adi kahenda ko mumuyo iya ikeri kipfungyonyi kawaongoya ndumi.

1PETRO 4:19

Nkyo kimaduma iwo waiwawiṟo kui wuitiki wo Ruwa wadambikye mrima yawo mtsanyi chu mhendeli wechiwuta kilya kii kicha.

2PETRO 2:5

Manya Ruwa alesaṟia wuyana wulya wo mboko-pfo, indi naleende mfu fung'anyi kulya orukenyi lo wandu walempiṟa. Indi nyi Noe mwongoyi o wusumuhanyi na walya wake mfungade Ruwa nalewakiṟa kechiendye wuyana wo walemeshi mfu fulya fowarumatsa.

2PETRO 3:15

Kimuwaṟi muwone na wuleeli wo Mndumii odu muwuhendelye womwendie okiio chando na manowama odu mkunde Paulo amaa imṟehya kui wuṟango wulya alesumbo nyi Ruwa.