Yohanise 6:51 - Kille Caaqo

⁵¹ Afaafa hoddha en'a booray tambako. Ha booraafa muunesi ooneni koolo makkinako e yese. Ha saha gara yese axi yeso u keemoronike ta inge booray ta achoko>> yeydi e hido.

Yohanise 6:51 ပူးပေါင်းရင်းမြစ်များ

Matoose 20:28

Yeydiwo tani axi yeley ta yoodosi axe maresaara ta yeso garsi indi laga axe taanna wozesaarako baaka axi taa marorosa yoodo baasso>> yeydi e hido.

Luqaase 22:19

Sekkeni boora densi Wonto galatti meyssi ususe indi <> hidi e hido.

Yohanise 1:14

Katoy axe e maaddho, nu giddani e yesso. Wontoy axuse keenge maxo modhetiyara aadiyaray essaaka kundine bidzi yeley biyade da'aa keenge kuxakewo e kuxa fuulani nu beedo.

Yohanise 1:29

Geede wonte Yohanisey Yesuusay beeko yoonesa beedi <

Yohanise 11:26

Taanna yesesaara tamba aadexesaaray be uddina fetto hay'uwasso. hidi hitta ne hine?>> hidi e oycco.

Yohanise 3:13

Afaafa hoddha axi yele hidi hiyuttesa baaka afaaka kessasi ooneni baasso.

Yohanise 3:14

Axi yele hidi hiyuttesa aadexesi be uddina koolo makkina yeso degexoronike Musey saha melaaka shooshe keddaysi suxhonike yeydiwo ye axi yeleni keddaydi suxhutteko esa e worguse.

Yohanise 3:16

Wontoy bidzi be yele be ingoro makko ha saha gara yese axita keddaysi e eeto. Ye e gisha e yele aadexesi uddina koolo makkina yeso u degexesa baaka bayuttuwasso.

Yohanise 3:36

E yele aadexesi koolo makkinako e yese. E yelese woosuttuwasimay Wontoy e gara huulesa baaka yesowa geluwasso>> yeydi e hido.

Yohanise 5:24

Hinuse ta ohesi fetto aadeko. Ta kato siidi tamba ansase aadexesi koolo makkina yesoko e keenge. Ye esi haybowafa yesowa e gardosa baaka e gara yaa'uttuwasso.

Yohanise 6:33

Wontokofa ingutta aade booray afaafa hodhi ha saha gara yese axituse yeso ingesako>> hidi e hido.

Yohanise 6:35

Yesuusani <

Yohanise 6:41

Ayhudaxitini <> hidi e hido gisha umbu umbu hiye u ayto.

Yohanise 6:47

Hinuse ta ohesi aadeko. Taa aadexesi koolo makkina yesoko e keenge.

Yohanise 6:48

Tani yeso inge boorako.

Yohanise 6:50

Afaafa hoddha booray axi muudi hay'uwannike mahe boorako.

Yohanise 7:38

Tamba aadexeesuse Hayla Fissharoy ohenike yeso waaxi tultoy e gawwaafako e fol'e>> yeydi e hido.

2Qorontoosaxituse 5:19

Ye esini Wontoy Kristosa badena beera wolko ha saha gara yese axita naqisine u miidha taaddo baasso. Numbani <> hidi nu hiyoronikeko e mato.

2Qorontoosaxituse 5:21

Nuni Kristosaara wolla bidzo maaddhi Wontona gizo nu maaqoronike Wontoy cubbo keenguwa Kristosa nu cubbo e iddoronikeko e mato.

Efesoonaxituse 5:2

Kristosay nimba eetonikiyara Wonto magguse modhe sawwe ingowara kaashaara mati be yeso nuume hissine garsi e indonikiyara hinunini eehana yesuwayte.

Efesoonaxituse 5:25

Adiyaxhito! Kristosay Wonto zawa axita eetonikiyara bemba usume hissine garsi e indonikiyara hinunini hi macho macho eehuwayte.

Titose 2:14

Esini iitaafa uddi numba wozese modhe hanta hantese oseydesesaara esusewo maaddhese axitaara nu maaqoronikeko numba geesheme hissine nu gisha bemba garsi e indo.

Ibraxituse 10:20

Haylame e Hayla hade gilbakeysi fasshecha maa'o badena kahiney gelichonike Kristosa acho badena Wontoko uqese nu danda'oronikeko killiyara en'aara maaqe oge nuuse e dodho.

1Phexhrosey 2:4

Yebo, en'a shuche maaddhese Laaxi Yesuusako uquwayte. Ye shucheni axiti haassi datto, Wontomay hay xhardi e kusso.

1Yohanisey 2:2

Ni cubboy ucutti e baanesi esunako. Ni cubbowo maaddho badi e yesune ha saha gara yese uddi axiti hanto cubboy e ucuttesi esunako.

1Yohanisey 4:10

Eehay ha esako. Eehay nini Wonto eetonike maaddho badi e yesune Wontoy numba beesewo be eetosaara be yele kaasha mati nu cubbo e ooxorosa e ansosaaray ye esako eehay.

1Yohanisey 4:14

Adey be yele ha saha haybowafa maaresa mati e ansonike beediko ni yese, ye esuseni ato maaddhiko ni zeere.