Yohanise Haraje 1:16 - Kille Caaqo

¹⁶ Be oshichi kuchiyaka laappi xhoolinte e aytecha. Lam'i badena nuuna keenge satata nuunaxi e asshaafa kesiya e yecha. E aafushani hade iitana faqiya yese qoossuke faqiya e yecha.

Yohanise Haraje 1:16 ပူးပေါင်းရင်းမြစ်များ

Matoose 17:2

U buro yaha e bishay arto, hade qoossuke e aafushay faddho, e maa'oni bootti aafiya e caddicha.

Anxuttaasiti 26:13

Kuxuttese kaato, ogiyanna ta hangusune surinte saatawwa qoossi fo'e gare fo'e ta beedo. Feditaara wolla hangiya ta yesune nu googiya afaafa e faddho.

Efesoonaxituse 6:17

Yeydiwo Wontoy hinuse matese loolo modhussi aykuwayte. Toorase qinowa gadusso gulley qino kakkenike ye looloy hinumba kafako e kakke. Ayaana Geeshi satata maaqe Wonto kato gixhuwayte.

Ibraxituse 4:12

Wonto katoy en'aara hantesaarako. Lam'i bade nuuna keenge satatame gardese nuunaxuko. Satatay xhabhowara abbiyara bursi wol garafa shahenike Wonto katoy axi be axeto giddaa keengesa uddi base shati eresako. Muxhuro giddaa aachutti yese maxowara col'aara modhussi arsi beedi yaa'esako.

Yohanise Haraje 1:20

Ta oshichi kuchiyaka ne beedo laappi xhoolinteseni maaqqe worqiyafa hantuttese faqey e gara gadutte laappi abakoseni u birchey ha esako. Laappi xhoolintey be godowa godowa yese laappi Wonto zawase yese Wonto woosaxitako. Faqey e gara gadutte laappi abakoy laappi godowa yese Wonto zawaxitako.

Yohanise Haraje 10:1

Ye e geede osaxe maaqe fede Wonto woosaxi dhumay e googe yesesi afaafa hodhusune ta beedo. E qino googiya iraxhi maashay e yecha. E aafushani hade qoossuke faqesaara e tokeni hade tamake yese biddo bisheshaara e maaqicha.

Yohanise Haraje 12:1

Ye e geede afaaka keddaydesesaara micusheshaara maaqe yeragoy e bento. Ye esini bidzi indoy qoosse maa'oke maadhesenni, agunnay i toke oomo yesenni, tamma lam'i xhoolinte be gara keenge kuxase gadutte gulle be qinowa keengenni i bento.

Yohanise Haraje 19:15

Be wude wude yese axita esuna e cade nuunaxe maaqe satatay e asshaafa kesso. Esini qanga kallonako axe e ahe. Uddi base danda'e Wontoy u gara be huuleesita waake e hisesa beyse weyne daanay essaa cicutte godoko weyne e dorbe.

Yohanise Haraje 19:21

Atta tooraxitini assi faradze gara uttesi asshaafa kese satatana u haydho. Kafitini uddi u acho muudi missho.

Yohanise Haraje 2:1

Efesoone yese Wonto zawase maaqe Wonto woosaxuko ha ta ohesa diizuwa: Laappi xhoolinte be kuchiya aytesesaara faqey e gara gadutte laappi abako giddaaka sekke hanke hantesaaray e ohesi ha esako. Ye esini

Yohanise Haraje 2:12

Phergamoone yese Wonto zawase maaqe Wonto woosaxuko ha ta ohesa diizuwa: Lam'i badena nuuna keenge satata nuunaxe aytesesi e ohesi ha esako. Ye esini

Yohanise Haraje 2:16

Ye e gisha ne cubbo dhaddi maaquwa. Maaqe ne dheeba'ayko ukkenawo neeko yoodiko ta asshaafa kese satatana uso ta darge.

Yohanise Haraje 3:1

Sardeese yese Wonto zawase maaqe Wonto woosaxuko ha ta ohesa diizuwa: Laappi Wonto Ayaanitaara laappi xhoolintiyara keengesi ohesi ha esako. Ye esini > yeydiko ne hiyutte. Yeydi hiyuttuwa baaka haydhiko ne yese.