1PETRO 2:16 - Bibilia Kui Mdedie fo Kimochi

¹⁶ Mui wekuachia muwenyi. Ma mulawone mochiwada ikuachia lyo liwe lyeṟikya-ho wumbafu, indi mukae nalyo mui masinga ha Ruwa.

1PETRO 2:16 ပူးပေါင်းရင်းမြစ်များ

MATAYO 23:13

“Ochia lonu nyo walosha wa mawawaso na Wafarisayo mui makulembetseṟe. Nyi ilindi mokepfunga mongo fo wumangi wo ruwehu sumhana na oshangunyi lo wandu. Nanyo ma mlechiida napfo ma wandu wawechiida napfo mlawalekye waide napfo. [

YOHANE 15:22

Kima njilawemche na ideda nawo wawehoyo owingo lo wuyamaṟipfo. Indi wulalu wakuwonya mweeke fokuwuta owingo lu lowopfo.

WAROMA 6:18

Indi mlewuto wusingenyi wo wunyamaṟi nyi musingye wuhoṟotsu wu.

WAROMA 6:22

Indi wulalu ili momeletso na wunyamaṟi mukatano masinga ha Ruwa; nyi muwode-ng'u kiira wulalu kimwendie iilisho na kiheṟi kyefurumia nyi moo fo mlungana.

1 WAKORINTO 7:22

Kyamba ichu amhenda ilahyo Mndumii ai isinga nyi amba mtalae o Mndumii. Na wudo ichu amelaho ai makuachia nyi awewiia Kristo isinga.

WAGALATIA 5:1

Kristo ameluashuo wusingenyi kundu lukuachie ikuachia lya lohi. Kyo kimwenenge mukuhode, mulakilekie muwuye ipfungyo-se kilamyonyi kya wusinga.

WAGALATIA 5:13

Nyo mui walahe kundu mochikuachia muwenyi, wanawawama. Ikuachia lyo manya lilawe lyewikya mbaṟi ya kii nyama pfinya, kya indi muhoneryane muwenyi na wenyi mochikundana.

WAEFESO 6:6

Mulakae na wuindi woringa meso ha mndu cha ili mokunda ichihiana na wandu, indi cha masinga ha Kristo mochiwuta kui mrima kilya Ruwa akundi.

WAKOLOSE 3:24

Mochimanya ke mochiambya wueri wuwukie ko Mndumii, nawo nyi kyoṟa kilya. Ṟundienyi Kristo Mndumii!

1WATESALONYIKYE 2:5

Kipfa lulekupaya-ho na idedo lya ikulopa na wandu ma indipfo, ikyo mwichi, manya na iitsa-ho mweke fo wuehi, Ruwa ai mongochi.

YAKOBO 1:25

Indi ichu alekulemya wuwawaso-hu wu wusumhanye njora tsose iwu wo ikuachia, o awa mokaika kechiwuambuya, alai moadanya kya ihadima indi ai mtanyi motana kindo lohi-nyio echiwa mosumbo sia ipfo mbutienyi yake.

YAKOBO 2:12

Ikyo muideda na wudo kiwe na ikyo muiwuta na wudo kiwewa mui wandu wakunda idumbuyo na meke fo wuwawaso wo ikuachia.

2PETRO 2:19

Wekewateṟya ikuachia, nawo wawenyi wai masinga ha wunyamaṟi. Kyamba mndu nai isinga lya ikyo kyose kimchilie.

YUDA 1:4

Kyamba kuipfo wandu walaichi Ruwa walekuṟoṟokuya kunu siṟinyi, nawo nyiwo ko kiira kya mkao yawo njiwicho walemsonguo iṟehyo mdumbuye yawo kacha nyiyo iile, ke nyi walemeshi wekepfuluo-pfuluo wutonga-wu wo Ruwa odu kui wulala wowo, wakeri ileha ichu ai mnene odu amonyi nyio Mndumii odu Yesu Kristo.