1PETRO 1:22 - Bibilia Kui Mdedie fo Kimochi

²² Mukamaa isanjika mrimenyi yanu kui wuhoyi wo ihoya kilya kii lohi kyemwinenga ikundana na wanawawama lilakulembetseṟye muwe mochikundana mnu necha nyo muwenyi na wenyi kui mrima fose.

1PETRO 1:22 ပူးပေါင်းရင်းမြစ်များ

YOHANE 15:17

Iki ngambawasa nyi kiile, kekundanenyi muwenyi na wenyi.

YOHANE 15:3

Nyo mulemba watsane kui mweeke fo idedo lyo njilemuwia.

YOHANE 17:17

Uwatane waele wafane wukilohi wulya. Idedo lyapfo lyong'u likeri wukilohi wulya.

YOHANE 17:19

Nyi kimaduma kyawo ngakutana mwele inyi kundu nawo da wahende itano waele kui wukilohi wulya.”

MAWUTO HA WASU 15:9

Manya alewika-ho mletsano kiidi kyadu so nawopfo kaweheṟemtsa ngoo tsawo kui mwidikye.

MAWUTO HA WASU 6:7

Nahong'u idedo lya Ruwa likadung'ana, mtalie fo wa kiloshyonyi fukapfumbuka mnu kulya Yerusalemu, na wakohanyi wafoi wakahaluka wechiidikya.

WAROMA 1:5

Nao nyio alelusaṟya kaluinenga wudumi wohendelishya rina lyo lyake wuidiki ipfo mkambonyi ya wandu yose.

WAROMA 2:8

Indi iwo wengi wawode ikukunda walaidikie kilya kiilohi indi wakaidikia mawicho wo wechihoyo nyashi na tuuke ya Ruwa.

WAROMA 8:13

Kyamba kokooya mokapya moo mui-waitike nyi nyama tsanu mokunda ipfa. Indi komkoya mowaha mbutie ya nyama tsanu njiwicho mui-waitike nyi Mumuyo nyi mochiwada moo.

2 WAKORINTO 6:6

Luiho lukeri na wusalari na wutiichi na wuleeli na wuwongoya luwodo nyi Mumuyo Mwele na mkundie fulakulembetseṟye.

WAGALATIA 3:1

Nyo Wagalatia, mfurunjikye ihia! Niwu alemtondosha? Nanyo muweloṟoloṟo Yesu Kristo itane ambonekya mesonyi hanu chando awemkapye msalabenyi.

WAGALATIA 5:5

Kipfa so ili lui wawanze nyi Mumuyo nyi luiweda luhedesumhantso nalyo lyechiwa lukuwode na Kristo.

WAGALATIA 5:7

Muweihenda mbele necha. A nyiwu alemulema kudende mulakihendelye-se kilya kii lohi?

WAEFESO 4:3

Ili mohidya necha iringa mkae fo mumuyo fokaa wamu kui kilunga kya ofoṟo.

WAFILIPI 1:9

Na kindo njiimterewya na iki tupu ke, kunda lyanu lihende ifeṟyo mwengeṟya fo wulaanyi fo orio mtambahaluye fose.

1WATESALONYIKYE 3:12

Na Mndumii namwengeṟye kikunda kyekundana muwenyi na wenyi na ikunda wose nakifeṟe mnu kimu na kilya so lumkundi na kyo.

2WATESALONYIKYE 1:3

Wanawawama, nyi kiluwaṟi iana Ruwa kiheri kyose kipfa kyanu. Na wudo kisumhanyi kipfa kya wuidiki wu wonu wong'ana mnu na kikunda kilya mukundanyi nakyo kikaingiki mnu kya orio mndu onu mose.

2WATESALONYIKYE 2:13

Indi kyalukoya so iana Ruwa kiheri kyose kimaduma kyanu, nyo wanawawama mui wakunde nyi Mndumii, kyamba Ruwa alemsambuṟa nyo wokia mawokyonyi mukiṟo mochiilisho nyi Mumuyo muwe wandu muidikyo kii-lohi kilya.

1TIMOTEO 1:3

Lilyandi njiwekure njehenda Makedonyia njilekututuma ke ukae ipfo Efeso, kundu uikimbe wamang'nanya waliwe walawone welosha kiwungi.

1TIMOTEO 1:5

Indi mṟasa fo wuikimbi wulya nyi ikunda liṟukye ngooyi tsiharami na mrimenyi mcha fuu na ngo tsii teṟe na wuindikinyi wulakulembetseṟye.

1TIMOTEO 4:12

Kulalekie wukoho wopfo wuhendemino, indi uwe kichano kya waidiki kui idedo, kui ohendo, kui kikundano, kui wuidiki, kui wukeha.

1TIMOTEO 5:2

Iwa wakeku cha wamayo, iwa wakoho cha washiki kui sonu njicha tsose.

2TIMOTEO 1:14

Kilya kicha ulemsumbo kewekiringe-wo necha kui pfinya ya Mumuyo Mwele ichu ai kiidi kyadu.

WAEBRANIA 11:8

Nyi wuidiki wukaenenga Abrahamu ilindi amshikahenda ilaho aleleshyaho madu kesamya hando hawei hateṟie hembia kyoṟa, kahenda isama kulawode aweichi handu halya heshika-ho.

WAEBRANIA 13:1

Kaenyi mochikundana na wanawawama.

WAEBRANIA 5:9

Ili alemaa yawutsio adi, lyo likamtana moendie iwa wamwidikye okiio lo mlungana wose.

WAEBRANIA 6:10

Kyamba Ruwa alai mlemeshi awechihadima wina lyanu na kunda lyanu muwewonye rina lyake ili indi muweipfuṟukanya waele walya, na iwapfuṟukanya mui.

WAEBRANIA 9:14

Nyi wuda kya ngoseṟa samu ya Kristo ichu alekudambikya Ruwa amonyi ai mkeha kui mumuyo molungana echiilisha sheko shilya sha mrima yanu iletsano na matendo ha opfu, iwe yepfuṟukanya Ruwa menyi mo?

YAKOBO 1:21

Nkyo kimwenenge muhende kuatuo orio ngafu yose na wumbafu wufo wudo.

YAKOBO 4:8

Mutikirie Ruwa nao echimtikiria nanyo. Haramishenyi mawoko, nyo wanyamaṟi, ketanenyi-ng'u wo ngoo tsanu ngeha, nyo wenyi mrima iwi.

1PETRO 1:2

Kui kyama kya Ruwa Wande kiwesongoe kilemnenga kamusambuṟa moilisho nyi Mumuyo Mwele kyemwidikishya Yesu Kristo na imwolya samu yake. Wutonga na ofoṟo shimuwelukie welu.

1PETRO 2:17

Wikyenyi wandu wose wuindi, mukunde wanawawama wa siṟi, muhende iindia na yowuo Ruwa, muindye mangi.

1PETRO 3:1

Nyo waka kuwikyenyi shi ya wamii wanu. Ma kokoya waipfo wasoṟo walasoṟa idedo lya Ruwa, wahende iliidikia kipfa kya mkao yo yanu mcha. Ma chi kui madedo-pfo.

1PETRO 3:20

Nawo nyiwo wawelemye iidikya mandi halya wuleeli wo Ruwa wuweilelya mfiri iya ya Noe matika isanduku ilya liwekeri itano. Na ipfo kiidi kyalyo nyi wandu sa waangu, wandu nyanya walekiṟo kulya mṟingenyi.

1PETRO 3:8

Lya inutsya ngahamba, mukae mochihia kimu mose, muwe mochiichio wengi wukiwa mukundane, muwe mosaṟya, mukunyiṟe muwenyi.

1PETRO 4:17

Kyamba heri lyamshika lyewokia yanduo mondu liwookie ipfo na wana wa Ruwa. Indi kokoya fuwoke kodu so nyi kyechiwa kida ko walya walaidikye Ndumi ya Sia ya Ruwa?

1PETRO 4:8

Ngoseṟa ya shingi shose kundanenyi nyo muwenyi na wenyi kui mrima fose. Mukuwade tsee kipfa ikunda li lishikye na mfeṟa fo manyamaṟo.

2PETRO 1:7

Na ipfo wupfudinyi muende-ho ikundana na wana wa wawama, na ipfo ikundanenyi na wanawawama muende-ho ikunda lilya ling'anyi.

1YOHANE 3:11

Kyamba ndumi-ii momwicho wuka mawokyonyi nyi ikeri ii-le: Lukaundane luwenyi na wenyi!

1YOHANE 3:23

Na iwawaso lyake nyi lii-le ke luidikye rina lya Manoke Yesu Kristo luwekundana luwenyi na wenyi chando o ameluwawasya.

1YOHANE 4:12

Kuwode mndu alemewona Ruwa ma indipfo. Ilindi lukundanyi luwenyi na wenyi lyo lyaenenga Ruwa akaa naso, na ikunda Ruwa likaawukya ichia kodu.

1YOHANE 4:20

Kokoya kwipfo mohamba, “Njikundi Ruwa”, nao asuo manomae, nyi mndu mowongo. Kipfa mndu ada alakunda manomae awonyo, eidima ikunda Ruwa alambonyi-pfo.

1YOHANE 4:7

Wakunde wako, luitike ikundana luwenyi-na-wenyi. Kipfa mkundye fumenyi nyi ipfo ko Ruwa fupaṟikye. Na orio menyi-mkundye amefeo nyi Ruwa na imanya kamanya Ruwa.

OTAMBAHALUO LO YOHANE 2:4

Kya indi njikuwodye kindo kimu kyamba unjikundise wulalu cha lilya kuwokapfo.