1PETRO 2:7 - Bibilia Kui Mdedie fo Kimochi

⁷ Wulalu kyanu nyo mui waidiki nyi lya wuhuru wung'anyi, nyi wuindi, indi walya walaidikye kyawo, “Nyi lyo iho wewika mba walelileha nalyo lyamba iho lisonguo ipfo ndumbenyi.

1PETRO 2:7 ပူးပေါင်းရင်းမြစ်များ

YESAYA 28:5

Mkonufo Ruwa menyi Matoṟito nyechiwa ambo ya kiṟumi; cha kilemba kikicha ko wandu wake iwo watsuhae wai na moo.

HAGAI 2:7

njesingitsa wandu wa mkambo yose na shindo shilya shishilange mnu nyi mkamboya wandu shechicha na inyi njilawuo kiṟumi kya mba-i, Mndumii Menyi matorito ahamba.

ZEKARIA 4:7

Iyo nyui fumvu ling'anyi? Oshangunyi lo Zerubabeli nyi ochiwa oruka luramiri, nao nechiende iho lilya lyewika huye handu hamu na ngululu tsa osaṟio, osaṟio loke lukukae.

MATAYO 21:42

Kyasia Yesu kawawia, ‘A ipfo shiṟehyonyi mlelemanyeho iki kii kihambe-ho ke iho lilya wewika mba waminye lyo nyi lyambuya iwa iho lya ndumba. Dedo-lyi nyi licheye liwuka ipfo ko Mndumii. Likawa nyi lya kiṟiha lya kunu mesonyi hadu.’

LUKA 2:32

Lya ngeela yedambuya wandu wa orio mbaṟi mbonyi; na lya kiṟumi kya wandu wapfo Israeli.”

LUKA 2:34

Na Simeon kawawikia mboṟa, kawia mae oke Maria, “Ichu nyi ambike mohutsa na iira wafoi wa wana wa Israeli; nawewa kichano kyechidedo-dedo wokaṟuo.

LUKA 20:17

Nao kawaambuya wowatuma kahamba, “A idedo-lyo li iṟehie lyehamba, Iho lilya wandu wewika mba walelisuo, nyilyong'u lilewa iho ling'anyi lya ndumbenyi; kimaduma kya idedo-lyo nkiki?”

YOHANE 4:42

Wakawia mka ulya, “Kye lokiidikya-se kimaduma kya kilya uhambie iyopfo. Kyamba nyiso luwenyi lomwicho lukawuta-ho imanya ke ichu nyio lohi ai Mkiṟi mokiṟa wuyana.”

MAWUTO HA WASU 26:19

“Agripa, ikyo kikanenga njilakuhode iidikya kiwonesyo ki kya ruwehu.

WAROMA 10:21

Indi Israeli kaiwia, “Njiwetsinda mkonu fose njechileshia mkambo hako mawoko fulanjiidikie fukawewa mlemeshi.”

WAROMA 15:31

Kundu njihendeletso walemeshi walya wa ipfo Yudaya na osano loko loendye Yerusalemu luhende ichihiana na wandu walya wa Ruwa.

2 WAKORINTO 2:16

Kya iwo wamu m mpfaamo fo opfu fuwaendie opfu, kya iwo wengi mpfamo fo moo fuwaendie moo. A nyiwu asumuhanyi ipfuṟukanya shindo shi ngesa?

WAKOLOSE 2:10

Nanyo mui wafeṟe mfeṟa fo moo fumu nao ichu ai mdo fo orio wuitoṟi na wunene.

TITO 3:3

Kyamba naso ili kacha luwei watahi, wandu wataicho wadetse, luweisingia wulang'a na lango tsa mbaṟi nliwe na nliwe luwehendekie lui na wumbafu na wunyenyi luwesukie lochisuana luwenyi na wenyi.

WAEBRANIA 11:31

Nyi wuidiki wukaenenga Rahabu mka ulya o njia alawesanzo irumatso kimu na walemeshi walya kipfa nyi aleambya wa lokitala walya kui ofoṟo.

WAEBRANIA 4:11

Nakyo kiluitike luwinye ikuangya ipfo hando kuwode olele lulya, kundu ma kulakae-ho echihutso nyi kitewe kya wulemi wulya.

1PETRO 1:8

Nao nyio mumkundi mulalemembone, mumwidikye mulambonyi, nyi mochikapa ngululu muwodo nyi sia ilechiwa ihambo ii-njilishe idi.

1PETRO 2:4

Nyio Mdumii muimchea ai iho lii na moo lii-lyimine nyi wandu; indi lii-isambuṟe nyi Ruwa, lii-iwikye wuindi ipfo koke.

1PETRO 2:8

Kiṟehio kyahambase: Nyilyo iho lya mtulia na piita ya yeolotsa wandu.” Nyi wakukapaho kipfa walaidikia idedo lyo. Nakyo nyi kyawo wai-wateṟye wokia mawokioonyi.