Yohanise Haraje 2:5 - Kille Caaqo

⁵ Ne ungeesume buro aya ne yechosha gaxhuwa! Ne cubbo dhaddi maaquwa. Zage ne hantichonike hantuwa. Yeysi mahe ne dheeba'ayko neeko yoodiko ne faqey e gara gaduttesa e godowafa ta ooxe.

Yohanise Haraje 2:5 ပူးပေါင်းရင်းမြစ်များ

Matoose 5:14

Bakka gara yese katamay fashuttese danda'uttuwasso. Yeydiwo hinuni ha saha gara yese axuse faqeko.

Matoose 5:15

Faqe faddhi zawa yeseesituse uddi e beysorosa e fo'ey bente keddaydese godoko e gadesa baaka kofa e bakka gufunxesi ooneni baasso.

Marqoose 12:9

Hinne ye weyne tottecha adey waani e hiye? Beesewo yoodiko ye hantaxitani e wodhe. Ye weyneni fede hantaxituse e inge.

Luqaase 1:17

Hade Elaase gara yecha ayaanaara osaaray e gara yesete Laaxi buro yoodi laga axita esuse e naqe. Adiyaxhi muxhuro nayshi gara woosuttuwadi yecha axiti muxhuro gizo axiti era garako hanke e mahe>> yeydi e hido.

Luqaase 20:16

E hantesi beesewo yoodiko ye hantaxitani woddhi ye weyneni fede hantaxituse e inge>> yeydi e hido. Yaha yecha axitini ye esa be siido wogga <> hidi uydo.

Galatiya 5:4

Woga kafena gizese worge hinuni Kristosa garafa hinumba shatiko hi yese. Wontoy axuse keenge maxo modhetiyafa dhaddi kessiko hi yese.

Filphisoosaxituse 2:15

Yeysi hi hantako ha doomaara iitaara maaqe ha saha gara yese axi giddaaka iitete keenguwasaara haasse keenguwasaara maaddhiko Wonto nayshe geeshe hi maaqe. Xhoolintey afase faqenikeko hinuni ha saha gara yese axituse hi faqe.

Ibraxituse 10:32

Wonto fo'e hi beedosume e geede laga maddhay hi gara yoonne hi dandadho ye buro wontita gaxhuwayte.

2Phexhrosey 3:17

Yoonase ta eehe ta badito, hinunimay ha esa burussi hi erdese gisha iita geriti halli yecho halliya gelli miindi hi eedhecho godowafa hi unguwannike hinumba naddhi kakkuwayte.

Yayqoobeyndo 1:24

Hi unguwannike hinumba kakkisine magganaara haasse keenguwasaara kuxa fuulana yese be buro hinumba uqusese e danda'e.

Yohanise Haraje 1:20

Ta oshichi kuchiyaka ne beedo laappi xhoolinteseni maaqqe worqiyafa hantuttese faqey e gara gadutte laappi abakoseni u birchey ha esako. Laappi xhoolintey be godowa godowa yese laappi Wonto zawase yese Wonto woosaxitako. Faqey e gara gadutte laappi abakoy laappi godowa yese Wonto zawaxitako.

Yohanise Haraje 16:9

Axitini orje tama michana u meggutto. Yeenxhi deexho waayye gara adeto keenge Wonto sunxe u casshosha baaka be cubbo dhaddi maaqutto baasso, Wontoni kuxutto baasso.

Yohanise Haraje 2:16

Ye e gisha ne cubbo dhaddi maaquwa. Maaqe ne dheeba'ayko ukkenawo neeko yoodiko ta asshaafa kese satatana uso ta darge.

Yohanise Haraje 2:19

Yohanise Haraje 2:2

> yeydi hineesita uso modhussi arsi beedi zaadaxita u maaqenike ne degessonike erako ta ere.

Yohanise Haraje 3:19

Tani ta eeheesita uddi gaylako ta gayle, murako ta mure. Ye e gisha bidzi muxhurona hantuwa, ne cubbo dhaddi maaquwa!