Yohanise Haraje 9:17 - Kille Caaqo

¹⁷ Ye faradzitaara u gara uttiya yechashitaara harajena ta beedo. Be fengani toora tuce miijhe maadhi u yecha. Ye toora miijhey hade tamake yese zo'o, afa bishaara, foolettaara u bishicha. Ye faradziti qinoy garma qino e bishicha. U asshaafani tamani maaqqe cuwwaara dine hidi hiyuttesaaray e kessicha.

Yohanise Haraje 9:17 ပူးပေါင်းရင်းမြစ်များ

Yohanise Haraje 11:5

Ooneni uso miidhese wordako tamay u asshaafa kessiko u iilaxe e muune. Uso miidhese worgeesiti uddi hay'e e worgusesi ye e bishanako.

Yohanise Haraje 14:10

Wonto huulako weyne daanake mati beese e ushe. Ye e ushe weyne daanani fedaara worqutto badi yesine essaa ushusho huula miijhiyaka naquttesesako. Yeydiwo hayla maaqe afaase woosaxiti burowara dori burowara tamanaara iitana eexhe dine hidi hiyutteesunaarako maddha u beene.

Yohanise Haraje 19:20

Bo'oni aykutto, buro bo'o sunxuna laga micushe abako hanticha zaadaxe maaqe kaayaxi e aykutto. Be hanto micushe abakona bo'o yerago be gara keengeesitaara naqutti gaduttese bo'o bisha buro disseesitaara e haluxicha. Ye lam'i orjena eexhe dine hidi hiyutte abakona megge tama bagadiyaka be lubbowara yesine u dafutto.

Yohanise Haraje 20:10

Uso halussi yecha Humbayey bo'owara zaadaxe maaqe kaayaxaaray dine hidi hiyuttesaara tamaaray essaaka yese orjena megge tama bagadiya u yese godowa e dafutto. Usini qamaara wontaara koolo makki aallo yaaka u maddhunge.

Yohanise Haraje 21:20

ichichoy sardonikise, izzunxoy sardiyoone, laappunxoy kristiloobe, hazzunxoy birille, oddunxoy waraware, tanxoy krisobhirase, tamma bidzunxoy yaakinte, tamma lakkunxoy ametestinoose yeydi e maaqicha.

Yohanise Haraje 21:8

Yeydi e maaddhakoni jhasheeshiti, aadexuwasiti, tunaxiti, axe wodheesiti, laggeteesiti, qayeesiti, Wonto maaquwasa wonto mati kuxeesiti, yeydiwo zaadaxiti be uddina u tagoy dine hidi hiyuttesaara tamaaray essaaka yese orjena megge tama bagadiyaakako e maaqe. Ye esini lakkunxo hayboko>> yeydi taase e hido.

Yohanise Haraje 9:18

Be asshaafa be kesso tamana, cuwwana, dine hidi hiyuttesuna ha haydzi deexho waayyena assaafa haysso kuche woddhi u also.

Yohanise Haraje 9:9

U fenga fasshichashini toorase fenga esuna fashusho qangaafa naquttese abakoko e bishicha. U fangey siisicho katoni toorase hange faradziti gooche gaare katoke yesesako e maaqicha.