1PETRO 1:13 - Bibilia Kui Mdedie fo Kimochi

¹³ Nkyo kitewe mukae na mhie yanu msanze cha wandu wakufungye kitsinyi na ilaa dembo. Mukuotoye mochikuwedya na macha wutonga wu mochiendyo ilindi Yesu Kristo echowenekya.

1PETRO 1:13 ပူးပေါင်းရင်းမြစ်များ

1WAMANGI 18:46

Owoko lo Mndumii lukakaa huya Elia, kakuwanza tse kawikia mteeṟa kechiosha Ahabu mṟasa Yezreeli.

2WAMANGI 4:29

Nalyo Elisha kawia Gehazi, “Kuwanze tse, uduo ndichi ii kuwokonyi kopfo, uhende, kokumbuhana na mndu, kakuiṟikiṟa kulaidikie, uhende iwika ndichi ii huya kyamu kya mana.”

YOBU 38:3

Karishia cha msoṟo nyi njikuwesa na iyo nonjihaluo.

YOBU 40:7

"Kupfnge kitsi cha msoṟo Inyi njechikuwesa idedo na iyo nonjiwia.

IWUKA 12:11

“Na nyi wudi mochilya; mochikoya mukupfungie kiṟota shitsinyi shanu, muṟee shadu shanu madendenyi, na ndichi tsanu mawokonyi hanu; nanyo mochilya mochihukia; nyi pasaka ya Mndumii-Ruwa.

YESAYA 11:5

Wukiilohi wochiwa okowa lopfunga kitsi kyake, na wuhendeli okowa lokupfungia.

YEREMIA 1:17

Wulalu iyo kure nokuṟeheṟe uhende iwawia madedo hose njilekuwawasa, ulaowuo kipfa kyawo, njilawone njechikuowesha ipfo oshangunyi lowo.

MATAYO 20:4

Kawewia na wandu walya, “Kewehendenyi nanyo kulya demehu lya msabibu. Na kindo sa kisumuhanyi njechimwinenga.”

LUKA 12:35

“Kaenyi-ng'u mukupfungie shitsi, na taa tsanu tsiweaka.

LUKA 17:30

Na wudo-ng' tichi kochikaa kuwe mkonu fulya Mana o mndu echitarambuyo.

LUKA 17:8

Chi echimbia, ‘Njiomoya kando njilye! Kupfunge nonjihidie mṟasa njimae ilya na inyo; ngammaa ilya, nokulieng'u iyo kumonyi na inyo noweku nyooya.

WAROMA 13:13

Luchumie lui na sonu njicha tsisumhanye mfiri, lulawone lokaa na tsilya mbicho tsa ṟinginyi ma tsa wunanzinyi ma tsa wumeluki ma tsa sheeṟe ma tsa isohuo mondu ma tsa idosa nyashi.

WAROMA 8:19

Cha kipfa mweṟeṟukye fo mbika ii fuwedye mnu ke wana-wa wa Ruwa washike ihenda itambaṟuka.

1 WAKORINTO 1:7

Nakyo kikaenenga mulatiyo nyi kisumbo ma kida ma kida mukakaa mochiwedya ikuloṟa lya Mndumii odu Yesu Kristo.

1 WAKORINTO 13:13

Na wulalu mwidikye na mukundie na mbedie, isho shiṟaṟu nasho shechikaa. Kya indi mkundie nafo fung'anyi kiidi kyasho.

WAEFESO 6:14

Hoṟokenyi wulalu mukupfungie kiilohi kitsinyi na kilya kii lohi, muṟee wusumhantso kiringa kipeta.

WAKOLOSE 3:4

Mandi Kristo chu moo fonu echimanyika matika naho mochimanyika nanyo kimu nao wuitoṟinyi.

2WATESALONYIKYE 1:7

Nawe momwinenga nyo muhende iwihiṟyo moo handu hamu naso matika halya Mndumii Yesu echikuloṟa asoka ruwehu arianyi na wasu wenyi-pfinya.

2TIMOTEO 4:5

Kakye iyo ukae na osaaṟe kya orio kindo, kukarishie mawinenyi, ṟunda iṟunda icha lya mwongoyi o Ndumi ya Sia ya okiio, ochiawutsia necha wupfuṟukanyi wopfo.

2TIMOTEO 4:8

Kitsuhae nyi iṟiko oṟo ya wuchopi wo wuwinzi wuhoṟotsu wo moo njimsuṟumye. Nyiyo Mndumii mletsi mhoṟotsu echinjiimaya nayo mkonu fulya. Indi echinjiimanya nayo inyi njimonyi tupupfo, indi na walya wose wawodo nyi macha ha ikuloṟa lyake.

WAEBRANIA 10:35

Ma mulawone mokumba wutumbe wu wonu wanda wui na wuṟundi wung'anyi wudi.

WAEBRANIA 3:6

Indi Kristo nyi Mana sumuhana na mba ii yake. Mba ii yake nyiso, kokoya lokaa luṟamkie luikuwada tsee na iṟumisha owedo lulya itane lochiawutsio.

WAEBRANIA 6:19

Lo lulukerye kipfunga mrima kiwangi kitumuhaa kikeri ikuhendya ora lo kya mba ipfo kundu kiṟikishya kilya kiishingya-ho.

WAEBRANIA 9:28

Na wudo na Kristo nyi aledambiko-ho limu lyewuta-ho manyamaṟo ha wandu wafoi; Ili lingi echikuloṟa na walya waimbedya kya okiio alawinye wunyamaṟi.

1PETRO 1:10

Okiio na ilu waikimbi wawe ipfulapfula na ihana-hana kyalo wechideda kui Mumuyo wehongia wutonga wu mleinengo nyo.

1PETRO 3:15

Indi Mndumii Kristo nyio mumtane mwele ipfo ngonyi tsanu. Mukae mochikuṟeheṟya itambahaluya orio mndu mowesana nanyo kya owedi ilu lumbode.

1PETRO 4:7

Mainutsyo ha shindo shose hamcha afui. Ko ikyo kaenyi na osaaṟe mochikuotoya kundu muidime iterewa.

1PETRO 5:12

Ngamṟehya paruo ii ngahamba ikeri mfui ngamdikya kui owoko lo Silwano manowama ichu mhendeli njetutuma na iṟingishya ke ipfo kundo muhoṟoki kuwode na wutonga wo Ruwa iwu wo lohi.

1PETRO 5:8

Kuotoyenyi, mulae chowe. Mkituwa onu Satana aitengetatengeta cha miiso yerunduma ai mopfula mndu aidima immeṟa.

1YOHANE 3:3

Na orio ose akuwode nao kui owedi-lu nyi aikuilisha amonyi naile chando Kristo amwili weṟu.