Yohanise 4:36 - Kille Caaqo

³⁶ Kaxa aceshi ye be aceshi wooma efako e ekke. Koolo makkina yesese danda'e aafeko e bhikkille. Ye e gisha aylesini aceshini wolko maggako u magge.

Yohanise 4:36 ပူးပေါင်းရင်းမြစ်များ

Matoose 19:29

Taame hissine be zawitani oo'oyne beyndo na'axhe, oo'oyne beyndo bunaycitani, biyadeni maaqqe beyndoni yeydiwo be nayshitani, be wootani, e maaqo'ayko dhadda axi ooneni xhiixi dakkeko e ekke. Koolo makkina yesoni esusuko e ingutte.

Yohanise 3:36

E yele aadexesi koolo makkinako e yese. E yelese woosuttuwasimay Wontoy e gara huulesa baaka yesowa geluwasso>> yeydi e hido.

Yohanise 4:14

Tani inge waaxe usheshimay koolo makkina sazzuwasso. Ye esini esukofa koolo makkina yesoy fol'e tultoko e maaqe>> yeydi e hido.

Yohanise 5:24

Hinuse ta ohesi fetto aadeko. Ta kato siidi tamba ansase aadexesi koolo makkina yesoko e keenge. Ye esi haybowafa yesowa e gardosa baaka e gara yaa'uttuwasso.

Roomaxituse 1:13

Nuundo nayshito! Hinuke Ayhuda maaquwa fedituko handi erussi Wonto u aadexoronike mati laga ta degessonike yeydiwo hinuko handi erussi Wonto aadexarasita degexese wordi laga woggaako hinuko hammese ta hidecha. Yeydi tani hidakoni hay hatte aallo tucutti ta yesenike hi erorosako ta worge.

Roomaxituse 2:7

Modhe hanta miindi hanti Wontokofa bente kuxaara, e kuxa fuulaara, koolo makkina yesuwara worgeesituse koolo makkina u yesoronikeko e mahe.

Roomaxituse 6:22

Hattema cubbo maaketowafa shawo kessi Wonto maala maaddhiko hi yese. Ye esi e go'esi hinumba hayla mahesuko. E aallicirani koolo makkina yesoko.

Roomaxituse 6:23

Cubbowafa degexuso woomay hayboko. Wontoy mikke inge ingomay nu Laaxi Yesuusi Kristosana bente koolo makkina yesoko.

1Qorontoosaxituse 9:17

Ta maxona ha modhe odo ta otako e wooma efako ta efaane. <> hidi e hinne handi ta oto geede ye ta woosutto woossowo ta hantosako e maaqe.

1Qorontoosaxituse 9:18

Hinne ye ta hanta woomay abana? Ye ta hanta woomay modhe odo ohisine ta adetona go'utto badesine ye modhe odo taase ta hanta woomay shamutto baanne oheko.

1Teselonqaxituse 2:19

Nu gobboy oo'oyne nu maggay oo'oyne Laaxi Yesuusay yooneniya e buro esuna nu cee'utte nu moorey hine oonena? Hinumba maaquwaye?

1Xhimootoosese 4:16

Ne yesoseni maaqqe ne erusesuseni nemba kakkuwa. Neeko ta otosuna uddi oseywa. Yeysi maho'ayko nembani maaqqe siineesita loolusako ne looluse.