1PETRO 2:5 - Bibilia Kui Mdedie fo Kimochi

⁵ Na wudo nanyo mui maho hai na moo muhende iwiko mba ikeri Mumuyo ya wukohanyi wuele wodambikya-ho shidaso sha kimumuyo shichihiṟie Ruwa kui Yesu Kristo.

1PETRO 2:5 ပူးပေါင်းရင်းမြစ်များ

1WAMANGI 7:11

Na huye kuwewode maho ha wuhuru, maho hetsana, chando kiwaṟi na meresi naawo.

SHIIMBO SHA DAWIDI 141:2

Kiterewo kyako kido kishike oshangunyi lopfo cha opfamo; njechiiria mawoko hako cha kidaso kya kyukanyi.

SHIIMBO SHA DAWIDI 50:14

Inenga Ruwa shidaso sheana; Inutsia kyaasa kyapfo ko icho Ai huye.

SHIIMBO SHA DAWIDI 50:23

Mowuta mwano foana, nyio ekyenjiṟumisha. Na icho mosungusia ohendo loke, nyi njechimloṟa okiṟo lo Ruwa.”

IWUKA 19:6

nanyo mochiwa koko wumangi wo wakohanyi, na mkambo mwele. Iho nyiho madedo ochiwia wana wa Waisraeli.”

MFANANO 9:1

Wuṟango nalewika mba yake, Amepacha ngo tsake mfungade;

YESAYA 61:6

Kyaindi nyo nyi mochilaho nyi, “Wakohanyi wa Mndumii;” wandu wechimlaha nyi wahidi wa Ruwa odu; mochilya wusuṟi wo wandu wa mkambo, na ikuṟumisha kya wuitoṟi wowo.

YESAYA 66:21

Kiidi kyawo njechisambuṟa maata wawe Wakohanyi na maata wawe Walewi. Nyi inyi Mndumii-Ruwa ngahamba.

HOSEA 14:2

“Lanye Waisraeli, wuyenyi na ko Mndumii-Ruwa, Ruwa onu;

MALAKI 1:11

Kipfa wokia madoyenyi ha mnengeṟi mṟasa iolokia lyafo rina lyako ling'anyi masangenyi kose, na orio handu kokoṟo mpfaamo fo rasionyi na shidaso shicha kui rina lyako; kipfa rina lyako ling'anyi shisharinyi shose, Mndumii Menyi Matoṟito ahamba.

WAROMA 12:1

Ngashika aa ngamtutuma-ng'u, wanawawama, njiimwitike nyi osaṟio lu lo Ruwa, ke mudambike mbihu yo yanu iwe kidaso kiele kii na moo kichihianyi na Ruwa; kiwe wuindi wonu wusumhanyi.

WAROMA 15:16

Mumanye ke inyi njii mwongoi o Kristo Yesu a-mdume ko mkambo ya wandu mhenu njiwe mowoongoya Ndumi ya Sia ya Ruwa ya okiio, kundu wa mbaṟi tsingi tsa wandu wawe odambiko luchihianyi na Ruwa lui-uheṟemtse nyi Mumuyo Mwele.

1 WAKORINTO 3:16

Mulaichi ke, nyo nyi hekalu lya Ruwa na ke, Mumuyo mwele ai mokaa nanyo sho?

1 WAKORINTO 3:9

Kyamba so luiṟunda kimu na Ruwa, nyo mui ndonga ya Ruwa, mui wiko lya Ruwa.

1 WAKORINTO 6:19

Ang'u mulaichi ke mbihu fonu nyi fomba hekalu lya Mumuyo Mwele aikaa nanyo, ichu muleinengo nyi Ruwa. Nanyo chi mukeri wanu muwenyipfo.

2 WAKORINTO 6:16

Na maidikyano m maki ha hekalu lya Ruwa na mfano ya maruwa ha wongo? Kyamba so lui hekalu lya Ruwa menyi moo; chando Ruwa ahambye, ke ipfo kowo njechitana kanyi koko njehendekyaho, inyi njechiwawiia Ruwa owo nawo wechinjiwiia mkambo foko.

WAGALATIA 6:10

Kyasia ili luise na mwaanya luhende iwutya wandu wose kilya kii kicha, indi kilya kya mwengeṟya nyi lochiwutia walya wawadanyi na Kristo hamu naso.

NGUMBUO YA MAWAWASO 18:2

Manya walawade kyoṟa ko wana wa mayawo; Mndumii-Ruwa nyio kyoṟa kyawo chando aleteṟia.”

WAFILIPI 1:11

Muwe mui-wasuṟie owiko lo msumhanzie fuu-mbike nyi. Yesu Kristo fowikya Ruwa wuitoṟi na kiṟumi.

WAFILIPI 2:17

Kya indi ma kokoya samu yako yashika ihenda yoolo yechidasyo wuidiki wonu na iwupfuṟukanya na ngachihio ngawechihio hamu nanyo mose.

WAFILIPI 4:18

Na ngambona shose shamba sha mfeṟa. Nyi njilemsuṟyo njido iliindi ngamwambya osano lonu lomendo nyi Epafrodito. Lo opuo lopfama mnu necha, nyilo odambiko lukundikye luchihiana na Ruwa.

WAKOLOSE 3:17

Na orio kindo muiwuta kui ideda ma kui iṟunda mukiwute mochisenda-ho rina lya Yesu Mndumii mowikya Ruwa Wande mwaano na mweke foke.

1TIMOTEO 3:15

Indi kokoya ngakeleo nomanye njia isumuhanyi yekuidya mbenyi ya Ruwa. Nayo nyi siṟi ya Ruwa ichu menyi-mooo, ii ngo iya yekanza kiwulohi.

WAEBRANIA 3:6

Indi Kristo nyi Mana sumuhana na mba ii yake. Mba ii yake nyiso, kokoya lokaa luṟamkie luikuwada tsee na iṟumisha owedo lulya itane lochiawutsio.

1PETRO 2:9

Indi nyo mukeri oshari luu-usambuṟe wamangi wadasi, Wakohanyi wa Mangi wa mkambo fui mwele, wandu wa Ruwa amonyi msanzie fo watale wandu wa Ruwa; kundu muwe mochionguo mawuto mecha ha Ruwa ichu alemlaha ipfo meemenyi kamduo senyi yake iṟihishye idi.

1PETRO 4:11

Kuwode modeda lyo liwe lya mbiia tsa Ruwa, kuwode mopfuṟukanya lyo liwe lyechiwutika kui pfinya ii injiende nyi Ruwa, kundu Ruwa nakuwutie-ho iṟumisho na ishi shose kui Yesu Kristo. O ai menyi wuitoṟi na wukolonyi wochikaa mlungana! Amenyi.

1PETRO 4:17

Kyamba heri lyamshika lyewokia yanduo mondu liwookie ipfo na wana wa Ruwa. Indi kokoya fuwoke kodu so nyi kyechiwa kida ko walya walaidikye Ndumi ya Sia ya Ruwa?

OTAMBAHALUO LO YOHANE 1:6

Kalutana so wumangi wo wukohanyi luṟundie Ruwa Ndee. Wutoṟi nyi wo Yesu Kristo na wukolonyi wo mlungana. Amenyi.

OTAMBAHALUO LO YOHANE 20:6

Iwa wawode nanga na osaṟio iwo wawode kita pfo kiṟukyonyi kya kuwoka. Iwa wai wadi opfu lo kawi lowaidimapfo Kya indi wechiwa wakohanyi wa Ruwa na wa Kristo na wechichilia handu hamu nao maka kiku kimu.

OTAMBAHALUO LO YOHANE 3:12

Walya wechiwinza nyi njechiwamtana ngo tsa ipfo Hekalunyi lya Ruwa oko wechiwukapfo manyalepfo. Na inyi njechirehya huya yawo rina lya Ruwa oko na rina lya mṟi fo Ruwa oko, nyi Yerusalemu iya njihya yechisoka iwukye ipfo ruwehu ko Ruwa oko, Njechiṟehya-ho na rina lyako lilya lihya.

OTAMBAHALUO LO YOHANE 5:10

Kowewatana wawe wumangi na wukohanyi. Wechiṟundia Ruwa odu. Nawo wechiikolonya wanda ii.”