Yohanise Haraje 20:13 - Kille Caaqo

¹³ Bagadeni beeka haydhi yechaashita kessi e indo. Haybowara Si'ooliyaray beeka haydhi yechaashita kessi u indo. U bidzi bidzina u hantake hantakeysi Wontoy u gara e yaadho.

Yohanise Haraje 20:13 ပူးပေါင်းရင်းမြစ်များ

Matoose 11:23

Neno Qifirnahoome! Wokke afaa aalliya ne qinoy kedda kedda e hine? Si'oole hobolowako yekke ne dafutte. Ne feeqa ta hanto micushe hanta Sodome katamaa ta hantesesako ye katamay hanzo aallo baadobadiko e yesaane.

Matoose 16:27

Tani axi yeley nuwade kuxa fuulana hayla ta woosaxitaara yootako ta yoone. Ye woggaako u bidzi bidzise u hantake wooma ta inge.

1Qorontoosaxituse 15:26

Iilaxitaafa aallicira iichutti baanesi hayboko.

Yohanise Haraje 1:18

En'a yesesi tambako. Haydhiko ta yecha, hay koolo makki aallo en'ako tani. Haybo garaara Si'oole garaara adetoko ta keenge.

Yohanise Haraje 2:23

I naysheni wodhako ta wodhe. Yenniyako be godowa godowa uddi yese Wonto zawaxiti axi muxhurowara axi maxowara naddhi arsi beenesi tamba e maaqenike u ere. Hi bidzi bidzise hade hi hantakeysi ta inge.

Yohanise Haraje 20:12

Haydhechaashita anguzaxhitaara baraxitaaray kaati uttuxo buro u ee'usune ta beedo. Fissharitini do'utto. Fede fissharoni do'utto. Ye esini en'a yeseesiti sunxi essaa diizuttese yeso fissharoko. Fissharowa u hantay diizuttesenike haydhechaashiti gara Wontoy e yaadho.

Yohanise Haraje 20:14

Ye e geede haybowara Si'ooliyaray tama bagadiya u dafutto. Ye tama bagadey lakkunxo hayboko.

Yohanise Haraje 21:4

U aafunxeni uddi u aafiyafa e uce. Buro yecha sahaara e wogaaray gardi yese gisha axi ha e geede sekke hay'uwasso, higiluwasso, yeekuwasso, waayye beewasso>> yeydi e hisune ta siido.

Yohanise Haraje 6:8

Hay bidzi caametta faradze ta beedo. Ye faradze gara uttichashini haybo e sungicha. Si'ooleni e geede geedeydi hangicha. Haybowara Si'ooliyaray ha saha gara yese assaafa oysso kuche toorana, naayena, iita hargena, saha gara yese bo'ona u wodhoronike adetoy ususe ingutto.