1PETRO 1:12 - Bibilia Kui Mdedie fo Kimochi

¹² Wakashika iwonesyo ke shindo shi weshikuwinya wo wa wenyipfo indi kitewe n nyo. Nashonyisho muleshiongoyo wulalu nyi walya walemwendie nyo Ndumi ya Sia ya okiio kui Mumuyo Mwele aa-mdume awuka ruwehu, sho sheamtsya na wasu wa ruwehu macha hemehya-ho.

1PETRO 1:12 ပူးပေါင်းရင်းမြစ်များ

IWUKA 25:20

Na makerubi wo wechiiria makungo hawo huye, washikie loṟika lo lo osaṟio kui makungoho hawo, na shamu shawo shechiambuyana ichu na ichu, shamu sha makerubiwo shechiambuya loṟika lo osaṟio.

MFANANO 1:23

Halukenyi kipfa kya wuwawaso woko; ambuya njechimuletsia mumuyo foko; Na imumanyishya madedo hako.

YESAYA 32:15

Mṟasa mumuyo fuche huye yadu fuwuka huye; mṟasa kundu ko nuka kuhoye olele kochiwa mdemi fuiṟaa mnu; na mdemifo fokeṟaa mnu fusendo nyi ngeṟa.

YESAYA 53:1

“Nyiu aleidikia mbonyi tsilya luleende? Na owoko lo Ruwa nyiu amtambaṟuye?

DANIELI 10:1

Kiidi kya maka fo kaṟaṟu fo Koreshi, mangi o Uajemi, Danieli chu awe mdumbuye rina Belteshaza, kaloṟo idedo; na idedolyo liwei lohi; kipfa nyi lya shida ing'anyi; nao kamanya idedo lilya, kamanya na mawonesio ho.

DANIELI 12:13

Kyaindi iyo Danieli, kuhendie nohende ionyonya kipfunyi, na kiheri kyo kikashika, nochiṟuka na iambilia kiṟimiṟa kyapfo.”

DANIELI 12:9

Kahamba, “Henda Danieli; kipfa madedoha hamepfungo na iwiko kiṟingishio mṟasa kiheri kya ifurumia.

DANIELI 2:19

Nalyo Danieli kaloṟo ndodo iya yose na mdambuye foyo. Danieli kaidapfuma Ruwa.

DANIELI 2:22

Nekedambuo shiṟike; kawemanya shii meemenyi, kipfa koke kuwode ngeela.

DANIELI 2:47

Mangi kahaluo Danieli kambia, “Nyi kya lohi Ruwa chu onu nyi Ruwa kota maruwa hengi, nyi Mndumii-Ruwa o Wamangi aichi iloṟa shiṟike na ishihaluo pata - kipfa iyo noleidima iloṟa kiṟike ki.”

DANIELI 8:13

Ngaicho umu o waele echideda na mwele ungi kechimmbesa, “Mṟasa indi shindo shi shawono kunu mawonesionyi shechitsitsa? Mṟasa indi wunyamaṟi wung'anyi wochiwa shidaso? Mṟasa indi mbahanyi ya ruwehu na ihekalu shechichumochumo?

DANIELI 9:24

“Ambuya chandu ki kiteṟie, maka mfungade ka makumi mfungade (490) kya wandu wako, na kya mṟi foko mwele, kundu njechitirimisha wunyamaṟi na iwika ho mhoṟie njechiwutaho wukika wose na iende wukiilohi mlungana, na iwikaho ofano lo kiwonesio kya wuikimbi na ishimbuo na mafuda ichu ai mwele.

YOELI 2:28

“Kyasia kuwode kiheri kiicha, mkonu njechipusuya mumuyo foko huya wandu wose. Kiheri kyo wana wanu wakika na wakisoṟo wechiwuta wuiikimbi, na wameku wanu wechiilodia ndodo, na wanake wanu wechiwona ndodo.

AMOSI 3:7

Nyi kya lohi kya ndiyo Mndumii-Ruwa echiwuta kindo kyose alaloṟa waṟundi wake waikimbi kiṟikyekyo kya kyaanyapfo.

ZEKARIA 12:10

Inyi Mndumii, njechipusuya Mumuyo foko wandu wa mba ya Dawidi na wekaa Yerusalemu wose mumuyo fo osaṟio na iterewa; nawo wechiambuya ulya walemtocha, wo wechihoyo nyi wukiwa na ilia cha ilyi mndu aililia mana oke kimumu nawo wechiicho mawawio kipfa kyake cha mawawio ha mana mmbee ilyi ahoyo nyi wukiwa wuliwe.

MATAYO 11:25

Kyasia mandi na halya Yesu kahaluo kahamba, “Ngakuana, hoi Wande, kui mnene o ruwehu na oruka, kipfa ili mbonyi tsi utsiṟikye iwo waṟango na iwo waamtsu kowuya idambuya shikoku.

MATAYO 11:27

Shindo shose njiledambikyo nyi Wande. Ma kuipfo aichi Manapfo chila na Wande, ma kuipfo aichi Wandepfo chila na Mana na ichu Mana echikunda imdambuya.

MATAYO 16:17

Kyasia Yesu kahaluo kambia, “Ungusu iyo Simon Petro, kipfa manya chi nyama ma samu shakudambuya ishipfo chila na Wande o ipfo ruwehu.”

MARIKO 16:15

Kawawia, “Kehendenyi wuyana kose, muongoye-pfo Mbonyi tso tsa Sia ko orio mndu.

LUKA 15:10

Na inyi nyi ngamuwia, ‘Na wudo kochiwa sia ko wamalaika wa Ruwa kya mndu umu mnyamaṟi adumbuya.’”

LUKA 2:26

Nao nyiawewembikie kyaasa nyi Mumuyo Mwele ke, echipfa shile awona Kristo o Mndumii kuwookapfo.

LUKA 9:6

Kyasia wakawewuka-ho, wakawa motengeta-tengeta mṟinyi ya wandu wechionguo mbonyi tsa sia, na ichiṟa wandu handu hose.

YOHANE 15:26

“Ilindi Mkarishi echicha ichu njechimdumya inyi njii ko Wande nyio Mumuyo o wukilohi awukye ko Wande nao nyi echiwika-ho kiṟingishyo kyenjiṟingishya inyi.

MAWUTO HA WASU 10:44

Kyasia Petro kechideda ado madedo ha kudi Mumuyo Mwele kasokya walya weadanya ndumi ii wose.

MAWUTO HA WASU 16:10

Kikasia kekimaaa iwona kiwonesyo kilya oweṟe nalo lukakunda ikure luhende Makedonyia lutawukye imanya ke nyi Ruwa alulahye napfo kundu luhende iwaongoya ndumi ya sia ya okiio.

MAWUTO HA WASU 2:33

Kyasia amemaa idoso itane kuwokonyi ko kulyo ko Ruwa na yambya kiwantasyo kilya kya Mumuyo Mwele ko Wande kadika iki mukiwonyi na ikiicho wulalu.

MAWUTO HA WASU 4:31

Kukashika wekimaa iterewa Ruwa handu halya wawesanzye-ho hakadihina wakaichuṟo Mumuyo Mwele wakaongwo idedo lya Ruwa wai wakesi.

MAWUTO HA WASU 4:8

Naho Petro kaichuṟo Mumuyo Mwele kawawia, “Lanye wanene na wandu na wameku.

MAWUTO HA WASU 8:25

Nawo wekimaa iṟingishya na yongwo idedo lya Mndumii wakawuya na Yerusalemu wechiongwo ndumi ya sia ya okio shihongonyi sha ko Wasamaria sa shifoi.

WAROMA 1:15

Nyi wudo njilangie ionguo Ndumi ya Sia ya okiio na konu ipfo Roma.

WAROMA 1:17

Kyamba kotambahaluyo nayo wuhoṟotsu wuwukye ko Ruwa wokuwada kundo kuwode wuidiki wochiduo mndu wuidikinyi, chando kikiṟehie, ke Mndu mhoṟotsu nyi echikaa awode moo fuṟukie wuidikinyi.

WAROMA 10:15

A wandu waongwo wada walaiwadume ngesa? Chando kiikiṟehye ke, “Apa ndifo tsa waende ndumi ya Sia chando tsaona.”

WAROMA 15:19

Kikawa kui pfinya ya shichano na maṟiho shiweiwiko nyi Mumuyo Mwele, fo Ruwa. Kui ichumia lyako orio handu, wokia Yerusalemu ngashika Iliriko, ngaonguo Ndumi ya Sia ya Kristo kui Wusalari.

1 WAKORINTO 2:10

Natso nyio Ruwa alelutaṟa-mbuya kui Mumuyo. Kyamba mumuyo asumye shose na shiṟike sha kisenyi kya Ruwa.

2 WAKORINTO 1:22

Nao nyio amelutisiṟa luwe masaa hake kaludeya mriteke fo Mumuyo ngoonyi tsadu, kya shindo shose alelusuṟumia.

2 WAKORINTO 6:6

Luiho lukeri na wusalari na wutiichi na wuleeli na wuwongoya luwodo nyi Mumuyo Mwele na mkundie fulakulembetseṟye.

WAGALATIA 1:12

Njileiwada ko mndupfo, ma ikulosha njileikulosha njimonyipfo, kya indi nyi lilewa kui ikuloṟa lya Yesu Kristo.

WAGALATIA 1:16

Nao nyio matika na halya kiwemchihiṟye echimbonesya Mana oke kundu njidung'tsye mkambo ya wandu ndumi ya sia yake. Oweṟe na lulya inyi njilekuwada-ho njilawesongwo iwesana na wa-kimbihu na wa-kisamu.

WAEFESO 3:10

Kundu wuṟango wo Ruwa iwu wufoi mbaṟi wumanyishio wasongoru na waapfinya wa ipfo ruwehu, nyi yo siṟi.

1WATESALONYIKYE 2:9

Kekumbuonyi-ng'u-wo ngatara tsadu na wawina, wanawawama. Luweiṟunda kio na mfiri, kundu lulawewona lochirohya ma umu onu iliindi luwemwongoya ndumi ya sia ya okiio iya ya Ruwa.

1TIMOTEO 3:16

Kutambalukye necha kyama kiṟike kya wuindi chando king'anyi. Nakyo kikeri kile: Ichu alekuloṟa kui nyama Kamanyisho mbinzi kui mumuyo Kawonekia wasu Kaweongoyo mkambonyi ya wandu Kaweidikyo wuyana Kairyo wuitoṟinyi.

WAEBRANIA 11:13

Iwa wose walemhenda wekaa na wuidiki ma walawekudaya shiteṟyo shilya, indi waleshiwona shikeri kundo ko isonguo wakashiindya wekuhambya na pata ke wakeri wahenu, wandu wekuidya-ho tupu ipfo teri-hu-ii.

WAEBRANIA 2:4

Luwerianyi na kiṟingishyo kii kiwike nyi Ruwa kui shichano na maṟiho na pfinya tsa mbaṟi tsifoi na mahawio ha Mumuyo Mwele shisumhanye mkundie foke.

WAEBRANIA 4:2

Kyamba naso luiwaongoye ndumi ya sia chawo. Indi idedo lilya waleliicho lilewaekya kindopfo kipfa yadanya lyawo lilawelungyo mwidikye.

1PETRO 1:25

Indi idedo lya Mndumii lyekaa mlungana. Nalyo nyilyo dedo lilemwongoyo konu lyemwendie Ndumi ya Sia.

1PETRO 4:6

Kyamba iki kyamenenga na wapfu waleongoyo Ndumi ya Sia nyi kundu wakae wai wahoṟuo nyame-hu chandu kiwaṟi orio mndu, indi wahende iwada moo kui Mumuyo kui njia ya Ruwa.

OTAMBAHALUO LO YOHANE 5:11

Naho ngaambuo, ngaicho ṟu lya wamalaika wafoi mnu, ipfo kundo kuṟingichie loṟika lulya lo wuitoṟi na maṟimu halya na wameku walya. Na matorito hawo haweshikye shiku ikumi ka shiku ikumi na shiku kashiku.