1PETRO 2:4 - Bibilia Kui Mdedie fo Kimochi

⁴ Nyio Mdumii muimchea ai iho lii na moo lii-lyimine nyi wandu; indi lii-isambuṟe nyi Ruwa, lii-iwikye wuindi ipfo koke.

1PETRO 2:4 ပူးပေါင်းရင်းမြစ်များ

YESAYA 28:16

kipfa kya isho Mndumii-Ruwa nahamba adi, “Ambuya ngawika iho kiidi kya Sioni, liwe otende, iho lii liheshe, iho lya ndumbenyi liwode wuhuru, otende lukahari lulechisingida; mwidiki echidima-dimapfo.

YESAYA 42:1

Ambuya mṟundi oko njimhoṟotsie; msambuṟe oko, ichu mrima foko fuifuchihiṟe nyio; njiwikie Mumuyo foko huyake; nyio echianduya wandu wa mkambo.

YESAYA 55:3

Dehenyi madu hanu, na injichea; Njiadanyienyi nanyo mochiwada moo; Inyi njechiwika mkundana fo mlungana, ee, osaṟiyo lo Dawidi luwanzi.

YEREMIA 3:22

Wuyenyi nyo mui wewuta shindo shilachihiṟa, inyi njechichiṟa mawuto hanu mawicho. “Nanyo mohamba, ‘Ambuya locha kopfo; kipfa iyo nyi Mndumii-Ruwa odu.

DANIELI 2:34

Kochiitukuya, kowona iho ling'anyi lilalipaṟe, manya isumo nyi mndu lyikakuṟuka likakapa sanamu iya madende hayo; halya hawei kyenga menya na keenga teri, likaifunjafunja shiteno-teno.

DANIELI 2:45

Na chando kulewewona iho lilya lilekapa na ifunja-funja menya, aṟeṟa, teri, fesa na sahabu iya le mangi; Ruwa chu ang'anyi nyi akunda iloṟa mangi mbonyi tsechikaa tsiwutike ilyi numa; na ndodo i nyi ya kiilohi na mtambahaluye fu nyi fo lohi piu.

ZEKARIA 3:9

Kipfa ambuya iho lyi njileliwika oshangunyi lo Yoshua, iho limu liwode meso mfungade na inyi njechitisiṟa ofano loke, Mndumii Menyi Matorito ahamba, njechiwutaho njonyamaṟo tsa oruka lulya kui mtiṟi fumu.

ZEKARIA 4:7

Iyo nyui fumvu ling'anyi? Oshangunyi lo Zerubabeli nyi ochiwa oruka luramiri, nao nechiende iho lilya lyewika huye handu hamu na ngululu tsa osaṟio, osaṟio loke lukukae.

MATAYO 11:28

Kekucheenyi na koko nyo, mukeri iwina muwei walemye nyi maṟio malemeri; na inyi njimuwihiṟye moo.

MATAYO 12:18

“A ichu msoṟo oko ndesambuṟa, a mkunde nyi inyi, ichu mrima foko fu mchihie nyio. Njechimbikya Mumuyo oko nakae huye yake nao nahende ongoya wandu wa masangenyi mbonyi tsa wusumuhanyi.

MATAYO 21:42

Kyasia Yesu kawawia, ‘A ipfo shiṟehyonyi mlelemanyeho iki kii kihambe-ho ke iho lilya wewika mba waminye lyo nyi lyambuya iwa iho lya ndumba. Dedo-lyi nyi licheye liwuka ipfo ko Mndumii. Likawa nyi lya kiṟiha lya kunu mesonyi hadu.’

YOHANE 14:19

Kutsuhae kiheri sa kyangu wuhana wu wulenjiwona-se. Indi nyo ni mochinjiwona kipfa inyi njii na moo nanyo da mochikaa na moo.

YOHANE 14:6

Adi Yesu kahamba, “Inyi nyiyo njia, lohi na moo. Ma kwipfo msa echishika ko Wande alashitso nyi inyipfo.

YOHANE 5:26

Kyamba chando Wande awode moo fuwukye ipfo kiidi kyake kwenyi nyi wudo da aleinenga Mana ikaa na moo fuwukye ipfo kiidi kyake kwenyi.

YOHANE 5:40

Nanyo ma mulakunde ikuchea na koko kundu muwade moo fulya.”

YOHANE 6:37

Iwo wose Wande amenjienenga wo wechikuchea na koko. Na mndu akuchea na koko njechimfunya njapfo.

YOHANE 6:57

Kikawa chando Wande chu alenjiduma akeri menyi-moo na inyi njii na moo kimaduma kya Wande na wudo da ichu anjilya inyi nyi akaa na moo kimaduma kyako.

WAROMA 5:10

Kyamba kokoya lomhenda yoloṟyo Ruwa kui ipfa lya Mana-chu oke lilyandi luwei kituwenyi, nyi wuda kya ngoseṟa lochikaa luiwaringe ipfo kundo aitsinda na moo ili lui-waoloṟye ludi.

1 WAKORINTO 3:11

Kyamba kulaipfo mndu aidima iwika kiwanja kingi shie nyi kilya kilemmaa iwiko, nyikyo Yesu Kristo.

WAKOLOSE 3:4

Mandi Kristo chu moo fonu echimanyika matika naho mochimanyika nanyo kimu nao wuitoṟinyi.

1PETRO 1:19

Kya indi nyi muiwatalae kui samu iya njiele ya wuhuru ikeri ya ichondi lilafanyi lilai na kitendo, nyio Kristo.

1PETRO 1:7

Kitewe nyi kundu kihesha mwidikye fonu kiende kiṟumi kicha kota kilya kyehesha sahabu iya yechisia nayo yekyemanyisho modonyi, kishikye iwono kyechiende kiichiko na wuitoṟi na kiṟumi mandi halya Yesu Kristo echiwonekya.

1PETRO 2:7

Wulalu kyanu nyo mui waidiki nyi lya wuhuru wung'anyi, nyi wuindi, indi walya walaidikye kyawo, “Nyi lyo iho wewika mba walelileha nalyo lyamba iho lisonguo ipfo ndumbenyi.

2PETRO 1:1

Inyi Simeon Petro njii isinga lya Yesu Kristo na msu oke ngaiṟikiṟa iwa wai-watomoke wuidiki wumu na iwu wodu wuitikisi nawo tichi kui wusumhanyi wo Ruwa chu odu na mkiṟa Yesu Kristo.

2PETRO 1:4

Sho shatewa luinengo shasa sa shing'ianyi shiwode macha, kundu shimtane muwe wa-kita kimu mbika ya ki-Ruwa muweturuchukye odetso luwukye ipfo wulangenyi wo wuyana.