1PETRO 1:2 - Bibilia Kui Mdedie fo Kimochi

² Kui kyama kya Ruwa Wande kiwesongoe kilemnenga kamusambuṟa moilisho nyi Mumuyo Mwele kyemwidikishya Yesu Kristo na imwolya samu yake. Wutonga na ofoṟo shimuwelukie welu.

1PETRO 1:2 ပူးပေါင်းရင်းမြစ်များ

YESAYA 55:7

Mndu mbicho nade ohendo loke, Na alai na wusumhanyi nade makusaṟo hake; nawuye ko Mndumii, Nao nechimsaṟia; Nache na-ko Ruwa odu, Nechimhoṟia nakamu.

YESAYA 65:22

Wechiwika mba nalaepfo ungi-pfo; ma wechiwaya msabibu nalye ungipfo; kipfa chando mfiri ya ikidi ii nyi wudo kechiwa mkonu ya wandu wako, na wasambuṟe wako wechichihiṟo nyi iṟunda lya mawoko hawo mfiri ifoi.

YESAYA 65:9

Na inyi njechiende oshari luwukie ko Yakobo na mokioṟa o fumvu lyako wuka ko Yuda; na msambuṟe oko nechioṟa, na waṟundi wako wechikaa pfo.

DANIELI 4:1

Mangi Nebukadneza, ko wandu wa mbaṟi tsose, shishari shose, shishomo shose wai wuyanenyi kose, “Ofoṟo luengeṟeke konu.

DANIELI 6:25

Kyasia Mangi Dario kaṟehia wandu wa mbaṟi tsose na mkambo fo wandu ko mdedie yawo, wandu wai na moo: “Ofoṟo luengeṟeke konu.

WALEWI 1:5

Nao nashinje mmbeyo oshangunyi lo Mndumii-Ruwa; numa wana wa Aroni wakohanyiwo wechiende samuyo hafui, na iolyia samuyo mbai ya rasio lii o mongo fo ihema lyesanzia.

MATAYO 24:22

Na mafiri halya nokoe halawechiwihiṟowihiṟo numa hanyienyie, ma orio kindo kii na mbihu kyose kiwechiwona-se handu kechikiṟyopfo. Kyaindi nyi kipfa kya iwo wai wasambuṟe nyi kyondo mafiri halya hechiwihiṟyo-wihiṟiyo numa.”

MATAYO 24:24

Nyi kipfa kochikurepfo Wakristo wa wongo na waikimbi wa wongo. Waweloṟa-ho na mawuto manene ha kiṟingishyo na ha kiṟiha. Nyi kundu watewe na iwo wai wasambuṟe nokoe nyi kiwechiwa.

MATAYO 24:31

Nao naweduma wasu wake wa ruwehu wahende na ṟu ling'anyi lya membe na iwo wake akusambuṟye wawewasanya kundu kumu, wawawute kundu ko njotanu tso tsi tsiina wawoke ora lu lo ruwehu kundu lutsitsye washike lulya lungi kundu lutsitsye.”

MARIKO 13:20

Na mafiri ho nokoe Mndumii alawechihaanguṟa, kuwechikiṟo mndu ma umu-pfo. Kyaindi nyi kipfa kya walya wa wasambuṟe, nyi kyondo Mndumii aleanguṟa mfiri-yo.”

MARIKO 13:22

Kipfa kochikure-pfo Wakristo wa wongo na waikimbi wa wongo na iwuta mawuto ha kiṟingishyo na ha kiṟiha, kundu watewe na walya Ruwa awasamburie, nokoe nyi kiwechiwa.

MARIKO 13:27

Na numa echiduma wamalaika wake; na isanya walya wasambuṟe wewuka njora tsiina tsa oruka, kuwokia kishingonyi kya oruka tane kishingo kya ruwehu.”

LUKA 18:7

Aka Ruwa awechidumbuo mondu fo iwo awasambuṟie, iwo wekemfuhia mfiri na kio? A ngesa nyi echiwawetesa?

MAWUTO HA WASU 15:18

Nakyo kimanyikye ke kii kido matsi mawokyonyi ha wuyana.”

MAWUTO HA WASU 2:23

Mndu chu ili awei mdambike-ho adi kui chila ya Ruwa njiwanze na kui mmanyie foke matsika kacha nyio mukambambya msalabenyi kui mawoko ha walya walaichi wuwawaso mkambaha.

MAWUTO HA WASU 20:32

“Kyasiang'u wulalu le ngamudambikyang'u Ruwa mukae wawanze nyi idedo lyo lya wutonga woke. Nyio Ruwa aidima imupfunga muwe mba na imwenenga kyoṟa kimu ipfo kundo wailishe wake wose walṟe.

WAROMA 1:5

Nao nyio alelusaṟya kaluinenga wudumi wohendelishya rina lyo lyake wuidiki ipfo mkambonyi ya wandu yose.

WAROMA 1:7

Ngamwiṟikiṟa nyo mukeri ipfo Roma mose mui wakunde wa Ruwa, wasambuṟe waele. Wutonga wukae nanyo na ofoṟo luwukie ipfo ko Ruwa Nde yadu na ko Mndumii Yesu Kristo.

WAROMA 11:2

Ruwa afunye mkambo foke alemsambuṟa kachapfo. Ang'u mulaichi kilya Madedo Maele hahambia kya Elia ili alenunuwia Ruwa kechianduya Israeli kehamba.

WAROMA 11:28

Kipfa kya ili waileha Ndumi ya Sia. Wayuda wai wakituwa wa Ruwa kui kiira kyanu, mkambo ingi lyo limanyikya konu, indi sumuhana na msambuṟye fulya wai wakunde wa Ruwa, lyo limanyikye ko waku wawo.

WAROMA 15:16

Mumanye ke inyi njii mwongoi o Kristo Yesu a-mdume ko mkambo ya wandu mhenu njiwe mowoongoya Ndumi ya Sia ya Ruwa ya okiio, kundu wa mbaṟi tsingi tsa wandu wawe odambiko luchihianyi na Ruwa lui-uheṟemtse nyi Mumuyo Mwele.

WAROMA 16:19

Kyamba nyi mumanyikie kose kya wuhendeli wonu; nkyo kyanjienenga ngachihio kyanu. Njikundi muwe waṟango ko mbonyi njicha; mulawode paṟi ko mbonyi njiwicho.

WAROMA 16:26

Indi kikahenda imanyisho kiheri kya wulalu na mweeke fo Mṟeho iya ya waikimbi, kui iwawasa lya Ruwa-chu o mlungana lyewawusa yanguya wuidiki madu, iwu wuu-wuṟingishye mkambo mhenu yose.

WAROMA 8:13

Kyamba kokooya mokapya moo mui-waitike nyi nyama tsanu mokunda ipfa. Indi komkoya mowaha mbutie ya nyama tsanu njiwicho mui-waitike nyi Mumuyo nyi mochiwada moo.

WAROMA 8:33

Ichu echianduya iwa wai-wasambuṟe nyi Ruwa nyi wu? Ruwa aiho awa mletsi!

1 WAKORINTO 1:30

Na ipfo koke kwenyi kimaenyi kyanu kikeri ili mui Kristo-hu Yesu, nyio amelutaanyo nyi Ruwa wuṟango na wuhoṟotsu na wuiilisho na oletso.

1 WAKORINTO 6:11

Na wa mbaṟi itsi muwekeri maata wanu. Kya indi momesanjo. Kya indi momeilisho. Kya indi momesumhantso kui rina lya Mndumii Yesu Kristo na kui Mumuyo o Ruwa odu.

2 WAKORINTO 10:5

Luwewunduo na orio tunja yekuirya wuṟango wo Ruwa, lochilaṟa na mhie yose iwe yechihendelya Kristo.

2 WAKORINTO 13:14

Wutonga wo Mndumii Yesu Kristo na ikunda lya Ruwa na kyando kya Mumuyo Mwele shikae nanyo mose.

NGUMBUO YA MAWAWASO 7:6

Wutenyi mudo kyamba nyo muiwashimbuo ko Mndumii-Ruwa, Ruwa onu. Kiidi kya wandu wose wa wuyanenyi nalemusambuṟa nyo kundu muwe mkambo foke o amonyi.

WAKOLOSE 3:12

Nanyo ili mui wasambuṟe wa Ruwa waele na wakunde wake Ruwikyenyi wucha woichio mndu wukiwa kui ngoo na wukesi, wo oshangu na ikunyiṟa na wuhoo na woloṟu.

2WATESALONYIKYE 2:13

Indi kyalukoya so iana Ruwa kiheri kyose kimaduma kyanu, nyo wanawawama mui wakunde nyi Mndumii, kyamba Ruwa alemsambuṟa nyo wokia mawokyonyi mukiṟo mochiilisho nyi Mumuyo muwe wandu muidikyo kii-lohi kilya.

2TIMOTEO 2:10

Nkyo kitewe ngakutirisia njekaa shi ya shose kimaduma kya wasambuṟe walya wa Ruwa, kundu nawo wakuwonye okiio lo Kristo-hu Yesu hamu na wuitoṟi wo mlungana.

TITO 1:1

Inyi Paulo njii singa lya Ruwa na msu o Yesu Kristo moṟundya mwidikye fo wasambuṟe wa Ruwa na mmanyishie fo wu-kilohi wusumhanye wuindi.

WAEBRANIA 10:22

Luhendetikiria-ho luwode ngoo nlalutsu lui na welu ya mwidikye lui-waolye ngo tsa mrima tsilakikae makufaṟe lui-wasanje mbihu na mṟinga mharami.

WAEBRANIA 11:28

Nyi wuidiki wukaenenga alewika Pasaka (nyi mwidio fulya) na yoola lilya lya samu, kundu mkombetsi ulya nalahende ipaya wawee wawo.

WAEBRANIA 12:24

Na Yesu moende owiko lulya luhya na samu iya ya maolya ikeri ideda kuichyo kota iya ya Abeli.

WAEBRANIA 5:9

Ili alemaa yawutsio adi, lyo likamtana moendie iwa wamwidikye okiio lo mlungana wose.

1PETRO 1:14

Mui wana wa Ruwa wawode wuindi, mlakioshe-se manyale lango njiwicho tsilya muwewode kacha lilya muwei watondo.

1PETRO 1:19

Kya indi nyi muiwatalae kui samu iya njiele ya wuhuru ikeri ya ichondi lilafanyi lilai na kitendo, nyio Kristo.

1PETRO 1:20

Nyio awemsambuṟe nyi Ruwa matika wuyana-wu wulawendewiko, indi nyi alemanyishio iheri li lifurumi lya maheri hose kimaduma kyanu.

1PETRO 1:22

Mukamaa isanjika mrimenyi yanu kui wuhoyi wo ihoya kilya kii lohi kyemwinenga ikundana na wanawawama lilakulembetseṟye muwe mochikundana mnu necha nyo muwenyi na wenyi kui mrima fose.

1PETRO 2:9

Indi nyo mukeri oshari luu-usambuṟe wamangi wadasi, Wakohanyi wa Mangi wa mkambo fui mwele, wandu wa Ruwa amonyi msanzie fo watale wandu wa Ruwa; kundu muwe mochionguo mawuto mecha ha Ruwa ichu alemlaha ipfo meemenyi kamduo senyi yake iṟihishye idi.

2PETRO 1:2

Wutonga na ofoṟo shimuwelukye welu kui imanya Ruwa na Mndumii odu Yesu.

2YOHANE 1:1

Inyi mmeku ngakuiṟikiṟa iyo Mai msambuṟe handu hamu na wana wapfo njiwakundi njikukerye na kilya kii-lohi. Ma chi inyi njimonyi tupu njiwakundipfo indi na iwa wose wammanya kiilya kii-lohi.

2YOHANE 1:13

Wana wa manomayo mshiki opfo msambuṟe wakuiṟikiṟa.

YUDA 1:2

Wutonga na ofoṟo na ikunda sho shimbelukie welu.