1PETRO 3:11 - Bibilia Kui Mdedie fo Kimochi

¹¹ Nadiche mawicho nahende iwuta kii kicha. Nawe mopfula ofoṟo na iluwingya.

1PETRO 3:11 ပူးပေါင်းရင်းမြစ်များ

YOBU 1:1

Kuwewode mndu umu o oruka lo Usi, rina lyake nyi Yobu. Mndu chu nawei o wusumhanyi, naweowoye Ruwa kakuletsanatsana mawicho.

YOBU 2:3

Mndumii-Ruwa kawia Satana, “Kofia na uichi Mṟundi oko elaho nyi Yobu. O nyi mndu mhoṟotsu, aowoye Ruwa na ikushowa na orio mbaṟi yose ya wuwicho. O nambanzi kiidi kya wuindi na chandu ulemkumba koko kundu njimrumatse kya wulya kulawode tewe.”

YOBU 28:28

Kiidima kawia mndu o wandu, Ambuya iindia Mndumii nyiwo wulaanyi, na ikuṟisa na wuwicho nyikyo imanya.”

SHIIMBO SHA DAWIDI 125:4

Hoi Mndumii, kewutia mecha walya wecha, na wawode ulalutsu wo mrima.

SHIIMBO SHA DAWIDI 34:14

Da mawicho na uwute mecha, shiha ofoṟo nolulatie.

SHIIMBO SHA DAWIDI 37:27

Kuṟise na owicho, uwuta mecha, na ikaa tane mlungana.

MFANANO 16:17

Njia njinene ya mndu o wusumhanyi nyi ilekana na mawicho; Ichu mowada njia yake nyi aringa moo foke.

MFANANO 16:6

Kui osaṟio na lohi wuwicho wochisanjo; Kui iindia Mndumii wandu wechikuṟisa na wuwicho.

MFANANO 3:7

Ulawe meenyi wulaanyi mesonyi hapfo, Idikia Ruwa nodiche wuwicho.

MATAYO 5:45

Nanyo kundu mukuwie wana wa Nde-anu o ipfo ruwehu, kipfa o nyi ekedosa mnengeṟi foke fukawaaya ichu mbicho na ichu mcha, na mvuo yake kaweolotsya ko ichu o wusumhanyi na ko ichu alai o wusumhanyi.

MATAYO 5:9

Nanga iwo wechiitsa-pfo ofoṟo, cha kipfa nyiwo weka wasendo nyi wana wa Ruwa.

MATAYO 6:13

Ma ulaluduo kitewionyi indi ulukiṟe shindo shiwicho!

MARIKO 14:7

Kipfa wandu wakiwa mui nawo mfiri yose, mkakunda na moidima iwawutya necha, kyaindi kyako inyi mokaa na inyi mfiri yosepfo.

LUKA 1:79

Hahende waaya walya wadamie meemenyi na maṟishenyi ha opfu; kundu madende hadu hahende isumuhantsyo ipfo njiehu ya ofoṟo.”

LUKA 6:35

Kyaindi kundenyi wakituwa wanu, muwewawutia na mecha, muakuye mulakundi iwihiṟio-se kindo; mukawuta mudo nlyodo woṟunda wonu wochifo, nanyo nyi mochiwa wana wa ulya ai huye ya shose; kipfa o nyi aololye wandu wechimwana na walya wawicho.

LUKA 6:9

Kyasia Yesu kawawia, “Nyi njiimbesa-wo ke, na kisumhanyi iwuta shicha ang'u shiwicho ili lya Sabato? Ikiṟa moo ang'u ifudetsa ngesa?”

YOHANE 17:15

Chi ngawaterewya kopfo kundu uwawute kunu wuyanapfo. Indi ngawaterewya kopfo uwaringe wakie ichu mbicho.

WAROMA 12:18

Kokoya kyewa-ho kui pfinya yo nyo murie, kewadienying'u wandu wose ofoṟo.

WAROMA 14:17

Kyamba Wumangi wo Ruwa chi wukeri mlie na mnyoepfo, kya indi nyi wukeri wuhoṟotsu na ofoṟo na wukesi wokuṟamkya-ho kui Mumuyo Mwele.

WAROMA 14:19

Ili nyi wudo kii luwingye isho shiende ofoṟo na isho shepfungana so luwenyi na wenyi.

WAROMA 5:1

Kyasia ili lui-watane ludi wahoṟotsu na mweke fo wuidiki nyi luwode ofoṟo lo ko Ruwa lui-uwikeho nyi Yesu Kristo Mndumii odu.

WAROMA 7:19

Kyamba iki kisumhanyi njikikundi chiikyo njekewutapfo, kya indi ikyo kiwicho njisuo nyikyo sa njekewuta.

WAROMA 7:21

Ili kii kido nyi ngatamuo imanya ke ili njii-ho mokunda iwuta kii kicha nyi kwiho monjichilia, nyikyo kiwicho kilya kiwodanyi na inyi.

WAROMA 8:6

Kyamba shilya nyama-tso tsekekuelengya, nyi shiduo opfunyi, indi shilya Mumuyo fokekuelengya sho shiwika moo na ofoṟo.

WAGALATIA 5:22

Indi iki Mumuyo awikye nyi kikeri kiile, nyi mkundie, msiha, ofoṟo, wuhoo wung'anyi, wulalutsu wo kyamu, wucha wo mrima, wusalari, woloru, ikusanza lya mrima.

WAGALATIA 6:10

Kyasia ili luise na mwaanya luhende iwutya wandu wose kilya kii kicha, indi kilya kya mwengeṟya nyi lochiwutia walya wawadanyi na Kristo hamu naso.

WAKOLOSE 3:15

Na ofoṟo lo Kristo luchilie ngoo tsanu, ilu mui walahie kyalo muwe mbihu fumu. Nkyo kimnenge mochimwaana.

1TIMOTEO 6:18

Wawe wechisumba, wafeṟe mfeṟa fo mawuto mecha, wawe makitomoka wakundi ilekia.

WAEBRANIA 12:14

Wingyenyi hamu na wose ikaa na ofoṟo na wuilisho, kipfa kulaipfo echiwona Mndumii alai mwilishe.

WAEBRANIA 13:16

Indi mulahadime ilekia na ihawya wengi, kyamba njodambiko tsa mbaṟi ii tsichihiṟye Ruwa.

YAKOBO 4:17

Kyasia mndu kamanya kilya kii kicha kyewuta nao ada aleekiwuta, nakyo kyechimbiia wunyamaṟi.

1PETRO 3:12

Kipfa meso ha Mndumii nyi haiambuya walya wasumhanyi na madu hake haiadanyia shiterewo shawo. Indi oshangu lo Mndumii luichihie ko walya wewuta mawicho-pfo.”

3YOHANE 1:11

Mkunde oko, kulaoshe kilya kii kiwicho kya indi kilya kii kicha. Mowuta kii kicha nyio apaṟikye ko Ruwa. Mowuta kii kiwicho o alembone Ruwapfo.

WACHILI 11:14

Yeftha kadika se ndumi ko mangi o Amoni