1PETRO 2:2 - Bibilia Kui Mdedie fo Kimochi

² Ili mui cha wanangu wai wafee wulalu mulalakie oseṟi lu lo kimumuyo, lulalulongye wongo, kundu mushike ikoya kui pfinya yalo mkura ya okiio.

1PETRO 2:2 ပူးပေါင်းရင်းမြစ်များ

2SAMWELI 23:5

Nyi kudo Ruwa echiwikia ona wa oshari loko, Ruwa nyi nalewika kyasa kya mlungana na inyi; kyasa ki nyi kya mlungana kilewa ifunjo ma ihaluka. Kiheri kyose nechinjiringa na injiinenga wuwinzi.

YOBU 17:9

Indi mndu o lohi nechichumia njienyi tsake, na awode mecha neengeṟa iwada pfinya.

MFANANO 4:18

Indi njia ya wenyi wusumhanyi ii cha sa iwaa, Ikaweengeṟa iwaa mfiri puti.

HOSEA 14:5

Mndumii-Ruwa nyi ahamba, “Inyi njechisanja madeko hawo, njihende iwakundase ko ikunda lyako, kyamba njechiwasuo se pfo.

HOSEA 14:7

Maṟunda hawo hechioṟa na ilandaa, wucha wowo nyi wochiwa cha wo mizeituni, mpfaamo fowo nyi fochiwa cha fo shiwaṟo sha Lebanoni.

HOSEA 6:3

Ko ikyo lumanye, luweengeṟa imanya Mndumii-Ruwa, icha lyake nyi lii lya lohi, cha icha lya mkonu, ambuya nyi echilucheya, cha mataṟataṟa ha mvuo, chandu mvuo ya kisie yekenosa oruka.

MALAKI 4:2

Kyaindi nyo mukeri india rina lyako, mnengeṟi fo ona fochimuchea, fochiidima imuchiṟa; nyo mochicha na nja na itoola-toola cha shidahina sha mfiṟihenyi.

MATAYO 18:3

Kahamba, “Na kya lohi ngambia, ‘Mukada mulahaluka’ mukawa cha shiwana ma mochikoya wumangi wo ruwehu muide naho-pfo.

MATAYO 19:14

Yesu kawawia, “Kelekenyi shiwana shi ma mlashiime shecha na koko. Cha kipfa wandu wai wado chasho nyiwo wumangi wo ruwehu woewa wowo.”

MARIKO 10:15

Nyi kya lohi ngambia. Mndu ada alaambya wumangi wo Ruwa ai cha kimana, echiida naho-pfo.”

LUKA 18:17

Nyi kya lohi ngamuwia, ‘Mndu alaambia wumangi wo Ruwa ai cha mana nechishika-pfopfo.’”

WAROMA 6:4

Kikawa kido nyi lui-waṟike kimu nao opfunyi kulya kui wupatiso kundu chando Kristo aleweṟutso wapfunyi kui wuitoṟi wo Wande na wudo so lukae-ho lochihendekya luirie moo mhya.

1 WAKORINTO 14:20

Wanawawama, ma mulawone mochiwa wana kui wutichi wotichia mbonyi muwe wandu watimye.

WAEFESO 2:21

Nyio ai mopfunga mbika ya mba yose yechingana ikeri hekalu yele kui Mndumii.

WAEFESO 4:15

Indi ludede kilya kii lohi lui na kikunda lochikualukia kya shindo shose ipfo mndu-hu ichu umu-ho akeri mdo, nyio Kristo.

2WATESALONYIKYE 1:3

Wanawawama, nyi kiluwaṟi iana Ruwa kiheri kyose kipfa kyanu. Na wudo kisumhanyi kipfa kya wuidiki wu wonu wong'ana mnu na kikunda kilya mukundanyi nakyo kikaingiki mnu kya orio mndu onu mose.

1PETRO 1:23

Kyamba mui-wafee lya kawi feo lilawukie ndeo echikaa napfe kya indi ipfo ko ndeo elechipfa, nyi kui dedo lya Ruwa lii na moo lyechikaa mlungana.

2PETRO 3:18

Kya indi muhende ikung'anya ipfo kiidi kya wutonga na wulaanyi womanya Mndumii odu Mkiṟi Yesu Kristo. Wuitoṟi wui woke mandi ha wulalu shika mfiri fo mlungana. Amenyi.