1PETRO 3:1 - Bibilia Kui Mdedie fo Kimochi

¹ Nyo waka kuwikyenyi shi ya wamii wanu. Ma kokoya waipfo wasoṟo walasoṟa idedo lya Ruwa, wahende iliidikia kipfa kya mkao yo yanu mcha. Ma chi kui madedo-pfo.

1PETRO 3:1 ပူးပေါင်းရင်းမြစ်များ

MAWOOKIONYI 3:16

Kawia mka ulya, “Njechikufeṟia mawawio hapfo, ochiendio wana kui mawawio; na ilanga lyapfo nochilanga mii opfo, nao nawe mokuitoṟia.”

MFANANO 11:30

Shilimu sha mndu mcha nyi ikidi lya moo; Na mndu mṟango nekekuruo mrima ya wandu.

MFANANO 18:19

Manowama alesuo nyi ai muumu kota mṟi fo pfinya; Na marekyano cha wuimi wo omombo.

MATAYO 18:15

“Indi kokoya manomayo akunyamaṟye na iyo uhende umhoṟye deko lyake mukeri-ho nyo nao muwawi. Kokoya kekwadanya hoo nyi okuwonya manomayo.

WAROMA 10:16

Kya indi chi wose waleambia Ndumi ya Siapfo. Kyamba Yesaya ahambye, “Hoi Mndumii, nyio-wu aleidikya ndumi yadu?”

WAROMA 6:17

Indi Ruwa nawikyo mwaano kipfa muwesia ikaa masinga ha wunyamaṟi mukashika yanguya madu mateteṟa-chu mompfunda muiwadambikye koke mukuwode-ho na mrima msanze.

WAROMA 7:2

Kyamba mndu mka amwalikyo mii nyi apfungyo mii nyi wuwawaso ili mandi mii aiho na moo hose; kya indi mii chu kamekupfia, mka-cho amuitoki ye-se nyi wuwawaso womfungya miicho-pfo.

1 WAKORINTO 11:3

Kya indi njikundi mumanye ke mdo fo orio mndumii nyi Kristo, na mdo fo mka nyi mii, na mdo fo Kristo nyi Ruwa.

1 WAKORINTO 14:34

Kiwe chando kikeri ipfo siṟinyi tsa waele tsose ke waka watsie ipfo shisanzyonyi sha siṟi, kyamba walai-waenenge momu fodeda kya indi wawe wenyi-wuindi chando nawo wuwawaso wohamba.

1 WAKORINTO 7:16

Cha kipfa nyi uichi kuda, iyo mka, koka ochikiṟa miopfo? Ang'u iyo mndumiinyi uichi kuda kokoya ochikiṟa mka opfo?

WAEFESO 5:33

Nanyo-da kimuwaṟi kui mndu kui mndu orio ose nakunde ado mka oke cha ili akukundi amonyi. Indi mka nahende yowuo mii.

WAKOLOSE 3:18

Nyo waka, kuwikenyi shi ya wamii wanu kipfa chando kiwaṟi kisumhanye chando Mndumii akundi.

WAKOLOSE 4:5

Chumienyi mochikaya walya walaidikie kui wuṟango muikurohya na orio mwaanya muwode.

2WATESALONYIKYE 1:8

Na olewo lo modo fochiaka pala echidehelya walya walehye Ruwa walaweanguya Ndumi ya Sia ya Mndumii odu Yesu madu.

WAEBRANIA 11:8

Nyi wuidiki wukaenenga Abrahamu ilindi amshikahenda ilaho aleleshyaho madu kesamya hando hawei hateṟie hembia kyoṟa, kahenda isama kulawode aweichi handu halya heshika-ho.

WAEBRANIA 5:9

Ili alemaa yawutsio adi, lyo likamtana moendie iwa wamwidikye okiio lo mlungana wose.

1PETRO 1:22

Mukamaa isanjika mrimenyi yanu kui wuhoyi wo ihoya kilya kii lohi kyemwinenga ikundana na wanawawama lilakulembetseṟye muwe mochikundana mnu necha nyo muwenyi na wenyi kui mrima fose.

1PETRO 3:2

Wechiambuya mchumie fonu mkeha mui na wuowuo woowu Ruwa.

1PETRO 3:7

Na wudo, nyo womi mukae na waka wanu kui imanya ke mka ai msangi mfafa kota mii mochiwawikya wuindi kyamba nawo wechiduo kyoṟa kya moo fuu-mbike-ho nyi Ruwa kui wutonga. Kundu shiterewo shanu shilakoye-pfo tunja.

1PETRO 4:17

Kyamba heri lyamshika lyewokia yanduo mondu liwookie ipfo na wana wa Ruwa. Indi kokoya fuwoke kodu so nyi kyechiwa kida ko walya walaidikye Ndumi ya Sia ya Ruwa?